Romano 8:9 - Tachi Ak'õre Pedea

⁹ Maamina Tachi Ak'õre Jaore piarã mãra sõne bɨ pẽra, ichidepa nipapatama. Nãɨ k'ak'uapa oo k'ɨ̃ria bɨdepa nipadak'ama. Piarã chi Cristo Jaore nea bɨt'a Cristodewẽma.

Romano 8:9 Referans Kwoze

Gálata 4:6

Mãra Tachi Ak'õre warrarã pẽra ichi Warra Jaore peesima mãra sõne bamẽrá. Ichi Jaore tachi sõne bɨpa «¡Mɨ Ak'õre!» aparima, tachi Ichi warrarã k'awadamẽrá.

1 Corintio 3:16

¿Atua p'anɨk'ãra Tachi Ak'õre Jaore mãra sõne bɨ? ¿Atua p'anɨk'ãra mãra Tachi Ak'õre te?

2 Timoteo 1:14

Tachi Ak'õre Jaore tachi sõne baparima. Mãɨneepuru, chi pedea piarã Tachi Ak'õrepa pɨá teada minachia ak'ɨ base.

1 Corintio 6:19

¿Mãrapa atua p'anɨk'ãra mãra k'ak'ua Tachi Ak'õre Jaore tet'a? Tachi Ak'õrepa ichi Jaore mãrá teasima. Ichi mãra sõne bɨma. Mãra k'ak'ua ara mãranewẽma mãɨpari Tachi Ak'õrenepɨ.

Romano 8:11

Maamina ichi Jaore mãra sõne bɨ pẽra, ichidepa mãra k'ak'ua piui bɨt'a chok'ae p'irabaripiipɨ Cristo Jesú chok'ae p'irabaripida jĩra.

Juan 14:17

Ichi Tachi Ak'õre Jaorepɨ. Ichia Tachi Ak'õre piarã k'awapiparima. Nãɨ ĩjũanepemarãpa ichi p'ue jitadaiwẽma, ununak'a pẽra mãɨnepa atua p'anɨ pẽra. Maamina mãrapuru ichi k'awa p'anɨma, mãra ome bɨ pẽra mãɨnepa mãra sõne bai pẽra.

Ep'esio 1:13

Mãɨ awara mãra judiorãwẽ pida chi piarã pedea ũrinak'ari Cristode ĩjãanak'ari, mãɨ tachi k'aripai pedea pia ĩjãasidama. Mãɨya Cristode ĩjãasidaɨde Tachi Ak'õrepa ichi Jaore mãrá teasima ichia jarada jĩra. Ne naa teapari jĩra, mãɨpa k'awapi bɨma mãra ichidirãt'a.

Gálata 5:24

Cristoderãpa chi nãɨ k'ak'uapa nemietá oo k'ɨ̃ria bɨt'a k'urusude barijira bɨk'ari peasidama.

Ep'esio 2:22

Cristo ome p'anɨ pẽra mãra sida jõma ẽpẽrarã Tachi Ak'õrenepemarã paara, te aba bɨ jĩra p'anɨma. Mãɨ tede Tachi Ak'õre ichi Jaoredepa baparima.

Romano 8:2

Ichidepa Tachi Ak'õre Jaorepa tachi chok'ae bapida pẽra, tachi nemietaadepema, piudai pada pari ãjã́ bɨsima.

Juan 3:6

Tachi naepa t'õna nãɨ k'ak'uadepa chedapɨ, maamina mãicha t'õna Tachi Ak'õre Jaoredepa t'õnapɨ.

P'ilipense 1:19

mɨa k'awa bɨ pẽra mɨ nãmapema awara wãit'a, mãrapa Tachi Ak'õrea ɨt'aa chiidi p'anɨ pẽra mãɨnepa Jesucristopa teada Jaorepa k'aripa bɨ pẽra.

1 Juan 4:13

Tachi Ak'õrepa ichi Jaore tachiá teada pẽra k'awa p'anɨma tachi Tachi Ak'õre ome p'anɨt'a mãɨnepa ichi tachi ome bɨt'a.

Luca 11:13

Mãra chi k'achia berãpa mãra warrarã́ nepia tea k'awa p'anɨpɨra, ¿mãra Ak'õre pajãne bɨpa chi idi p'anɨa ichi Jaore teaiwẽk'ãra?

1 Juan 4:4

Mɨ warrarã, mãra Tachi Ak'õrenepɨ. Mãrapa mãɨrã́ itu seapidaé pasima, chi mãra sõne bɨ chi nãɨ ĩjũane be k'aepẽra jua chaarea bɨ pẽra.

1 Corintio 15:23

Cristo naa chok'ae p'irabarisima. Ichi mãicha cherude ichidirã chok'ae p'irabaridaipɨ.

1 Juan 3:24

Chi Tachi Ak'õrepa oopi bɨ pedeat'a Tachi Ak'õre ome bɨma, mãɨnepa Tachi Ak'õre ichi ome bɨma. Tachia k'awa p'anɨma Tachi Ak'õre tachi ome bɨt'a, ichi Jaore tachiá teada pẽra.

2 Corintio 6:16

¿Juapa oodada sãdo Tachi Ak'õre te minachia bɨde bai bɨk'ãra? Piarã tachi chi Tachi Ak'õre minachia chok'ae bɨ tepɨ. Mãɨ k'orea Tachi Ak'õrepa ichi pedeade nãɨya jarasima: «Mɨ ãchi ome baipɨ. Ãchi t'ãena nipaipɨ. Mɨ Tachi Ak'õre ichidirã paipɨ mãɨnepa ãchi mɨ ẽpẽrarã p'uuru padaipɨ».

Juan 3:34

Tachi Ak'õrepa peedapa Tachi Ak'õre pedea pedeaparima, Tachi Ak'õrepa ichi Jaore wãak'awẽa teada pẽra.

1 Pedro 1:11

Cristo Jaore ãchi sõne bɨpa pedeapipachima Cristo minachia mĩak'ari Tachi Ak'õrepa pia bɨi k'orea. Mãɨpa pedeak'ari k'awa k'ɨ̃ria p'anasidama k'ai k'orea Cristo Jaorepa ãchiá pedeapisit'a mãɨnepa sãapae jõma mãɨ mãɨyai.

Apocalipsi 20:15

Chi ẽpẽerã ewaricha chok'ae p'ananai k'art'ade chi t'ɨ̃ bɨwẽa be Tachi Ak'õrepa mãɨrã t'ɨpɨ uruade jirat'aasima.

Apocalipsi 13:8

Mãɨne chi nãɨ ĩjũane ãareaɨrãpa mãɨ ãnimara minachia k'ɨ̃riasidama. Nãɨ ĩjũa ooi naena ãchi t'ɨ̃ chi Oveja Chak'e k'art'ade eda bɨ baé pasima. Mãɨ chi ewaricha chok'ae p'ananai k'art'ade ãchi t'ɨ̃ ãarea eda bɨ bɨma.

2 Corintio 10:7

Mãrapa chi ɨ̃rɨpema ak'ɨ p'anɨma. Abaɨpa piarã Cristodé k'ɨ̃risia bɨpɨra, k'awa bai bɨma tai sida Cristoderã.

Juan 14:23

Jesupa p'anoosima: —Chi mɨ k'ɨ̃ria bɨpa mɨ pedea oo baipɨ. Mɨ Ak'õrepa ichi k'ɨ̃ria baipɨ. Maapae mɨ, mɨ Ak'õre ome ichimá chedaipɨ ichi ome ará p'ananai k'orea.

Hecho 16:7

Misia tuade wãsidaɨde k'ɨ̃risiasidama Bitinia p'uurudea wãnait'a, maamina Jesú Jaorepa mãmá pida itu wãpié pasima.

Romano 7:5

Tachi nãɨ k'ak'uapa oo k'ɨ̃ria bɨdepa nipasidaɨde Moisepa bɨdade jara bɨ k'orea nemietá atepe ooi k'ɨ̃riasidama. Mãɨne nemietá oo p'anɨ k'orea piudai p'anasidama.

Romano 8:1

Naapae tachi Cristo Jesú ome p'anɨ pẽra nepɨra mi ãpia pida pará p'anɨane a bɨwẽma.

1 Corintio 6:17

Maamina chi Tachi Chipari ome ará bɨt'a ichi ome jaore aba bɨ jĩra p'anɨma.

Ep'esio 3:17

Mãɨnepa ɨt'aa chiidi bɨma ĩjãa p'anɨ pẽra Cristo mãra sõne bamẽrá. Ɨt'aa chiidi bɨma mãra ne ãareaɨne k'ɨ̃rianepa p'ananamẽrá. Mãɨya chaarea p'ananaipɨ minachia k'arra jãa p'anɨ jĩra.