Romano 2:13 - Tachi Ak'õre Pedea

¹³ Moisepa bɨda ũri p'anɨnepa ẽpẽrarã Tachi Ak'õre k'ĩrari jĩp'a p'aneenaiwẽma, mãɨpari mãɨ ãarea oo p'anɨnepa Tachi Ak'õrepa ãchi nepɨra newẽa p'anɨane aima.

Romano 2:13 Referans Kwoze

1 Juan 3:7

Mɨ warrarã, abaɨa itu seapirãt'ɨ. Chi jĩp'a oo bɨ Tachi Ak'õre k'ĩrari jĩp'a bɨma Cristo jĩp'a bɨ jĩra.

Romano 2:25

Mãrapa Moisepa bɨda oosidara, mãra k'ak'ua tauchaada pia bɨma ẽpẽrarã Tachi Ak'õrenepemarã pẽra. Maamina mãɨ Moisepa bɨ bɨ jĩra oodaepɨra, mãra Tachi Ak'õre k'ĩrari k'ak'ua tauchaawẽa be jĩra p'anɨma.

Gálata 2:16

Maamina tachia k'awa p'anɨma Tachi Ak'õrepa ẽpẽra aba pida bɨwẽma chi jĩp'a be paara, mãɨ Moisepa bɨda oo bɨ pẽra. Mãɨpari Jesucristopa mãɨ bɨda jĩra jõma ooda k'orea, Tachi Ak'õrepa tachi bɨparima chi jĩp'a be paara. Mãɨpuru tachia pida Jesucristode ĩjãasidama, mãɨnepa Jesucristode ĩjãa bɨ k'orea mãɨya chi jĩp'a be paara p'anapatama, Ichia mãɨ bɨda jĩra jõma ooda k'orea. Piarã Moisepa bɨda oo p'anɨnepa Tachi Ak'õrepa tachi bɨk'ama chi jĩp'a be paara.

1 Juan 2:29

Mãrapa k'awa p'anɨma Jesucristo jĩp'a bɨt'a. Mãɨnepa k'awa p'anɨma jõma jĩp'a oo be Tachi Ak'õrenepa t'õnaanarãt'a.

Romano 10:5

Moisepa bɨsima sãmaasã́ ẽpẽrarã p'ue jĩp'a p'ananait'a, chi Tachi Ak'õrepa ichiá bɨpidadepa. Nãɨya bɨsima: «Ẽpẽrapa nãɨ Moisepa bɨdade jara bɨt'a oo baipɨra, mãɨ chok'ae baipɨ».

Luca 8:21

Jesupa jarasima: —Tachi Ak'õre pedea ũrinak'ari ĩjãapataɨrã mãɨnepa mãɨ oopataɨrã, mãɨrãt'u mɨ naepɨ mãɨnepa mɨ ũpẽarãpɨ.

Romano 3:30

ichi aba bɨ pẽra. Ichia jõma Jesude ĩjãautat'a chi ichidirã jĩp'a berã paara bɨparima. K'ak'ua tauchaa berãpa mãɨnepa k'ak'ua tauchaawẽa berã pida Jesude ĩjãasidara chi ichidirã jĩp'a berã paara bɨparima.

Hecho 13:39

Moisepa bɨdade bɨ bɨma Tachi Ak'õrepa chi tachia nemietá tachi k'ɨ̃ría oopataɨ k'ɨ̃risia atuaiwẽma. Maamina ãarea chi Jesude ĩjãauta Tachi Ak'õrepa nepɨra newẽa p'anɨane aparima. Mãɨt'a mãrá jara p'anɨma.

Luca 18:14

»Mɨa mãrá jararuma: mãɨ p'ariseo k'aepẽra mãɨ ẽpẽra tedea wãside Tachi Ak'õre k'ĩrari jĩp'a basima. Chi atepe bai k'ɨ̃ria bɨ, Tachi Ak'õrepa mãɨ wariwẽa bɨipɨ. Abaɨ pida ara ichi ãpia bɨ jĩra k'ɨ̃risiasira Tachi Ak'õrepa mãɨ chi atepe bɨ jĩra bɨipɨ».

Gálata 5:4

Chi eda mãranepemarãpa k'ɨ̃risiapatama mãɨ Moisepa bɨda oo p'anɨnepa Tachi Ak'õrepa chi jĩp'a berã paara bɨit'a. Cristo awara wãsidama mãɨnepa ichi sõpiadepa jĩp'a bɨ bada itu bɨsidama.

Romano 3:23

Piarã jõmãɨrãpa nemietá oopata pẽra Tachi Ak'õre pia bɨdepema awara p'anɨma.

Romano 3:20

Piarã Moisepa bɨda oo bɨdepa mi ãpia pida Tachi Ak'õrepa chi ichidirã jĩp'a berã paara bɨiwẽma. Mãɨ Moisepa bɨdadepa k'awapi bɨma tachia nemietá oopataɨ.

Juan 13:17

¿Mãɨ ũri p'anɨk'ãra? Mãɨya oodaipɨra piarã pia p'ananaipɨ.

1 Corintio 4:4

Mɨa mi ãpia pida nemietá oo bɨwẽane a bɨmina, mãɨya jara bɨwẽma mɨ mi ãpia pida piarã nemietá oowẽa bɨade a bɨwẽma. Tachi Chiparipuru mɨ nepɨra ak'ɨipɨ.

Santiago 1:27

Chi piarã ĩjãa bɨpa nãɨya ooi bɨma Tachi Pajãnepema Ak'õrepa ichia oo bɨ pia unumẽrá mãɨnepa jĩp'a unumẽrá: jẽramãra warrarã mãɨnepa p'ẽtãarã minachia mĩa p'anɨrã k'aripai bɨma, mãɨnepa nãɨ ĩjũanepemarãpa nemietá oopataɨ jĩra ooiwẽa bɨma.