Romano 2:5 - Tachi Ak'õre Pedea

⁵ Maamina k'ɨɨrɨwẽa bɨ pẽra pɨ nemietá itu bɨk'ama Tachi Ak'õremá cheemaapa. Mãɨ k'orea Tachi Ak'õrepa ɨtɨai ewaride ichi k'ĩruuk'ari atepe ɨtɨaipɨ. Mãɨ ewaride Tachi Ak'õrepa unupiipɨ sãmaasã́ jõmãɨrã jĩp'a ɨtɨait'a.

Romano 2:5 Referans Kwoze

Romano 1:18

Tachi Ak'õrepa pajãnepa k'awapi bɨma nemietá oo berã mãɨnepa jĩp'awẽa berã ichi k'ĩruupidepa ãarea ɨtɨait'a. Ãchia nemietá oo p'anɨnepa chi piarã pedea itu k'awapidak'ama.

Juda 1:6

Mãɨnepa k'ɨ̃risiat'ɨ chi eda waapẽarã Tachi Ak'õrepa ɨt'aripa peedaɨrã Tachi Ak'õrepa bɨda jĩra p'aneenaé pasit'a. Mãɨpari ãchi p'anana itu bɨsidama. Mãɨpuru Tachi Ak'õrepa uria p'ãrio bɨde ewaricha eda jɨ̃a nɨbɨsima aba ichia ɨtɨai ewaridea.

2 Pedro 3:7

Ara mãɨ jĩra Tachi Ak'õre pedeapa nãɨ ĩjũa mãɨnepa pajã ak'ɨ bɨma mãɨnepa ichia ɨtɨai ewaride t'ɨpɨ taude paaipɨ. Mãɨ ewaride chi ichi k'ɨ̃rianak'aɨrã nepɨra ak'ɨk'ari ãarea ɨtɨaipɨ.

Hebreo 3:15

Naena jara bada jĩra mãicha jararuma: «Idi Tachi Ak'õre pedea ũriutade mãra sõ chaarearãt'ɨ mãra chõarãenapemarã sõ chaareadada jĩra».

2 Pedro 2:9

Mãɨpa unupi bɨma Tachi Chiparipa chi jĩp'a oo berã minachia mĩa p'anɨnepema k'aripayá bɨt'a. Mãɨnepa k'awa bɨma chi jĩp'a oowẽa berã sãmaasã́ uru bait'a aba ichia ɨtɨai ewaridea.

Hebreo 4:7

Mãɨpuru Tachi Ak'õrepa ewari awara bɨsima ichia ɨ̃apaapii bɨmá wãnamẽrá. Mãɨ ewari Tachi Ak'õrepa t'ɨ̃ bɨsima «idi». Mãɨ ewari bɨk'ari tãaraarune ichia Davidepa mãɨ k'orea pedeasima. Mãɨ pedea naena bɨda nãɨya bɨ bɨma: «Idi Tachi Ak'õre pedea ũriutade mãra sõ chaarearãt'ɨ».

Hebreo 3:13

Mãɨpari wapida nãɨ ewari bɨde ewaricha chi k'aripa p'anat'ɨ mãɨ pia ĩjãanai k'orea. Mãɨya mi ãpia pida nemietaapa seak'ari sõ chaarea baiwẽma.

Romano 9:22

Ara mãɨ jĩra Tachi Ak'õrepa oo k'ɨ̃rianat'a nãɨya oosima. Ẽpẽrarãpa nemietá oo p'anɨ k'orea Tachi Ak'õrepa ichi k'ĩruupidepa mãɨnepa ichi chaareadepa ãchi ɨtɨak'ari t'ɨpɨ uruadea jira peei pasima. Maamina ãchia nemietá oo p'anɨt'a ãarea choasima.

Apocalipsi 6:17

Chi ichia tachi ɨtɨai ewari waibɨa bɨ cheipɨ. ¿K'aipa mãɨ choaima?»

Santiago 5:3

Nãɨ k'aadeapema ewaride mãrapa erreara minachia yaa p'anɨma. Maamina mãra nee mãɨnepa p'arat'a mokosia bɨma. Tachi Ak'õrepa ak'ɨrude mãra erreara mokosia bɨpa k'awapiipɨ mãrapa piawẽa oosidaɨt'a. Mãɨpuru t'ɨpɨ uruade minachia mĩa p'ananaipɨ.

Romano 11:25

Ũpẽarã, mɨa k'ɨ̃ria bɨma Tachi Ak'õrepa naena k'awapiwẽa bada mãrapa k'awadait'a. Mãɨya judiorã k'aepẽra pia be k'ɨ̃risiadaiwẽma. Tachi Ak'õrepa naena k'awapiwẽa bada nãɨpɨ: chok'ará judiorã k'ɨɨrɨwẽa p'aneesidama mãɨnepa mãɨya p'aneenaipɨ aba jõma chi Cristode ĩjãanai p'anɨ judiorãwẽpa ĩjãautadea.

2 Corintio 5:10

Piarã Cristopa jõma tachia oodada ak'ɨipɨ. Ichia tachicha teaipɨ tachia nãɨ k'ak'uade oo bada jĩra. Pia oo badapɨra, ara mãɨ jĩra teaipɨ. Piawẽa oo badapɨra, ara mãɨ jĩra teaipɨ.

2 Tesalonicense 1:5

Mãɨpa k'awapi bɨma Tachi Ak'õrepa ichi jĩp'a bɨdepa ẽpẽerã ɨtɨaparit'a. Mãɨya ichia mãra pia unu bɨma ichi juade ua bai k'orea. Mãɨ k'orea idiapae ãarea mĩa p'anɨma.

Apocalipsi 2:21

Mɨa nɨ basima ichia k'ak'uadepa nemietá ooparí itu bɨk'ari ya Tachi Ak'õremá chemẽrá. Maamina mãɨ nemietá itu bɨi k'ɨ̃riaé pasima.