Romano 2:12 - Tachi Ak'õre Pedea

¹² Chi Moisepa bɨda atua berãpa nemietá oopata pẽra mãɨ Moisepa bɨda atua p'anɨmina Tachi Ak'õrepa ɨtɨaipɨ. Mãɨnepa mãɨ Moisepa bɨda k'awa berãpa nemietá oopata pẽra Tachi Ak'õrepa ara mãɨ Moisepa bɨdadepa ãchi nepɨra ak'ɨipɨ.

Romano 2:12 Referans Kwoze

1 Corintio 9:21

Mãɨnepa Tachi Ak'õrepa chi Moisepa bɨda atua berã t'ãena bɨde mɨ ãchi jĩra baparima mɨnepa Jesucristode ĩjãanamẽrá. Maamina mɨa Moisepa bɨda itu bɨk'ama. Jõma Cristopa oopi k'ɨ̃ria bɨ jĩra ooparima.

Gálata 3:10

Moisepa bɨda oo p'anɨnepa chi Tachi Ak'õrené jĩp'a berã paara p'aneenai k'ɨ̃risia berã nepɨra pará p'anɨane a bɨma. Mãɨ Moisepa bɨdade nãɨya bɨ bɨma: «Nãɨ Moisepa bɨda jõma oowẽa be Tachi Ak'õrepa nepɨra pará p'anɨane aipɨ».

Romano 8:3

Moisepa bɨdapa tachi nemietaadepema p'ue pari ãjã́ bɨé pasima. Nãɨ k'ak'uapa oo k'ɨ̃ria bɨdepa nipapataɨrãpa mãɨ Moisepa bɨda oodai k'aepẽra nemietá oopatama. Maamina Tachi Ak'õrepa ichi Warra peesima tachi chi nemietá oopataɨrã jĩra bamẽrá. Mãɨne tachi nemietá pari piusima. Mãɨya Tachi Ak'õrepa nemietá tachi k'ak'uadepa oodada ɨtɨasima.

Romano 1:32

Ãchia minachia k'awa p'anɨma Tachi Ak'õrepa chi mãɨya oo berã minachia ɨtɨait'a. Maamina ara mãɨya oo nipapatama mãɨnepa waapẽarãpa abarik'a nemietá ooutade mãɨ pia bɨade a k'ɨ̃risiapatama.

Mateo 11:24

Maamina mɨa jararuma: Tachi Ak'õrepa ãareaɨrã ɨtɨai ewaride Sodomanepemarã k'aepẽra mãra atepe ɨtɨaipɨ.

Santiago 2:10

Abaɨpa Moisepa bɨda jĩra ãarea ooipɨra, maamina mãɨnepema aba oowẽpɨra, mãɨ jõma oowẽa bɨ k'orea nepɨra pará beeipɨ.

Romano 4:15

Mãɨ Moisepa bɨda jara bɨ jĩra oowẽa p'anɨnepa, Tachi Ak'õrepa tachi ɨtɨaipɨ. Piarã Moisepa bɨda nea badapara, nepɨra pará p'ananaiwẽ pasima.

Mateo 11:22

Maamina mɨa mãrá jararuma: Tachi Ak'õrepa jõmãɨrã ɨtɨai ewaride Tirodepemarã mãɨnepa Sidonepemarã k'aepẽra mãra atepe ɨtɨaipɨ.

Gálata 3:22

Maamina Tachi Ak'õre pedeade bɨ bɨma nemietaapa jõmãɨrã eda serra uru bɨt'a. Mãɨya Jesucristopa ichi Ak'õrepa jarada oosi pẽra, chi ichide ĩjãautapa mãɨ Tachi Ak'õrepa teai jarada jitadaima.

Juan 19:11

Mãɨne Jesupa p'anoosima: —Tachi Ak'õrepa pɨ bɨdaépara pɨa mɨ mi ãpia pida ooiwẽ pasima. Mãɨpuru chi mɨ pɨ juade teadapa pɨ k'aepẽra nemietá atepe oosima.

Hecho 2:23

Tachi Ak'õrepa naena k'ɨ̃risia bada jĩra abaɨa itu Jesú mãra juade teapisima. Maapae mãrapa ẽpẽerã k'achiarã́ k'urusude barijira bɨk'ari peapisidama. Tachi Ak'õrepa k'awa basima mãɨ ãarea mãɨyait'a.