Romano 12:7 - Tachi Ak'õre Pedea

⁷ Chi tearua teasima waapẽarã k'aripadamẽrá. Mãɨya teasipɨra, chi tearua k'aripadai p'anɨma. Chi tearua teasima ichi pedea jarateadamẽrá. Mãɨya teasipɨra, ichi pedea jarateadai p'anɨma.

Romano 12:7 Referans Kwoze

Ep'esio 4:11

Ichiapuru chi eda waapẽarã bɨsima ichia peedaɨrã p'ananamẽrá, waapẽarã bɨsima Tachi Ak'õre pari pedeapataɨrã p'ananamẽrá, waapẽarã bɨsima chi pedea pia Cristo k'orea jaratea nipadamẽrá, mãɨnepa waapẽarã bɨsima ũpẽarã ak'ɨpataɨrã mãɨnepa jarateapataɨrã p'ananamẽrá.

2 Timoteo 4:2

Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base. Piawẽa oo be jĩp'a oo k'awapise. Nemietá oo be ɨtɨase. Mãɨnepa ũpẽarã k'aripase pia ĩjãanamẽrá. Jõma choa bɨdepa, jĩrak'aua jaratea bɨdepa mãɨya oose.

1 Timoteo 5:17

Ũpẽarãpa chi ũpẽarã ak'ɨpataɨrãpa pia oo p'anɨnepa ũpẽarã k'ɨ̃risia piadepa ãchi k'aripadai p'anɨma, ne uru p'ananamẽrá, pia oo p'anɨẽra. Mãɨnepema chi Tachi Ak'õre pedea jarateapataɨrã mãɨnepa tachi sãmaasã́ nipadai k'orea jarateapataɨrã atepe k'aripadai p'anɨma.

Hecho 13:1

Ũpẽarã Antioquía p'uurudepema t'ãena Tachi Ak'õre pari pedeapataɨrã mãɨnepa jarateapataɨrã p'anasima. Bernabé, Saulo, Lucio Cirenenepema mãɨnepa Simón basima. Simón ɨ̃ana t'ɨ̃ «Chi P'aimá» apachidama. Manaén sida basima. Ichi Galilea tuadepema chi poro jũra jɨ̃parí jɨ̃ bɨ Herode ome tausia warisima.

2 Timoteo 2:24

Chi Tachi Chipari pae pari mimiaparí k'ĩruu pedea baiwẽa bɨma, mãɨpari jõmãɨrã ome sõpia bai bɨma. Jaratea k'awa bai bɨma. Jõmãɨrã ome choa bai bɨma.

2 Timoteo 2:2

Mɨa ẽpẽrarã chok'ará k'ĩrari jaratea badat'a pɨa ũrisima. Ara mãɨ jaratea bada pɨa pida waapẽarã ũpẽarã juade bɨese. Waapẽarãpa ãchidepuru ĩjãanai p'anɨma mãɨnepa p'ue pia jarateadai p'anɨma waapẽarã́ jarateadamẽrá.

1 Timoteo 4:16

Ara pɨchi k'orea mãɨnepa pɨa jaratea bɨ k'orea jĩrak'aua base. Jõma makɨɨ jĩp'a oo nipase. Mãɨya oo baipɨra pɨ k'aripaipɨ. Pɨa jaratea bɨ ũri p'anɨrã sida k'aripadaipɨ.

1 Timoteo 3:2

Mãɨpuru chi ĩjãapataɨrã ak'ɨparí nepɨra pará bɨade adaiwẽa bai bɨma, k'ima aba uru bai bɨma, minachia bɨ jĩra baiwẽa bɨma, k'ɨ̃risia piadepa bai bɨma, k'ĩrip'a bai bɨma, ichi tede cheutarã́ pia pedeai bɨma mãɨnepa pia k'awa jaratea bai bɨma.

1 Timoteo 2:7

Mãɨ k'orea mɨ ichi pedea jaraparí bɨsima. Mɨ ichia peeda bɨsima piarã pedea ichide ĩjãanai p'anɨ k'orea judiorãwẽmá jarateade wãmẽrá. Mɨa piarã jara bɨma. Seawẽma.

Colosense 4:17

Ũpẽa Ark'ipoa jarat'ɨ: «Tachi Chiparipa oopi bɨ ãarea oo base».

Gálata 6:6

Chi pedea ũri bɨpa ichi nepia uru bɨdepema teai bɨma, chi Tachi Ak'õre pedea jarateaparia.

1 Corintio 12:28

Tachi Ak'õrepa ũpẽarã t'ãena chi Jesucristopa peedarã naa bɨsima. Mãɨ ɨ̃ari chi ichi pari pedeapataɨrã bɨsima. Mãɨ ɨ̃ari ichi pedea jarateapataɨrã bɨsima. Mãɨ ɨ̃ari ãchidiidepemarã chi bee bɨsima ẽpẽerãpa ne p'ue oodak'apɨ́ p'ue oodamẽrá, ãchidiidepemarã chi bee bɨsima k'ɨdade berã p'ue jɨpa beepidamẽrá, ãchidiidepemarã chi bee bɨsima ũpẽarã k'aripadamẽrá, ãchidiidepemarã chi bee bɨsima chi ũpẽarã t'ãena k'ãre oodai p'anɨt'a k'awadamẽrá, mãɨnepa ãchidiidepemarã chi bee bɨsima wawaria tachia ũrinak'apɨ́ pedeade pedeadamẽrá.

Hecho 20:28

»Tachi Ak'õrepa ichi Warra oadepa ẽpẽerã ichi pae atasima. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ.

Hecho 20:20

Maamina mɨa ãareaɨrã k'ĩrari mãɨnepa mãra techa mãra k'aripai k'orea jaratea bapachima. Mi ãpia pida jarateai amaa bak'a pasima.

Hecho 6:1

Mãɨ ewaride chi Jesude ĩjãapataɨrã minachia waripodosidama. Mãɨne chi judiorã griego pedeade pedeapataɨrãpa chi hebreo pedeade pedeapataɨrã k'orea k'ĩruu pedea p'aneesidama. Jarasidama ũpẽarãpa p'ẽtãarã ewaricha chik'o jedautade ãchi p'ẽtãarã k'aripadak'a pasit'a.

Juan 3:2

Teamasi Jesumá wãside, nãɨya jarasima: —Jarateaparí, taipa k'awa p'anɨma pɨ Tachi Ak'õrepa peedapɨ. Tachi Ak'õre pɨ ome badawẽpara, chi ẽpẽerãpa ne p'ue oodak'apɨ́ p'ue ooiwẽ pasima.

Mateo 28:19

Mãɨ k'orea ãarea p'uuru becha wãnak'ari jarateat'ɨ mɨ ome p'ɨrrɨadamẽrá. Ãchi chi Ak'õre t'ɨ̃nepa, chi Warra t'ɨ̃nepa, Tachi Ak'õre Jaore t'ɨ̃nepa porochoat'ɨ.

1 Corintio 12:5

Tachi Chipari aba bɨ pae ne wawaria oopatama.

1 Corintio 14:26

Mãɨ k'orea ũpẽarã, ¿sãmaasã́ arí oodaima? Mãra ará jere nɨbeeutade abaɨpa Tachi Ak'õre pedeadepema k'aripataɨ k'arii bɨma, abaɨpa Tachi Ak'õre pedea jarateai bɨma, abaɨpa Tachi Ak'õrepa unupida jarai bɨma, abaɨpa tachia ũrinak'apɨ́ pedeade pedeai bɨma, mãɨnepa abaɨpa mãɨ pedeada k'awa jarai bɨma. Maamina jõma mãɨ oodai p'anɨma ũpẽarãpa pia ĩjãanamẽrá.