Romano 13:7 - Tachi Ak'õre Pedea

⁷ Jõmãɨrã́ teat'ɨ mãrapa ãchicha teadai p'anɨ jĩra. Mãra minachia k'awa berã́ erreara teadai p'anɨt'a teat'ɨ. Mãrapa wap'eadai p'anɨ wap'eat'ɨ. Mãrapa chi pia jaradai p'anɨa pia jarat'ɨ.

Romano 13:7 Referans Kwoze

Luca 20:25

Mãɨpuru Jesupa ãchiá jarasima: —Mãɨyara chi Romanepema chi atepe poro chaarea bɨdé mãɨ ichidí ichiá teat'ɨ, ichiaba chi Tachi Ak'õrené mãɨ chi Tachi Ak'õrea teat'ɨ.

Mateo 17:25

Pedropa p'anoosima: —Ãjã, teaparima. Pedro ichi tede eda wãside Jesú naa pedeasima. Nãɨya idisima: —Pɨa ¿k'ãre k'ɨ̃risia bɨma, Simón? Nãɨ ĩjũanepema minachia k'awa p'anɨneerãpa ¿Kairã́ erreara idipatama? ¿Ãchidirã́ wa tua awaraɨdepemarã́?

1 Timoteo 5:17

Ũpẽarãpa chi ũpẽarã ak'ɨpataɨrãpa pia oo p'anɨnepa ũpẽarã k'ɨ̃risia piadepa ãchi k'aripadai p'anɨma, ne uru p'ananamẽrá, pia oo p'anɨẽra. Mãɨnepema chi Tachi Ak'õre pedea jarateapataɨrã mãɨnepa tachi sãmaasã́ nipadai k'orea jarateapataɨrã atepe k'aripadai p'anɨma.

Mateo 22:21

Ãchia p'anoosidama: —Romanepema chi atepe poro chaarea bɨdé. Maapae Jesupa jarasima: —Mãɨyara chi Romanepema chi atepe poro chaarea bɨdé mãɨ ichidí ichiá teat'ɨ, ichiaba chi Tachi Ak'õrené mãɨ chi Tachi Ak'õrea teat'ɨ.

Ep'esio 6:5

Chi chipari pae pari mimiapataɨrã, mãra chi nãɨ ĩjũanepema chipari wap'ea p'anɨnepa, ichia jararu sõnepa jõma oot'ɨ, Cristo pedea oo p'anɨ jĩra.

1 Pedro 3:7

Ɨmɨk'ĩrarã k'ima pará berã, k'ɨ̃risia piadepa mãra k'ima ome pia p'anat'ɨ. Mãra k'ima pia bapii k'ɨ̃ria p'anɨnepa ãchi pia ak'ɨt'ɨ, wẽra ɨmɨk'ĩra k'aepẽra ɨbɨwẽa bɨ pẽra mãɨnepa mãra ome ará p'anɨrã́ Tachi Ak'õrepa, ichi sõpiadepa chok'ae p'ananait'a pari teada pẽra. Mãɨya oodaepɨra, mãrapa ɨt'aa chiidiutat'a Tachi Ak'õrepa pia ũriwẽma.

1 Timoteo 6:1

Cristode ĩjãa p'anɨ pae pari mimiapataɨrãpa ãchi chipari wap'ea p'ananai p'anɨma. Mãɨya waapẽarãpa k'achia pedeadaiwẽma Tachi Ak'õre mãɨnepa tachia jarateapataɨ k'orea.

Ep'esio 5:33

Mãɨ k'orea k'awapi bɨmina machicha mãra k'ima k'ɨ̃ria p'ananai p'anɨma ara machi k'ɨ̃ria p'anɨ jĩra. Mãɨnepa wẽrapa ichi k'ima wap'ea bai bɨma.

Luca 23:2

Maapae Pilato k'ĩrari Jesú nãɨya nepɨra pará bɨade a para beesima: —Taipa ũrisidama nãɨ ẽpẽrapa tai p'uuru k'ĩruupik'apii jĩra bɨt'a. Ichimá, taipa chi Romanepema chi atepe poro chaarea bɨ pae erreara k'oarapataɨ p'aai pia bɨwẽma. Mãɨ awara jara bɨma ichi chi Tachi Ak'õrepa Tachi K'aripaparí teai jaradapɨ. Mãɨpa ichi jõmãɨrã minachia k'awa bɨade a bɨma.

Marco 12:17

Mãɨne Jesupa jarasima: —Mãɨyara chi Romanepema chi atepe poro chaarea bɨdé mãɨ ichidí ichiá teat'ɨ, ichiaba chi Tachi Ak'õrené mãɨ chi Tachi Ak'õrea teat'ɨ. Ãchia Jesú k'orea k'awa k'ɨ̃risiadaé pasima.

1 Timoteo 5:13

Mãɨ awara ãchi techa nipapatama mãɨnepa k'oa p'aneepatama. K'oa p'aneenak'ari, chi sea nepɨrɨ p'aneepatama, chĩara nepɨrade p'aneepatama, mãɨnepa ne jarai piawẽa bɨt'a pedea p'aneepatama.

Luca 20:22

Mãɨya bɨpɨra taiyá jarase, Romanepema pae erreara jɨrɨp'epataɨ ¿tachi judiorãpa p'aadai pia bɨk'ãra wa mãɨyawẽ?

Romano 12:10

Piarã k'ɨ̃rianepa chi k'ɨ̃ria p'anat'ɨ. Chi waapẽarã ome pia p'anat'ɨ, ãchi machi k'aepẽra atepe p'anɨ jĩra mãɨnepa waapẽarã k'orea pia k'ɨ̃risiat'ɨ.

Romano 13:6

Mãɨ k'orea chi mãrapa erreara teadai p'anɨt'a mãra minachia k'awa berã́ teapatama, ãchi Tachi Ak'õre pae pari mimiapataɨrã jĩra p'anɨ pẽra, mãɨnepa mãɨya mimiapata pẽra.