Romano 9:4 - Tachi Ak'õre Pedea

⁴ chi Israeldepemarã. Tachi Ak'õrepa ãchi naa jɨrɨ atasima ichi warrarã p'ananamẽrá. Ichi k'ĩrawãrea achiterrea ãchiá unupisima. Ichia ãchi chõarãenapemarã ome pedea ausidama. Moisepa bɨda ãchiá teasima. Ãchirã́ k'awapisima ichi te nepalade k'ãre oodai p'anɨt'a mãɨnepa jõma ichia teai jarada ãchi pae basima.

Romano 9:4 Referans Kwoze

Ep'esio 2:12

Nãɨ k'ɨ̃risiat'ɨ: mãra naena Cristo newẽa p'anasit'a mãɨnepa Israeldepemarãwẽ pasit'a. Tachi Ak'õre ãchi ome pedea auside ichia mãrá mi ãpia pida teai jaraé pasima. Mãɨ awara mãra sãmaasã́ pia p'ananaiwẽa p'anasidama mãɨnepa nãɨ ĩjũane Tachi Ak'õre newẽa p'anasima.

Romano 9:6

Mɨa jarawẽa bɨma Tachi Ak'õrepa chi israel ĩjũanepemarã pae ooyade adat'a oowẽa bɨ. Mãɨpari mɨa jara bɨma ãarea Israeldepa chedaadarã Tachi Ak'õre k'ĩrari piarã Israeldepemawẽpɨ.

Hecho 2:39

Tachi Ak'õre Chiparipa ichi Jaore teai jarada mãra pae bɨma, mãra warrarã pae bɨma mãɨnepa ẽpẽerã t'ɨmɨa p'anapataɨrã pae bɨma. Ãarea chi Tachi Ak'õre Chiparipa t'ɨ̃ bɨ ẽpẽerã pae pida bɨma.

Hebreo 9:1

Tachi Ak'õre israel ĩjũanepemarã ome naa pedea auside te ãnimara edepa oopadade asima nãɨ ĩjũane mãɨnepa mãma eda k'ãre oodai p'anasit'a Tachi Ak'õrea pia pedeadai k'orea.

Romano 8:15

Mãrapa Tachi Ak'õre Jaore jitasidaɨde, mãrá wap'eapié pasima, chi chipari pae pari mimiaparí jĩra. Mãɨpari mãra bɨsima Tachi Ak'õre warrarã padamẽrá mãɨnepa ichiá «¡Mɨ ak'õre!» adamẽrá.

Juan 1:17

Tachi Ak'õrepa naena Moisepa bɨda teasima, maamina Jesucristodepa tachiá k'awapisima ichi piarã sãmaasã́ bɨt'a mãɨnepa ichi sõpiadepa tachi minachia k'aripa bɨt'a.

Hebreo 9:10

Moisepa bɨdapa abapuru k'awapisima chi tachi k'ak'ua ɨ̃rɨpema k'orea jarateapataɨ: k'ãre k'odai p'anɨt'a, k'ãre todai p'anɨt'a, mãɨnepa Tachi Ak'õrepa sɨɨpi bɨ sãmaasã́ sɨɨdai p'anɨt'a. Mãɨ ãarea nãɨ k'ak'uade oopachidama aba Tachi Ak'õrepa ãarea k'ĩra chiwidi oorudea.

Hebreo 9:3

Chi k'aadeapema k'ɨda jẽesa p'aru eatɨa jira bɨ ãpɨte basima. Mãɨ «Tachi Ak'õre pae k'ɨda jẽesa chi atepe piipará bɨade» apachidama.

Juan 1:47

Jesupa Natanael ichimá orrobari cheru unuside nãɨya jarasima: —¡Ak'ɨt'ɨ! Nãɨt'a chi piarãpẽa ẽpẽra Israeldepemapɨ. Ichia tachi seak'ama.

Mateo 21:33

»Ũrit'ɨ. Mãicha awara nepɨrɨipɨ. Ẽpẽra basima. Ewariaba mãɨ ẽpẽrapa uva uuk'ari ichi ne uu ĩjũa mawarapa adu jũk'asima. Mawara uria waibɨa uya k'orosima uvaba jui k'orea. Ichiaba te ɨt'ɨ oosima mãmãɨpa ãarea ak'ɨi k'orea. Maapae ichi ne uu ĩjũa waapẽarã ẽpẽrarã juade bɨsima. Ãchi ome pedea ausidama uva baautade ichiá jõmasã́ teadait'a. Mãɨya pedeak'ari chi chipari tua awaraɨdea wãsima.

Romano 3:2

Mãɨyawẽma. Ne wawariadepa judiorã pai minachia pia bɨma. Naa mɨa jararuma mãɨya p'anɨt'a Tachi Ak'õrepa ichi pedea ãchiá teada pẽra.

2 Corintio 11:22

Ãchi hebreorãane a p'anɨma. ¿Mɨ sida ara abaɨwẽk'ãra? Ãchi israeldepemarãane a p'anɨma. ¿Mɨ sida ara abaɨwẽk'ãra? Ãchi Abrahán warrarãane a p'anɨma. ¿Mɨ sida ara abaɨwẽk'ãra?

Gálata 3:16

Ara mãɨ jĩra Tachi Ak'õrepa Abrahaná, mãɨnepa chi ichidepa unui bɨa jarasima ichia jõmãɨrã k'aripait'a. Tachi Ak'õre pedeade bɨwẽa bɨma «Abrahanepa unui ẽpẽrarã» chok'ará ẽpẽrarã jara bɨ jĩra. Mãɨpari bɨ bɨma Tachi Ak'õrepa chi Abrahanepa unui bɨa mãɨya jarasit'a abapuru pedea bɨ pẽra. Mãɨ Cristopɨ.

Hebreo 9:5

Baulte ɨ̃rɨ Tachi Ak'õrepa ɨt'aripa peeda jĩra ĩk'arra pará p'anɨ ume p'anasidama. Ãchi ĩk'arrapa chi baulte t'ap'a ɨ̃rɨ t'ap'a uru p'anasidama. Ãchi p'anɨmá Tachi Ak'õre k'ĩrawãrea achiterrea chepachima. Mãɨ ɨ̃rɨ chi p'aarepa ne oa jĩp'orude Tachi Ak'õrepa ẽpẽrarãpa nemietá oodada k'ɨ̃risia atuapachima. Maamina taipa nãɨ k'art'ade nãɨ ne ãarea p'ue jarateadaiwẽma.

Hebreo 9:6

Mãɨ ãarea pia oosidaɨde p'aarerã ewaricha chi naapema k'ɨda jẽesade eda wãpachidama ãchia Tachi Ak'õre pae oodai p'anɨ ãarea oodai k'orea.