Romano 8:8 - Tachi Ak'õre Pedea

⁸ Chi nãɨ k'ak'uapa oo k'ɨ̃ria bɨdepa nipapataɨrã Tachi Ak'õrepa pia unuk'ama.

Romano 8:8 Referans Kwoze

Romano 7:5

Tachi nãɨ k'ak'uapa oo k'ɨ̃ria bɨdepa nipasidaɨde Moisepa bɨdade jara bɨ k'orea nemietá atepe ooi k'ɨ̃riasidama. Mãɨne nemietá oo p'anɨ k'orea piudai p'anasidama.

Romano 8:9

Maamina Tachi Ak'õre Jaore piarã mãra sõne bɨ pẽra, ichidepa nipapatama. Nãɨ k'ak'uapa oo k'ɨ̃ria bɨdepa nipadak'ama. Piarã chi Cristo Jaore nea bɨt'a Cristodewẽma.

Colosense 1:10

Mãɨya mãra p'ue jĩp'a nipadaipɨ Tachi Chiparipa k'ɨ̃ria bɨ jĩra mãɨnepa ne ãareaɨne ichia mãra pia unuipɨ. Piarã mãrapa nejõma pia oo p'anɨnepa nejõ pia chau bɨ jĩra tuananaipɨ mãɨnepa Tachi Ak'õre pia k'awapododaipɨ.

Juan 3:3

Jesupa ichiá jarasima: —Piarã ara mɨa pɨá jararuma: ẽpẽra mãicha chiwidi t'õepɨra p'ue baiwẽma Tachi Ak'õre juade ichidirã ome.

Hebreo 13:21

Mɨa k'ɨ̃ria bɨma chi ara mãɨ Tachi Ak'õrepa ne ãarea pia mãrá oo k'awapiit'a, ichia k'ɨ̃ria bɨ jĩra p'ue oodamẽrá. Mãɨnepa k'ɨ̃ria bɨma Jesucristodepa ichia tachi sõne ne ãarea ooit'a ichia k'ɨ̃ria bɨ jĩra p'ananamẽrá. Tachia ewaricha Jesucristoa pia pedeadai p'anɨma. Mãɨya beese.

1 Juan 3:22

Mãɨne chi tachia idiuta Tachi Ak'õrepa teaipɨ, ichia oopi bɨ pedea mãɨnepa pia unu bɨt'a oo p'anɨ pẽra.

Juan 8:29

Mɨ Peeda mɨ ome bɨma. Mɨ Ak'õrepa mɨ tuaba ameek'ama mɨa ewaricha ichia k'ɨ̃ria bɨt'a oo bapari pẽra.

1 Corintio 7:32

Mɨa k'ɨ̃ria bɨma mãrapa nãɨ ĩjũa k'orea minachia k'ɨ̃risiapidaemaapa. Chi ɨmɨk'ĩra k'ima nea bɨpa pia k'ɨ̃risia baparima Tachi Chiparipa k'ɨ̃ria bɨ ooi k'orea. Tachi Chiparia arapaapii k'ɨ̃ria bɨma.

1 Tesalonicense 4:1

Mãɨ awara ũpẽarã, taipa mãrá jarateasidama sãmaasã́ Tachi Ak'õre k'ĩrari nipadai p'anɨ ichia pia unumẽrá. Tachi Chipari Jesú t'ɨ̃ne taipa mãrá chichupuria idi p'anɨma ara mãɨ jĩra nipadamẽrá. Piarã mãrapa mãɨya oomaa p'anɨma, maamina pia oot'ɨ.

Mateo 3:17

Mãɨ awara Tachi Ak'õre pajãnepa edá pedearu ũrisidama. Nãɨya jarasima: «Nãɨt'a mɨ Warra chi k'ɨ̃ria bɨpɨ. Mɨ ichi k'orea minachia sõ arapá bɨma».

Hebreo 13:16

K'ɨ̃risia atuarãt'ɨ pia oodai k'orea mãɨnepa mãrapa uru p'anɨnepa chi k'aripa p'ananai k'orea. Mãɨ ãarea Tachi Ak'õrepa pia unu bɨma ãnimara paatea p'anɨ jĩra.

Colosense 3:20

Warrarã, mãra ak'õrerã pedea ĩjãat'ɨ Tachi Chiparipa mãɨ pia unu bɨẽra.

P'ilipense 4:18

Nejõma mãrapa ũpẽa Epap'rodito ome tea peedada mɨa jitasima. Mãɨpuru ne minachia uru bɨma. Mãɨpa mɨ pia baipɨ. Mãrapa tea peedada, k'era p'iumá Tachi Ak'õrea teada jĩra bɨma. Mãɨ Tachi Ak'õrepa pia unu bɨma.

Romano 1:21

Ãchia Tachi Ak'õre k'awa p'anasidamina ichiá pia pedeadaé pasima mãɨnepa sõpia bɨade adaé pasima. Mãɨpari k'ɨ̃risia newẽa berã jĩra p'aneesidama. Mãɨya piawẽa k'ɨ̃risiadak'ari p'ãrione p'aneesidama.