Romano 4:11 - Tachi Ak'õre Pedea

¹¹ Abrahanpa Tachi Ak'õrene ĩjãana pẽra, k'ak'ua tauchaawẽa badamina Tachi Ak'õrepa ichi nepɨra newẽa bɨade a jarasima. Mãɨ k'awapii k'orea Abrahanpa k'aadea ichi k'ak'ua tauchaasima. K'ak'ua tauchaawẽa berãpa Tachi Ak'õrene ĩjãanaipɨra, Abrahán ãchi ak'õrepɨ, abarik'a ĩjãa p'anɨnepa Tachi Ak'õrepa nepɨra newẽa p'anɨane a jara bɨ pẽra.

Romano 4:11 Referans Kwoze

Romano 3:22

Mãɨya Tachi Ak'õrepa ara ichia jararut'a ooparima, mãɨ Jesucristo ichi piuside ichi Ak'õre pedea ũri basi pẽra. Mãɨya ichia chi ãarea Jesude ĩjãautat'a chi ichidirã jĩp'a berã paara bɨparima. Aba pida k'ĩra awara unuk'ama.

Luca 19:9

Jesupa ichiá jarasima: —Idi Tachi Ak'õrepa pɨ, pɨ tiidaɨrã sida k'aripasima, pɨa ĩjãa bɨẽra Abrahanpa ĩjãana jĩra.

Hebreo 11:7

Tachi Ak'õrepa Noea jarasima ne waidi unuk'á bet'a mãɨ ununait'a. Mãɨ Noepa ĩjãana pẽra, Tachi Ak'õre wap'ea bada pẽra p'ãp'orro minachia bɨt'a oosima, ichi ẽpẽerã k'aripai k'orea. Mãɨya chi nãɨ ĩjũane bea ãchi nemietá k'awapisima. Noepa ĩjãana pẽra Tachi Ak'õrepa ichi jĩp'a unusima.

2 Corintio 1:22

Ichi Jaorepa tachicha tauchaapisima ichidirã k'awadamẽrá. Mãɨnepa tachi sõne bɨsima k'awadamẽrá jõma ichia teai jarada piarã atadaipɨ.

P'ilipense 3:9

mãɨnepa ichi ome bai k'orea. Mɨ ichi ome bɨwẽma chi Moisepa bɨdadepa, mãɨpari mãɨya bɨma Cristopa ichi Ak'õre pedea ook'ari, tachi k'orea piuda pẽra. Mɨa Cristode ĩjãa bɨ pẽra, Tachi Ak'õrepa mɨ ichi ome uru bɨma.

Ep'esio 4:30

Nemietá oo p'anɨpa Tachi Ak'õre Jaore sõp'uapirãt'ɨ. Tachi Ak'õrepa ichi mãrá teasima ichidirã k'awadamẽrá. Ichi Jaore mãra ome baipɨ aba Tachi Ak'õrepa ichi ẽpẽrarã jõma pia bɨi ewaridea.

Ep'esio 1:13

Mãɨ awara mãra judiorãwẽ pida chi piarã pedea ũrinak'ari Cristode ĩjãanak'ari, mãɨ tachi k'aripai pedea pia ĩjãasidama. Mãɨya Cristode ĩjãasidaɨde Tachi Ak'õrepa ichi Jaore mãrá teasima ichia jarada jĩra. Ne naa teapari jĩra, mãɨpa k'awapi bɨma mãra ichidirãt'a.

Gálata 6:16

Mɨa k'ɨ̃ria bɨma jõma mɨa jara bɨ jĩra ĩjãa be Tachi Ak'õrepa k'ĩra chupuria bai mãɨnepa ne k'ɨ̃risiawẽa bapiit'a. Mãɨ ẽpẽrarã Tachi Ak'õrenepemarãpɨ.

Gálata 5:5

Maamina tachia Cristode ĩjãa p'anɨ pẽra Tachi Ak'õre Jaoredepa piarã k'awa p'anɨma Tachi Ak'õrepa tachi chi jĩp'a berã paara bɨit'a.

Gálata 3:29

Mãra Cristodé pẽra piarã Abrahán warrarãpɨ. Mãɨpa Tachi Ak'õrepa mãra k'aripasima ichia Abrahaná tachi k'aripayade ada pẽra.

Gálata 3:22

Maamina Tachi Ak'õre pedeade bɨ bɨma nemietaapa jõmãɨrã eda serra uru bɨt'a. Mãɨya Jesucristopa ichi Ak'õrepa jarada oosi pẽra, chi ichide ĩjãautapa mãɨ Tachi Ak'õrepa teai jarada jitadaima.

Gálata 3:7

Mãɨpa k'awadai p'anɨma chi piarã Tachi Ak'õrene ĩjãa berãt'a Abrahán warrarãpɨ.

Romano 10:11

Tachi Ak'õre pedeade nãɨya bɨ bɨma: «Chi ichide ĩjãa bɨpa pari ĩjãa baiwẽma».

Romano 10:6

Maamina Tachi Ak'õre taade jĩp'a p'anɨrãnepema pai k'orea Cristode ĩjãa bɨma. Mãɨpa nãɨya jara bɨma: «Pɨ sõne jararãse: “¿K'ai pajãnea wãi bɨma?” (Cristo nãɨ ĩjũanea chepii k'orea).

Romano 10:4

Maamina mãɨya p'ananai k'orea ãchia chi ley oopachidaedapema k'aepẽra, Cristopa ãarea oosima. Chi Cristode ĩjãauta Tachi Ak'õre k'ĩrari jĩp'a berã unuparima.

Juan 6:35

Jesupa jarasima: —Mãɨ Mɨpɨ. Mɨ mãɨ chok'ae bapiparí p'anapɨ. Mãɨpuru chi mɨmá cheru waa jarrapisia baiwẽma mãɨnepa chi mɨne ĩjãa bɨt'a waa opisia baiwẽma.

Apocalipsi 9:4

Chi sisia jarasima ne k'irú mãɨnepa pak'uru ãrirãapadade asima. Maawẽapuru aba ẽpẽerã ãchi tau bɨɨrɨde chi Tachi Ak'õrene tauchaawẽa beada k'aapik'oasima.

2 Pedro 1:1

Mɨ Simón Pedropɨ, Jesucristo pae pari mimiaparipɨ mãɨnepa ichia peedapɨ. Mɨa nãɨ k'art'a bɨruma chi Tachi Ak'õrene mãɨnepa Tachi K'aripaparí Jesucristode ĩjãapataɨrã pae. Ichi jĩp'a bɨ pẽra, mãra tai ome abarik'a pia ĩjãa p'anɨma.

Romano 9:30

¿Mãɨpa k'ãre jara bɨma? Judiorãwẽpa jɨrɨdak'a pasima chi Tachi Ak'õre p'uuru jĩp'a bɨ padai k'orea. Maamina mãɨya p'aneesidama Cristode ĩjãanana pẽra.

Romano 9:6

Mɨa jarawẽa bɨma Tachi Ak'õrepa chi israel ĩjũanepemarã pae ooyade adat'a oowẽa bɨ. Mãɨpari mɨa jara bɨma ãarea Israeldepa chedaadarã Tachi Ak'õre k'ĩrari piarã Israeldepemawẽpɨ.

Romano 3:26

Idiapae ichia Jesucristodepa tachi k'aripa bɨma, ichi jĩp'a bɨ pẽra. Ichia jararut'a ara mãɨya oopari pẽra, chi Jesude ĩjãautat'a chi ichidirã jĩp'a berã paara bɨparima.

Juan 8:33

Maamina ãchia jarasidama: —Tai Abrahanepa ununana pẽra, tai chipari pae pari mimiapataɨrãwẽpɨ. ¿Sãmaasã́ pɨa tai pari ãjã́ p'ananayane a bɨma?

Juan 6:47

»Mɨa piarã jararuma: ẽpẽrapa mɨne ĩjãaipɨra Tachi Ak'õre ome ewaricha chok'ae baipɨ.

Juan 6:40

Mɨ Ak'õrepa piarã k'ɨ̃ria bɨma ẽpẽerãpa mɨ ichi Warra k'awadak'ari, mɨne ĩjãanak'ari ichi ome ewaricha chok'ae p'ananamẽrá. Mãɨya mɨa ãchi nãɨ jõru ewaride chok'ae p'irabaripiipɨ.

Juan 3:36

Chi ichi Warrade ĩjãa bɨ Tachi Ak'õre ome ewaricha chok'ae baipɨ, maamina chi ichi Warra itu bɨru, mãɨ Tachi Ak'õre ome ewaricha chok'ae baiwẽma. Ara nãɨena Tachi Ak'õrepa ichi ɨtɨa uru bɨma.

Mateo 16:16

Simón Pedropa p'anoosima: —Pɨ Tachi Ak'õrepa Tachi K'aripaparí teai jarada, Tachi Ak'õre chok'ae bɨ Warrapɨ.

Mateo 8:11

Mɨa mãrá jararuma: ɨmata ochiaparidepa mãɨnepa ɨmata baeparidepa mãɨ tuadepemarã chok'ará chedaipɨ. Mãɨrã tachi chõarãenapemarã Abrahán ome, Isá ome mãɨnepa Jacobo ome Pajãne Bɨpa ichidirã ichi juade ua bɨ nek'opataɨde suak'abari p'aneenaipɨ.

Romano 9:33

Tachi Ak'õre pedeade mãɨnepema nãɨya bɨ bɨma: «Ũrit'ɨ. Mɨa Sión p'uurude mawara bɨruma. Mãɨ mawaramá ẽpẽrarã t'enabaridak'ari baedaipɨ. Maamina chi ichide ĩjãa bɨpa pari ĩjãa baiwẽma».

Juan 3:33

Chi ichi pedeade ĩjãa bɨpa k'awa bɨma Tachi Ak'õrepa jara bɨt'a piarãpɨ.

Romano 3:30

ichi aba bɨ pẽra. Ichia jõma Jesude ĩjãautat'a chi ichidirã jĩp'a berã paara bɨparima. K'ak'ua tauchaa berãpa mãɨnepa k'ak'ua tauchaawẽa berã pida Jesude ĩjãasidara chi ichidirã jĩp'a berã paara bɨparima.

Romano 4:10

Maamina ¿Tachi Ak'õrepa ichi sãmaasã́ nepɨra newẽa bɨade a jarasima? ¿Nepɨrawẽa bɨade a jarasik'ãra ichi k'ak'ua tauchaak'ari wa tauchaai naena? Piarã ichi k'ak'ua tauchaai naena Tachi Ak'õrepa ichi nepɨra newẽa bɨade a jarasima.