Romano 11:6 - Tachi Ak'õre Pedea

⁶ Mãɨya Tachi Ak'õrepa ichi sõpiadepa jɨrɨ atasipɨra, taipa oo p'anɨ k'orea jɨrɨ ataé pasima. Taipa oo p'anɨ k'orea jɨrɨ atadapara, mãɨyara ichi sõpiadepa jɨrɨ ataiwẽ pasima.

Romano 11:6 Referans Kwoze

2 Timoteo 1:9

Tachi Ak'õrepa tachi k'aripasima mãɨnepa t'ɨ̃sima ichi pae pia p'ananamẽrá. Tachia pia oo p'anɨnepa mãɨya ooé pasima, mãɨpari ichi sõpiadepa ooi k'ɨ̃risia bada pẽra mãɨya oosima. Piarã nãɨ ĩjũa bai naena Tachi Ak'õrepa ichi sõpiadepa k'ɨ̃risiasima Jesucristodepa tachi k'aripait'a.

Gálata 2:21

Tachi Ak'õrepa ichi sõpiadepa oodat'a mɨa itu bɨwẽma. Moisepa bɨda oo p'anɨnepa chi jĩp'a be paara p'ananaipara, Cristo pari piui pasima.

Tito 3:5

Mãɨpa tachi k'aripasima. Tachia pia oodada k'orea k'aripaé pasima, mãɨpari ichi k'ĩra chupuria bɨdepa k'aripasima. Tachi nemietá k'ɨ̃risia atuasima neet'á t'õna jĩra p'aneenamẽrá mãɨnepa chiwidi jĩra p'aneenamẽrá. Ichiaba Tachi Ak'õre Jaorepa tachiá mãicha chok'ae p'anapisima.

Gálata 5:4

Chi eda mãranepemarãpa k'ɨ̃risiapatama mãɨ Moisepa bɨda oo p'anɨnepa Tachi Ak'õrepa chi jĩp'a berã paara bɨit'a. Cristo awara wãsidama mãɨnepa ichi sõpiadepa jĩp'a bɨ bada itu bɨsidama.

1 Corintio 15:10

Maamina Tachi Ak'õrepa ichi sõpiadepa mɨ bɨsima Jesucristopa peeda bamẽrá. Ichia mɨ pari mãɨya bɨé pasima. Mãɨpari jõma chi waapẽarã Jesucristopa peedaɨrã k'aepẽra mɨa ichi pae atepe oo bɨma. Maamina ara mɨchidepa mãɨya oowẽa bɨma. Tachi Ak'õrepuru ichi sõpiadepa mɨ k'aripa bɨma mãɨya oomẽrá.

Luca 6:13

Ãsã pak'ari ichi ome p'anɨrã ará t'ɨ̃k'oak'ari mãɨrãnepema doce jɨrɨ atasima. Mãɨ doce jɨrɨ atadaɨrã “ichia peedaɨrã” bɨk'oasima.