Romano 3:2 - Tachi Ak'õre Pedea

² Mãɨyawẽma. Ne wawariadepa judiorã pai minachia pia bɨma. Naa mɨa jararuma mãɨya p'anɨt'a Tachi Ak'õrepa ichi pedea ãchiá teada pẽra.

Romano 3:2 Referans Kwoze

Romano 9:4

chi Israeldepemarã. Tachi Ak'õrepa ãchi naa jɨrɨ atasima ichi warrarã p'ananamẽrá. Ichi k'ĩrawãrea achiterrea ãchiá unupisima. Ichia ãchi chõarãenapemarã ome pedea ausidama. Moisepa bɨda ãchiá teasima. Ãchirã́ k'awapisima ichi te nepalade k'ãre oodai p'anɨt'a mãɨnepa jõma ichia teai jarada ãchi pae basima.

Hecho 7:38

Mãɨnepa Moisé ĩjũa pania newẽa bɨde ãarea israel ĩjũanepemarã ome basima. Mãma Sinaí eyade Tachi Ak'õrepa ɨt'aripa peeda ome pedeasima. Mãɨ tachi sãmaasã́ pia p'ananai pedea ũrik'ari, tachi chõarãenapemarã́ mãɨ jarasima.

Hebreo 5:12

Minachia tãaraa bɨma mãrapa Jesude ĩjãanaanat'a. Mãɨpuru idi mãra Tachi Ak'õre pedea jarateapataɨrã padai beasima. Maamina abaɨpa chi Tachi Ak'õre k'orea naa jarateada mãrá mãicha jarateai bɨma juba topiru jĩra. Warra chak'e jĩra p'anɨẽra chik'o k'odai k'aepẽra jubat'u todai p'anɨma.

1 Corintio 9:17

Mɨchia k'ɨ̃ria bɨdepa jarateadapara, ne jitai pasima. Maamina mɨchia k'ɨ̃ria bɨdepa jarateawẽa bɨma. Tachi Ak'õrepuru mɨá jarateapisi pẽra, mɨa mãɨya bai bɨma.

1 Pedro 4:11

Abaɨpa ne jarateaipɨra, Tachi Ak'õre pedea jaratea bɨ pẽra jĩrak'aua jarateai bɨma. Abaɨpa waapẽarã k'aripaipɨra, Tachi Ak'õre jua chaareadepa k'aripai bɨma. Nejõma oot'ɨ jõmãɨrãpa Jesucristodepa Tachi Ak'õrea pia pedeadamẽrá. Ichiaapuru ewaricha pia pedeadai p'anɨma. Pia bɨma nejõma ichi juade uru bait'a. Minachia pia bɨma mãɨya bait'a.

Apocalipsi 22:6

Maapae Tachi Ak'õrepa ɨt'aripa peedapa mɨá jarasima: «Jõma nãɨ pedea piarãpɨ mãɨnepa piarã mãɨne p'ue ĩjãanai p'anɨma. Tachi Chiparipa chi ichi pari pedeapataɨrã́ pedeapiparima. Ichiapuru ichi ɨt'aripa peeda peesima chi ichi pae pari mimiapataɨrã́ k'awapimẽrá tãaraawẽa bɨde k'ãre mãɨyait'a».

Apocalipsi 19:10

Ara mãɨne mɨ chi Tachi Ak'õrepa ɨt'aripa peeda jĩru k'ait'a sĩraporode bedabari k'obeesima ichiá pia pedeai k'orea. Maamina ichia mɨá jarasima: «Jãɨya oorãse, mãɨpari Tachi Ak'õreapuru pia pedease. Mɨ Tachi Ak'õre pae pari mimiaparipɨ, pɨ jĩra mãɨnepa chi Jesupa jarateada ĩjãa berã jĩra». Jesupa jarateada Tachi Ak'õre Jaorepa chi ichi pari pedeapataɨrã́ pedeapiparima.

1 Timoteo 6:20

Timoteo, jõma Tachi Ak'õrepa jara peeda minachia ak'ɨse. Chi Tachi Ak'õremá piawẽa bɨ k'orea pedeapataɨ itu bɨse. Mãɨnepa jõma k'ɨ̃risia Tachi Ak'õre pedea ome k'ĩra awara be itu bɨse. Waapẽarãmá mãɨ k'ɨ̃risia pia bɨma. Maamina pia bɨwẽma.

2 Corintio 5:19

Piarã Cristodepa Tachi Ak'õrepa nãɨ ĩjũanepemarã ichi ome pia bɨsima. Tachia nemietá oodada jõma k'ɨ̃risia atuasima. Mãɨnepa mãɨ pedea ichi ome pia bai k'orea taiyá teasima jarateadamẽrá.

Romano 3:3

Maamina chi eda ãchidiidepemarãpa chi ãchia oodai p'anɨ jĩra oodaé pasima. ¿Mãɨ k'orea Tachi Ak'õrepa ooi jarada ooiwẽk'ãra?

Romano 2:18

Mãɨ Moisepa bɨda uru p'anɨ pẽra k'awa p'anɨma Tachi Ak'õrepa k'ãre k'ɨ̃ria bɨt'a mãɨnepa k'ãre jĩp'a bɨt'a.

Romano 1:2

Mãɨ pedea pia Tachi Ak'õrepa chõarãena teayade a jarasima. Ichi pari pedeapataɨrãpa mãɨ k'orea Ichi Pedea pia bɨ k'art'ade bɨsidama.

Juan 5:39

Mãrapa Tachi Ak'õre pedea pia unupatama, mãɨnepema Tachi Ak'õre ome ewaricha chok'ae p'ananait'a k'ɨ̃risia p'anɨ pẽra. ¡Mãɨ k'art'ade mɨ k'orea pedea bɨma!

Romano 3:1

Mɨa mãɨya jara bɨ pẽra, abaɨpa nãɨya k'ɨ̃risiaima: «¿K'ãarea ɨmɨk'ĩra k'ak'ua tauchaa bɨima? mãɨnepa ¿mãɨ judiorã k'aepẽra judiorãwẽ Tachi Ak'õre k'ĩrari atepe p'anɨma?»