Tito 1:11 - Tachi Ak'õre Pedea

¹¹ Ãchia jarateaiwẽa bɨ jaratea p'anɨnepa techa ẽpẽrarã́ piawẽa k'ɨ̃risiapipatama. Aba errearadeepuru jarateapatama. Mãɨrã́ jarateapirãse.

Tito 1:11 Referans Kwoze

2 Timoteo 3:6

Mãɨ ẽpẽrarã techa sea jara wãpatama chi wẽerã t'ajuwẽa be mãɨnepa nemietá minachia oopataɨ be p'uedai k'orea. Mãɨ wẽerãpa ãarea nemietá oo k'ɨ̃ria bɨdepa paritua ĩjãapatama.

1 Timoteo 6:5

Mãɨ ẽpẽrarã k'ɨ̃risia mietá p'anɨ mãɨnepa chi piarã pedea atua p'anɨ paritua k'ĩruu pedeapatama. Ãchia k'ɨ̃risiapatama Tachi Ak'õrene ĩjãa bɨdepa erreara ununait'a.

Romano 3:19

Mãɨ pedea Tachi Ak'õre pedeade bɨt'a chi mãɨ bɨda ũri berã́ jara bɨma. Mãɨya mi ãpia pida p'ue nemietaawẽa bɨade a jarawẽma. Mãɨ Moisepa bɨdadepa k'awa p'anɨma jõma nãɨ ĩjũanepemarã Tachi Ak'õre k'ĩrari nepɨra pará p'anɨt'a.

Tito 3:10

Abaɨpa ũpẽarã́ k'ĩruu pedeapisira, ichi ɨtɨase waa mãɨya oopiemaapa. Ichia ĩjãawẽpɨra, mãicha ɨtɨase. Mãɨne waidi ĩjãawẽpɨra, ichi ome barãse.

Tito 1:9

Chi piarã pedea ichiá jarateadada minachia ĩjãa bai bɨma. Mãɨya ichia piarã pedea jĩp'a jaratea bɨdepa ẽpẽrarã p'ue k'aripaipɨ pia ĩjãanamẽrá, mãɨnepa chi piarã pedea piawẽa bɨade apataɨrã́ p'ue k'awapiipɨ ãchia piawẽa k'ɨ̃risia p'anɨ.

Tito 1:7

Ĩjãapataɨrã ak'ɨparipa Tachi Ak'õrepa ooda oopari pẽra nepɨra pará bɨade adaiwẽa bai bɨma. Ichi waapẽarã k'aepẽra atepe bɨ jĩra baiwẽa bɨma, ne wariwẽa bɨ k'orea k'ĩruu baiwẽa bɨma, it'uapa piu nipaiwẽa bai bɨma, k'ĩruuyá baiwẽa bɨma mãɨnepa erreara awaa baiwẽa bɨma.

2 Corintio 11:10

Cristo mɨ sõne bɨ pẽra piarã jararuma: Mɨa mãranepema erreara jitawẽa bɨade arude, chi waapẽarã k'aepẽra atepe bɨ jĩra jara bɨma. Acaya tuadepemarãpa mi ãpia pida p'ue jaraiwẽma mɨa mãɨ k'orea pia pedeaiwẽa bɨt'a.

Luca 20:40

Jesupa ãarea pia p'anoona pẽra abaɨ pida Jesua waa ne ididai k'ɨ̃rianaé pasima.

Juan 10:12

Maamina abaɨpa erreara k'orea oveja ak'ɨ baipɨra, usa k'achia cherude chi oveja ameek'oak'ari ãyá mĩruwãipɨ. Oveja ichidiwẽ pẽra pia ak'ɨk'ama. Mãɨne usa k'achiapa oveja aba jitade cherude waapẽarã jĩichoapatama.

Mateo 23:13

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa ẽpẽrarã́ Pajãne Bɨpa ichidirã ichi juade ua bɨ k'orea itu k'awapidak'ama. Machia k'ɨ̃riawẽa p'anɨma ichia mãra p'e uru bait'a mãɨnepa waapẽarãpa mãɨya k'ɨ̃ria p'anɨrã mãrapa itu oopidak'ama.

1 Timoteo 5:4

Maamina p'ẽtãpa warrarã uru bɨpɨra, ãichaerã uru bɨpɨra, mãɨrãpa k'aripadai p'anɨma. Ãchia minachia k'awadai p'anɨma sãmaasã́ ãchi tiidapemarã k'aripadai p'anɨt'a. Ãchi ak'õre, nae mãɨnepa ak'õrechõarã ne teadai p'anɨma mãɨrãpa ãchiá ne tea p'anana jĩra. Mãɨ Tachi Ak'õre k'ĩrari jĩp'a bɨma.

1 Timoteo 5:13

Mãɨ awara ãchi techa nipapatama mãɨnepa k'oa p'aneepatama. K'oa p'aneenak'ari, chi sea nepɨrɨ p'aneepatama, chĩara nepɨrade p'aneepatama, mãɨnepa ne jarai piawẽa bɨt'a pedea p'aneepatama.

2 Timoteo 2:18

Ãchi chi piarã pedeadepema ãyá wãsidama. Ãchia jarateapatama ẽpẽrarã piudada ya chok'ae p'irabarik'oasidat'a. Mãɨ k'orea waapẽarãpa Cristode ĩjãa p'anɨ k'orea k'ɨ̃risia ãyá k'ɨ̃risia p'aneesidama.