Romano 4:1 - Tachi Ak'õre Pedea

¹ ¿K'ãre jaradaima Abrahán, chi tai judiorã chõarãenapema k'ak'uade bada k'orea?

Romano 4:1 Referans Kwoze

Romano 4:16

Tachi Ak'õrepa teai jarada tachia jitadaipɨ ichide ĩjãa p'anɨ pẽra. Tachi Ak'õrepa ichi sõpiadepa mãɨ pari tea bɨma. Mãɨpuru jõma Abrahán ẽpẽrarã, chi Moisepa bɨdadepa p'anɨrãpa, mãɨ piarã jitadaipɨ. Maamina abapuru ãchiapuru jitadaiwẽma, mãɨpari judiorãwẽ pida Abrahán jĩra Tachi Ak'õrene ĩjãanaipɨra jitadaipɨ. Mãɨya Abrahán jõma tachi, chi Tachi Ak'õrene ĩjãa berã ak'õrepɨ.

2 Corintio 11:22

Ãchi hebreorãane a p'anɨma. ¿Mɨ sida ara abaɨwẽk'ãra? Ãchi israeldepemarãane a p'anɨma. ¿Mɨ sida ara abaɨwẽk'ãra? Ãchi Abrahán warrarãane a p'anɨma. ¿Mɨ sida ara abaɨwẽk'ãra?

Hecho 13:26

»Mãra ũpẽarã Abrahanepa ununaanarã mãɨnepa mãra judiorãwẽ Tachi Ak'õre wap'ea berã, Tachi Ak'õrepa tachiá peesima mãɨ pedea ateewãnai k'orea.

Juan 8:56

Mãra chõarãenapema Abrahán arapaasima mɨ nãɨ ĩjũanea cheru ewari unui k'awa bada pẽra. Piarã unuk'ari maapae minachia arapá beesima.

Romano 7:7

¿Mãɨ k'orea sãmaasã́ k'ɨ̃risiadai p'anɨma? ¿Moisepa bɨda mietá bɨk'ãra? ¡Mãɨyawẽma! Mãɨ Moisepa bɨda newẽpara mɨa atua bai pasima k'ãre nemietá. Mãɨ Moisepa bɨdade «abaɨpa uru bɨt'a k'ɨ̃riarãapade» awẽpara, mɨa k'awaiwẽ pasima mãɨ nemietaat'a.

Mateo 3:9

K'ɨ̃risiarãt'ɨ Abrahanepa chedaadarã pẽra Tachi Ak'õrepa ɨtɨaiwẽane arãt'ɨ. Mɨa mãrá jararuma: “Tachi Ak'õrepa k'ɨ̃riaipɨra, cha be mawaradepa Abrahanepa chedaadarã papik'oaipɨ”.

Romano 8:31

¿Mãɨ k'orea sãmaasã́ k'ɨ̃risia p'anɨma? Tachi Ak'õre tachi lawari bɨ pẽra ¿k'aipa tachi p'ueima?

Juan 8:53

Mãɨyara ¿pɨ tai chõarãenapema Abrahán k'aepẽra chi atepe bɨk'ãra? Ichi piusima, mãɨnepa jõma Tachi Ak'õre pari pedeapataɨrã piusidama. Pɨ ¿k'ai k'ɨ̃risia bɨma?

Juan 8:33

Maamina ãchia jarasidama: —Tai Abrahanepa ununana pẽra, tai chipari pae pari mimiapataɨrãwẽpɨ. ¿Sãmaasã́ pɨa tai pari ãjã́ p'ananayane a bɨma?

Luca 3:8

Mãrapa oo p'anɨnepa unupit'ɨ piarã machi nemietá ooparí itu bɨdak'ari Tachi Ak'õremá chesidaɨt'a. K'ɨ̃risiarãt'ɨ Abrahanepa chedaadarã pẽra Tachi Ak'õrepa ɨtɨaiwẽane arãt'ɨ. Mɨa mãrá jararuma: Tachi Ak'õrepa k'ɨ̃riaipɨra, cha be mawaradepa Abrahanepa chedaadarã papik'oaipɨ.

Hebreo 12:9

Tachi nãɨ ĩjũanepema ak'õrerãpa tachi ɨtɨapachidama. Mãɨpa ¿ewaricha chok'ae p'ananai k'orea tachi Pajãnepema Ak'õre minachia wap'eadaiwẽa p'anɨk'ãra?

Romano 6:1

¿Mãɨ k'orea sãmaasã́ k'ɨ̃risia p'anɨma? ¿Tachi wapida nemietaade nipadaik'ãra Tachi Ak'õrepa ichi sõpiadepa atepe k'ĩra chupuriamẽrá?

Romano 1:3

Mãɨ pedea pia ichi Warra k'orea jara bɨma. Ichi Warra Tachi Chipari Jesucristo nãɨ k'ak'uade Israeldepema poro jũra jɨ̃parí jɨ̃ bɨ Davidepa chedapɨ. Ichiaba ichi piu bada chok'ae p'irabaripiside Tachi Ak'õre Jaorepa unupisima Tachi Ak'õre Warra chaarea bɨt'a.

Romano 3:5

Mɨ pedearuma ẽpẽrarã pedeapata jĩra. Chi eda waapẽarãpa jarapatama nemietá oo p'anɨnepa, chi Tachi Ak'õre jĩp'a bɨt'a unupipataade apatama. Mãɨne Tachi Ak'õrepa ɨtɨaipɨra, ichi jĩp'a bɨwẽane apatama. ¿Chi mãɨya jara p'anɨa k'ãre jaradaima? ¿Jaradaik'ãra Tachi Ak'õre jĩp'a bɨwẽt'a, tai ɨtɨai pẽra?