Tito 3:7 - Tachi Ak'õre Pedea

⁷ Mãɨya Tachi Ak'õrepa ichi sõpiadepa tachi jĩp'a unu bɨ pẽra ewaricha ichi ome chok'ae p'ananaipɨ. Mãɨ nɨ p'anɨma.

Tito 3:7 Referans Kwoze

Romano 8:17

Ichi warrarã pẽra Cristo ome ichia uru bɨdepema jitadaipɨ. Tachi piarã Cristo minachia mĩana jĩra minachia mĩa p'ananaipɨra, Tachi Ak'õrepa Cristo ome ará minachia pia bɨipɨ.

Romano 3:24

Maamina Tachi Ak'õrepa ichi sõpiadepa ẽpẽra chi ichidirã jĩp'a berã paara bɨparima pari ne tearu jĩra. Mãɨya jaraparima Jesucristopa nemietaadepema k'aripada pẽra.

Tito 2:11

Tachi Ak'õrepa jõmãɨrã́ unupisima ichi sõpiadepa ẽpẽrarã k'aripaparit'a.

1 Corintio 6:11

Naena, mãranepema chi está mãɨya p'anapachidama. Maamina mãrapa nemietá oodada Tachi Ak'õrepa sɨɨsima, ichi pae pia bɨsima mãɨnepa nepɨra newẽa bɨade asima Tachi Chipari Jesucristodepa mãɨnepa ichi Jaoredepa.

Tito 1:2

Chi mãɨya ĩjãa p'anɨpa Tachi Ak'õre ome ewaricha chok'ae p'ananai k'orea nɨ p'anɨma, nãɨ ĩjũa ooi naena Tachi Ak'õre sea jarak'á bɨpa mãɨya ooyade asi pẽra.

Santiago 2:5

Ũpẽarã mɨa k'ɨ̃ria berã, ¡ũrit'ɨ! ¿Tachi Ak'õrepa nãɨ ĩjũane nenea k'ede k'aripawẽk'ãra Jesucristode ĩjãanamẽrá? Mãɨya ãchi ẽpẽra ɨbɨa p'anɨ jĩra p'anɨma. Tachi Ak'õrepa ãchi ichi juade ua baipɨ. Mãɨya piarã jarasima, chi ichi k'ɨ̃ria berã́.

Gálata 2:16

Maamina tachia k'awa p'anɨma Tachi Ak'õrepa ẽpẽra aba pida bɨwẽma chi jĩp'a be paara, mãɨ Moisepa bɨda oo bɨ pẽra. Mãɨpari Jesucristopa mãɨ bɨda jĩra jõma ooda k'orea, Tachi Ak'õrepa tachi bɨparima chi jĩp'a be paara. Mãɨpuru tachia pida Jesucristode ĩjãasidama, mãɨnepa Jesucristode ĩjãa bɨ k'orea mãɨya chi jĩp'a be paara p'anapatama, Ichia mãɨ bɨda jĩra jõma ooda k'orea. Piarã Moisepa bɨda oo p'anɨnepa Tachi Ak'õrepa tachi bɨk'ama chi jĩp'a be paara.

Romano 11:6

Mãɨya Tachi Ak'õrepa ichi sõpiadepa jɨrɨ atasipɨra, taipa oo p'anɨ k'orea jɨrɨ ataé pasima. Taipa oo p'anɨ k'orea jɨrɨ atadapara, mãɨyara ichi sõpiadepa jɨrɨ ataiwẽ pasima.

Gálata 3:29

Mãra Cristodé pẽra piarã Abrahán warrarãpɨ. Mãɨpa Tachi Ak'õrepa mãra k'aripasima ichia Abrahaná tachi k'aripayade ada pẽra.

Romano 4:16

Tachi Ak'õrepa teai jarada tachia jitadaipɨ ichide ĩjãa p'anɨ pẽra. Tachi Ak'õrepa ichi sõpiadepa mãɨ pari tea bɨma. Mãɨpuru jõma Abrahán ẽpẽrarã, chi Moisepa bɨdadepa p'anɨrãpa, mãɨ piarã jitadaipɨ. Maamina abapuru ãchiapuru jitadaiwẽma, mãɨpari judiorãwẽ pida Abrahán jĩra Tachi Ak'õrene ĩjãanaipɨra jitadaipɨ. Mãɨya Abrahán jõma tachi, chi Tachi Ak'õrene ĩjãa berã ak'õrepɨ.

Romano 3:28

Tachia jaratea p'anɨma Jesude ĩjãa p'anɨnepa Tachi Ak'õrepa tachi chi ichidirã jĩp'a berã paara bɨit'a. Mãɨya jarak'ama, Moisepa bɨdade ĩjãa p'anɨnepa.

1 Pedro 3:7

Ɨmɨk'ĩrarã k'ima pará berã, k'ɨ̃risia piadepa mãra k'ima ome pia p'anat'ɨ. Mãra k'ima pia bapii k'ɨ̃ria p'anɨnepa ãchi pia ak'ɨt'ɨ, wẽra ɨmɨk'ĩra k'aepẽra ɨbɨwẽa bɨ pẽra mãɨnepa mãra ome ará p'anɨrã́ Tachi Ak'õrepa, ichi sõpiadepa chok'ae p'ananait'a pari teada pẽra. Mãɨya oodaepɨra, mãrapa ɨt'aa chiidiutat'a Tachi Ak'õrepa pia ũriwẽma.

Hebreo 11:9

Tachi Ak'õrene ĩjãana pẽra ichi Tachi Ak'õrepa teai jarada tuade bapachima p'aru te oodade waapẽarã jĩra. Ichi warra Isá mãɨnepa ichi ãichae Jacó ara mãɨ jĩra p'anapachidama, Tachi Ak'õrepa ãchiá pida mãɨ tua teai jarada pẽra.

Hebreo 11:7

Tachi Ak'õrepa Noea jarasima ne waidi unuk'á bet'a mãɨ ununait'a. Mãɨ Noepa ĩjãana pẽra, Tachi Ak'õre wap'ea bada pẽra p'ãp'orro minachia bɨt'a oosima, ichi ẽpẽerã k'aripai k'orea. Mãɨya chi nãɨ ĩjũane bea ãchi nemietá k'awapisima. Noepa ĩjãana pẽra Tachi Ak'õrepa ichi jĩp'a unusima.

Hebreo 6:17

Ara mãɨ jĩra Tachi Ak'õrepa pia k'awapi k'ɨ̃riasima chi ichia teayade ada pada piarã jitadait'a mãɨnepa ichia k'ɨ̃risia bɨ jĩra piarã ooparit'a. Mãɨpuru ara ichi t'ɨ̃nepa piarã teayade asima.

Gálata 4:7

Mãɨpuru waa mãra chipari pae pari mimiapataɨrãwẽma, mãɨpari Tachi Ak'õre warrarãpɨ. Tachi Ak'õre warrarã pẽra ichi warrarã pae uru bɨt'a atadaipɨ.

Romano 4:4

Chi mãɨ mimiaipɨra, ichi erreara pari teak'ama, mãɨpari ichi mimiana pari chi chiparipa teaipɨ.

Tito 2:13

Tachi pia p'ananai ewari nɨ p'anɨmisa mãɨya p'ananai p'anɨma. Mãɨ ewaride Tachi K'aripaparí Jesucristo cherude, ichi k'ĩrawãrea ununaipɨ, ichi Tachi Ak'õre chi atepe bɨdeepuru.

Mateo 25:34

Maapae mɨ, chi Minachia k'awa bɨpa juaraari p'anɨrã́ nãɨya jaraipɨ: “Mãra, mɨ Ak'õrepa pia beepidaɨrã, chet'ɨ. Ichi p'uurude pia p'anat'ɨ. Nãɨ ĩjũa oosiedapema mãɨ p'uuru mãra pae oo basima.

Marco 10:17

Jesú mãmãɨpa wãrune ẽpẽra ichimá p'ira chesima. Mãɨ ẽpẽra Jesú k'ĩrari sĩraporode k'obeek'ari idisima: —Pia Jarateaparí, ¿mɨa k'ãre ooi bɨma Tachi Ak'õre ome ewaricha chok'ae bai k'orea?

2 Tesalonicense 2:16

Tachi Ak'õrepa tachi k'ɨ̃riasima. Ichi sõpiadepa sõpiapisima ewaricha mãɨya p'ananamẽrá. Mãɨnepa k'awapisima piarã ichidepa nepia atadait'a. Taipa k'ɨ̃ria p'anɨma Tachi Chipari Jesucristopa mãɨnepa Tachi Pajãnepema Ak'õrepa mãra sõpiapidait'a mãɨnepa chaarea bɨdait'a. Mãɨya mãrapa pedea p'anɨ mãɨnepa oo p'anɨ ãarea pia baipɨ.

Hebreo 1:14

Mãɨyara ¿Tachi Ak'õrepa ɨt'aripa peedaɨrã k'airãma? Mãɨrã ãarea Tachi Ak'õre pae p'anɨẽra, ãchi peeparima chi ichia k'aripai bɨɨrã mãɨrã ak'ɨ p'ananamẽrá.