Romano 7:21 - Tachi Ak'õre Pedea

²¹ Mãɨpuru nãɨ k'awa bɨma: mɨa nepia oo k'ɨ̃ria bɨmina nemietá mɨ sõne bɨpa nemietá oopiparima.

Romano 7:21 Referans Kwoze

Romano 7:23

Maamina k'ɨ̃risia awara pida mɨ sõne bɨma. Mãɨpa mɨ eda jɨ̃a nɨbɨ uru bɨ jĩra, mɨá nemietá oopiparima. Chi mɨa pia oo k'ɨ̃ria bɨt'a mãɨ k'ɨ̃risiapa itu oopii k'ɨ̃riak'ama, nepia ooi k'ɨ̃risia ome chõo bɨ jĩra.

Hebreo 2:17

Ichi cheside ne ãareaɨne tachi jĩra basima waapẽarã k'ĩra chupuriaparí p'aare minachia k'awa bɨ pai k'orea. Piarã Tachi Ak'õre k'ĩrari p'aare minachia k'awa bɨ jõma chi arí ooparí beesima. Mãɨpa ara ichi itu peapisima ẽpẽerãpa nemietá oopataɨ Tachi Ak'õrepa k'ɨ̃risia atuamẽrá.

Romano 8:2

Ichidepa Tachi Ak'õre Jaorepa tachi chok'ae bapida pẽra, tachi nemietaadepema, piudai pada pari ãjã́ bɨsima.

Romano 6:14

Tachi Ak'õrepa ichi sõpiadepa mãra k'aripada pẽra mãɨnepa Moisepa bɨdadepa p'anɨwẽ pẽra, nemietá waa mãra chipari paiwẽma.

Romano 6:12

Mãɨpuru nemietá itu mãra chipari papirãt'ɨ. Mãɨya mãra k'ak'ua piui bɨpa nemietá oo k'ɨ̃ria bɨt'a mãrapa waa oodaiwẽma.

2 Pedro 2:19

Ãchi k'aade wãnaipɨra, pia p'aneenayane apatama, chi chipari pae pari mimiaparí ichi chipari juadepema mĩruwãru jĩra. Maamina nemietá p'ue itu bɨdak'a pẽra pia p'aneenaiwẽma. Mãɨpa ãchi nemietá pae pari mimiapataɨrã papiipɨ. Piarã paritua nemietá p'ue itu bɨdaepɨra, tachi makɨɨ pae pari mimiapataɨrãpɨ.

Hebreo 4:15

Jesú tachi P'aare minachia k'awa bɨpa k'awa bɨma tachi jua ɨbɨwẽa p'anɨt'a. Tiorepa ichiá waa mĩesa jarasima ara mãɨya tachiá waa mĩesa jarapari jĩra. Maamina Jesupa nemietá ooé pasima.

Juan 8:34

Jesupa p'anoosima: —Mɨa piarã jararuma: nemietá oopataɨrã mãɨ nemietá pae pari mimiapataɨrãpɨ.

Luca 4:1

Jesú, Tachi Ak'õre Jaore ome bada, Jordán todepa jĩitea wãsima. Mãɨne Tachi Ak'õre Jaorepa ichi ĩjũa pania newẽa bɨdea ateewãsima.

Romano 7:25

Aba Tachi Ak'õrepuru Tachi Chipari Jesucristodepa mɨ k'aripaipɨ. Mãɨ k'orea mɨa ichiá pia bɨade aruma. Piarã mɨ k'ɨ̃risiade Moisepa bɨda oo k'ɨ̃ria bɨma, maamina nãɨ k'ak'uade bɨ pẽra nemietá mɨ sõne bɨpa nemietá oopiparima.