Tito 3:1 - Tachi Ak'õre Pedea

¹ Ũpẽarã́ k'ɨ̃risiapise chi nãɨ ĩjũanepema minachia k'awa p'anɨrã juade p'ananai p'anɨma. Ãchia jarauta oodai p'anɨma mãɨnepa nejõma pia oodai k'orea p'ananai p'anɨma.

Tito 3:1 Referans Kwoze

Mateo 22:21

Ãchia p'anoosidama: —Romanepema chi atepe poro chaarea bɨdé. Maapae Jesupa jarasima: —Mãɨyara chi Romanepema chi atepe poro chaarea bɨdé mãɨ ichidí ichiá teat'ɨ, ichiaba chi Tachi Ak'õrené mãɨ chi Tachi Ak'õrea teat'ɨ.

Hebreo 13:21

Mɨa k'ɨ̃ria bɨma chi ara mãɨ Tachi Ak'õrepa ne ãarea pia mãrá oo k'awapiit'a, ichia k'ɨ̃ria bɨ jĩra p'ue oodamẽrá. Mãɨnepa k'ɨ̃ria bɨma Jesucristodepa ichia tachi sõne ne ãarea ooit'a ichia k'ɨ̃ria bɨ jĩra p'ananamẽrá. Tachia ewaricha Jesucristoa pia pedeadai p'anɨma. Mãɨya beese.

2 Timoteo 2:21

Tachi sida ara mãɨ jĩra p'anɨma. Tachia k'achia itu bɨdaipɨra, Tachi Chipari pae pia p'ananaipɨ. Mãɨya tachidepa ichia ne p'ue ooipɨ mãɨnepa nejõma pia oodai k'orea p'ananaipɨ.

2 Timoteo 1:6

Mɨ jua pɨ ɨ̃rɨ bɨside Tachi Ak'õrepa pɨá ne teasima ichi pae oomẽrá. Mãɨ k'orea mɨa jararuma: mãɨ Tachi Ak'õrepa teada pia oo bapariese, et'abarrade t'ɨpɨ p'uapari jĩra.

1 Timoteo 5:10

Ãchia pia oodada k'orea t'ɨ̃ p'oa p'ananai p'anɨma. Ãchi warrarã pia taup'ãepachidapɨra, ãchi tedea chedaadarã́ pia pedeapachidapɨra, ũpẽarã jĩru sɨɨpachidapɨra, chi mĩa k'ede k'aripapachidapɨra mãɨnepa nejõma pia oopachidapɨra, mãɨ p'ẽtã́ t'ɨ̃ k'art'ade bɨdai p'anɨma.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

1 Timoteo 4:6

Timoteo, pɨa jõma mãɨ ũpẽarã́ jaratea baipɨra, Jesucristo pae pari mimiaparí pia baipɨ. Tachi Ak'õre chi piarã pedea tachia ĩjãa p'anɨ ĩjãapodoutadepa pɨ jaore chaarea wari baipɨ, pia nek'o bɨ jĩra.

1 Timoteo 2:2

Jõma nãɨ ĩjũanepema minachia k'awa berã k'orea mãɨnepa chi poro chaarearã be k'orea Tachi Ak'õrea ɨt'aa chiididai p'anɨma tachi ne k'ɨ̃risiadawẽa p'ananai k'orea, Tachi Ak'õre wap'ea p'ananai k'orea, mãɨnepa ne ãareaɨne jĩp'a p'ananai k'orea.

1 Corintio 15:58

Mãɨ k'orea ũpẽarã mɨa k'ɨ̃ria berã, minachia ĩjãa p'anat'ɨ. Tachi Chiparipa k'ɨ̃ria bɨ minachia oopariet'ɨ. Mãrapa k'awa p'anɨma chi Tachi Chipari pae oo p'anɨ, pari oo p'anɨwẽt'a.

2 Pedro 1:12

Jõma makɨɨ k'awa p'anɨmina mãɨnepa chi piarã pedea minachia ĩjãa p'anɨmina, mɨa jõma makɨɨ mãrá k'ɨ̃risiapi baipɨ.

Tito 3:8

Mãɨ pedea piarã arí bɨ pẽra, mãɨne ĩjãanai p'anɨma. Mɨa k'ɨ̃ria bɨma pɨa mãɨ minachia jaratea bai Tachi Ak'õrene ĩjãa berãpa nejõma pia oo wãnamẽrá. Mãɨ pedea minachia pia bɨma. Jõmãɨrã k'aripaparima.

Colosense 1:10

Mãɨya mãra p'ue jĩp'a nipadaipɨ Tachi Chiparipa k'ɨ̃ria bɨ jĩra mãɨnepa ne ãareaɨne ichia mãra pia unuipɨ. Piarã mãrapa nejõma pia oo p'anɨnepa nejõ pia chau bɨ jĩra tuananaipɨ mãɨnepa Tachi Ak'õre pia k'awapododaipɨ.

P'ilipense 1:11

Mɨa ɨt'aa chiidi bɨma mãra Jesucristodepa ne ãareaɨne jĩp'a p'ananamẽrá. Mãɨya ẽpẽrarãpa Tachi Ak'õre chi atepe bɨade adaipɨ mãɨnepa ichiá pia pedeadaipɨ.

Ep'esio 2:10

Tachi Ak'õrepa tachi Jesucristodepa chiwidi oosima nepia oo p'ananamẽrá. Mãɨ nepia ichia naena bɨsima tachia oodamẽrá.

Juda 1:5

Mãɨ ãarea k'awa p'anɨmina mɨa k'ɨ̃risiapiruma Tachi Chiparipa ichi p'uuru Egitodepa k'aripasit'a. Maamina k'aripak'ari chi ichide ĩjãanawẽa berã k'enasima.

Tito 3:14

Tachi chi Cristode ĩjãa berãpa pia oo k'awadai p'anɨma nenea k'ede k'aripadai k'orea. Mãɨya ara tachi pari p'ananaiwẽma.

2 Timoteo 2:14

Jõma mãɨ tachi ũpẽarã́ k'ɨ̃risiapi base. Tachi Ak'õre k'ĩrari ũraase ãchi piawẽa be k'orea k'ĩruu pedea p'ananaiwẽa p'anɨ. Mãɨ k'ĩruu pedeapa tachi k'aripak'ama, mãɨpari chi ũri berã́ k'ɨ̃risia mietá k'ɨ̃risiapiparima.

Tito 1:16

Ãchia jarapatama Tachi Ak'õre k'awa p'anɨt'a, maamina ãchia oo p'anɨnepa unupipatama ichi itu bɨ p'anɨt'a. Ãchi k'ɨɨrɨwẽa be mãɨnepa nepia oodai k'orea p'ananak'ama. Ãchia oopataɨ Tachi Ak'õrepa k'ɨ̃riak'ama.