Romano 16:10 - Tachi Ak'õre Pedea

¹⁰ Ũpẽa Apelea pia bapade a jara peet'ɨ. Ichia unupisima Cristo piarã ĩjãa bɨt'a. Jõma Aristóbulo ẽpẽrarã́ pida abarik'a jĩra jarat'ɨ.

Romano 16:10 Referans Kwoze

Romano 14:18

Chi mãɨya Cristo pae mimiapataɨrã Tachi Ak'õrepa pia unu bɨma. Ẽpẽrarã pida pia unupatama.

1 Pedro 1:7

mãɨ choa p'anɨnepa unupidaipɨ Jesucristode piarã ĩjãa p'anɨt'a. Mãrapa ĩjãa p'anɨt'a nee jĩra bɨma. Nee t'ɨpɨ taude tort'iiparima mãɨ wariara piipará beemẽrá. Ara mãɨ jĩra mãra minachia mĩautade, choa p'anɨnepa unupii p'anɨma Jesucristode piarã ĩjãa p'anɨt'a. Mãɨ nee k'aepẽra piipará bɨma, nee jõpari pẽra. Mãrapa Jesucristode piarã ĩjãa p'anɨt'a unupi p'anɨ pẽra, ichi unuutade Tachi Ak'õrepa mãra pia unuipɨ, mãra k'orea pia jaraipɨ mãɨnepa chi atepe k'awa p'anɨrã bɨipɨ.

1 Timoteo 3:10

Ũpẽarã k'aripapataɨrã bɨdai naena minachia jĩrak'aua ak'ɨdai p'anɨma. Maapae nepɨra nea bɨade a p'anɨpɨra, ũpẽarã k'aripapataɨrã p'ananai p'anɨma.

P'ilipense 2:22

Maamina mãrapa k'awa p'anɨma Timoteopa pia ooparit'a. Warrapa ichi ak'õre k'aripapari jĩra ichia chi pedea pia Cristo k'orea k'aripa jaratea bɨma.

2 Corintio 8:22

Mãɨ ũpẽarã ume p'anɨ mãramá wãutade abaɨ ũpẽa ãchi ome peedaipɨ. Mãɨ ũpẽapa ewaricha taiyá unupisima ũpẽarã minachia k'aripa k'ɨ̃ria bɨt'a. Idiapae mãra minachia k'aripa k'ɨ̃ria bɨma mãrapa jĩp'a oodai k'awa bɨ pẽra.

2 Corintio 2:9

Mɨa naena mãɨ k'orea bɨsima mãrapa piarã jõma mɨa jarada oodai k'awai k'orea.

1 Corintio 11:19

Piarã mãra k'ɨ̃risia awara awará p'anɨnepa unupiipɨ k'airã Tachi Ak'õrepa pia unu bɨ.

2 Timoteo 4:19

Mɨa ũpẽa Aquilá mãɨnepa Priscá pia p'anapade a jara peeruma. Ara mãɨ jĩra ũpẽa Onesíp'oro ẽpẽrarã́ jarase.

Romano 8:11

Maamina ichi Jaore mãra sõne bɨ pẽra, ichidepa mãra k'ak'ua piui bɨt'a chok'ae p'irabaripiipɨ Cristo Jesú chok'ae p'irabaripida jĩra.

Romano 16:3

Ũpẽawẽra Priscilá mãɨnepa ũpẽa Aquilá pia p'anapade a jara peet'ɨ. Ãchia mɨ jĩra abarik'a Jesucristopa oo bɨ oo p'anɨma.

Romano 16:7

Mɨ ũpẽarã judiorã Andronicoa mãɨnepa Juniá ara mãɨ jĩra jarat'ɨ. Waapẽarãpa pia k'awa p'anɨma ãchi Cristopa peedaɨrãt'a. Mɨ ome ará eda serra p'anasidama. Mɨa Cristode ĩjãai naena ãchia ĩjãa p'anasima.

2 Corintio 5:17

Piarã abaɨ Cristo ome bɨpɨra, ichi naena bada jĩra bɨwẽma mãɨpari ichi ẽpẽra chiwidi jĩra bɨma.

2 Corintio 12:2

Mɨa Cristode ĩjãaparí ẽpẽra aba k'awa bɨma. Catorce ãyo pa baside Tachi Ak'õrepa mãɨ ũpẽa pajãnea ichi bɨmá ateewãsima. Mɨa atua bɨma Tachi Ak'õrepa ichi k'ak'uat'u ateewã basit'a wa abapuru ichi jaoret'a ateewã basit'a. Tachi Ak'õrepuru mãɨ k'awa bɨma.

Gálata 1:22

Cristode ĩjãa be Judea tuadepemarãpa mɨ ununak'a pasima.