Romano 1:3 - Tachi Ak'õre Pedea

^3-4 Mãɨ pedea pia ichi Warra k'orea jara bɨma. Ichi Warra Tachi Chipari Jesucristo nãɨ k'ak'uade Israeldepema poro jũra jɨ̃parí jɨ̃ bɨ Davidepa chedapɨ. Ichiaba ichi piu bada chok'ae p'irabaripiside Tachi Ak'õre Jaorepa unupisima Tachi Ak'õre Warra chaarea bɨt'a.

Romano 1:3 Referans Kwoze

Mateo 1:1

Nãɨ k'art'a Jesucristo k'orea jara bɨpɨ. Jesucristo tachi chõarãenapemarã Abrahanepa mãɨnepa Davidepa nãɨya unusima.

Gálata 4:4

Maamina Tachi Ak'õrepa jarada ewari paside ichi Warra nãɨ ĩjũanea peesima. Mãɨ Warra wẽrapa t'õsima, ichiaba Moisepa bɨda ooi basima.

Juan 1:14

Chi Pedea apataɨ ẽpẽra k'ak'uade t'õk'ari tachi t'ãena bapachima. Ichi sõpiadepa tachi minachia k'aripasima. Ichia tachiá pia k'awapisima Tachi Ak'õre piarã sãmaasã́ bɨt'a. Mãɨne taipa ichi ãarea pia bɨt'a unusidama, Tachi Ak'õre Warrat'u mãɨya bɨ pẽra.

Juan 1:49

Mãɨpuru Natanaelpa jarasima: —Jarateaparí, pɨ piarã Tachi Ak'õre Warrapɨ. Pɨ tachi israel ĩjũanepemarã chi poro jũra jɨ̃paripɨ.

Luca 1:35

Chi ɨt'aripema peedapa p'anoosima: —Tachi Ak'õrepa ichi Jaore pɨmá peek'ari, ichi jua chaareadepa pɨ ome baipɨ. Mãɨpuru ichia tearu warra pɨa t'õru, Tachi Ak'õrepa ichi Warraade aipɨ.

1 Tesalonicense 1:10

Ãchia jara p'anɨma sãmaasã́ mãrapa Tachi Ak'õre Warra Jesú pajãnepa chei nɨ p'anɨt'a. Ara mãɨ Jesú piuda pada Tachi Ak'õrepa chok'ae p'irabaripisima. Ichia Tachi Ak'õrepa tachi ɨtɨai pada k'aripasima.

Romano 9:5

Ãchi chõarãenapemarã chi minachia k'awapataɨrã pasima. Ãchidepa Cristo ẽpẽra k'ak'uade chesima. Ichit'a jõmãɨrã Ak'õrepɨ. Ichiaapuru tachia ewaricha pia pedeadai p'anɨma. Mãɨya beese.

Juan 20:28

Mãɨne Tomapa jarasima: —¡Mɨ Chipari! ¡Mɨ Tachi Ak'õre!

Juan 10:30

Mɨ, mɨ Ak'õre ome aba p'anɨma.

Mateo 1:16

Jacó José ak'õre pasima. José María k'ima pasima. María Jesú nae pasima. Ara mãɨ Jesú Tachi Ak'õrepa Tachi K'aripaparí teai jaradaade apataɨpɨ.

2 Timoteo 2:8

Jesucristode k'ɨ̃risiase. Ichi Davidepa chedapɨ. Ichi piu bada Tachi Ak'õrepa chok'ae p'irabaripisima. Mãɨ pedea pia ichi k'orea mɨa jaratea bɨma.

1 Corintio 1:9

Tachi Ak'õrepa ara ichia jara bɨ jĩra ooipɨ. Ichia mãra t'ɨ̃sima ichi Warra Tachi Chipari Jesucristo ome ará p'ananamẽrá.

Hecho 2:30

Maamina Daví Tachi Ak'õre pari pedeaparí pasima. Mãɨpuru k'awa basima Tachi Ak'õrepa piarãnepa jara basima chi aba ichidiidepema chei badat'a ichi k'ak'ua pari israel ĩjũanepemarã poro jũra jɨ̃parí jɨ̃ bɨ bɨit'a.

Juan 20:31

Maamina ãarea nãɨ bɨsima mãrapa Jesú Tachi Ak'õrepa Tachi K'aripaparí teai jarada, Tachi Ak'õre Warrade ĩjãanamẽrá. Mãɨya ĩjãanaipɨra ichidepa chok'ae bai uru p'ananaipɨ.

Juan 10:36

¿k'ãre k'orea jara p'anɨma mɨa ichidepema k'achia jarasiade a p'anɨma, mɨa abapuru ichi Warraade a bɨẽra? Tachi Ak'õrepa mɨ ara ichi pae bɨsima mãɨnepa nãɨ ĩjũanea peesima.

Juan 5:25

Piarã jararuma: ewari chei bada chesima. Nãmãɨpa chi piuda jĩra p'anɨrãpa mɨ, chi Tachi Ak'õre Warra pedea ũrinaipɨ. Chi mɨne ĩjãauta chok'ae p'ananaipɨ.

Luca 1:69

Ichi pae pari mimiaparí Davidepa cheda peeruma Tachi k'aripaparí jua chaarea bɨt'a bamẽrá.

Mateo 27:43

Ichia k'ɨ̃risia bɨma Tachi Ak'õre ichi ome bɨt'a. ¿Ichi Tachi Ak'õre Warraade aé pasik'ãra? Mãɨya bɨpɨra Tachi Ak'õrepa ichi piarã k'ɨ̃ria bɨpɨra, ara nãɨena k'aripai pia bɨma.

Mateo 26:63

Maamina Jesú k'ĩup'ea beesima. Mãɨya bɨde p'aare minachia k'awa bɨpa ichiá jarasima: —Tachi Ak'õre chok'ae bɨ k'ĩrari taiyá piarã jarase. ¿Pɨ Tachi Ak'õrepa Tachi K'aripaparí teai jara badak'ãra? ¿Pɨ Tachi Ak'õre Warrak'ãra?

Mateo 15:22

Mãɨne cananeo wẽra mãɨ tuadepema Jesú nimá chesima. Mãɨ wẽrapa nãɨya jĩk'ua pedea nɨbeesima: —¡Mɨ Chipari, Davidepa cheda, mɨ k'ĩra chupuriase! Mɨ k'au jaore mietapa minachia mĩapi bɨma.

Mateo 12:23

Jõmãɨrãpa k'awa k'ɨ̃risiadaé pasi pẽra, idisidama: —Davidepa chei pada ¿nãɨ Jesuk'ãra?

Mateo 9:27

Jesú mãmãɨpa wãside tau p'ãrio p'anana ume ichi k'aade bia chesidama. Mãɨ ẽpẽrarãpa jĩk'ua jarasidama: —¡Jesú, Davidepa cheda, tai k'ĩra chupuriase!

Mateo 3:17

Mãɨ awara Tachi Ak'õre pajãnepa edá pedearu ũrisidama. Nãɨya jarasima: «Nãɨt'a mɨ Warra chi k'ɨ̃ria bɨpɨ. Mɨ ichi k'orea minachia sõ arapá bɨma».

Mateo 1:6

Jesé Israeldepema poro jũra jɨ̃parí jɨ̃ bɨ Daví ak'õre pasima. Chi poro jũra jɨ̃parí jɨ̃ bɨ Daví Salomón ak'õre pasima mãɨnepa Uría k'ima pada Salomón nae pasima.

Apocalipsi 2:18

»Ũpẽarã Tiatira p'uurudepema ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Tachi Ak'õre Warrapa, chi tau t'ɨpɨ urua bɨ jĩra bɨpa, mãɨnepa ichi jĩru bronce t'ɨpɨde torroapidak'ari achiterrea bɨ jĩra bɨpa nãɨya jara bɨma:

2 Juan 1:7

Chi seapataɨrã nãɨ ĩjũane minachia p'anɨma. Ãchia ĩjãanak'ama Jesucristo nãɨ k'ak'uade tachi jĩra chesit'a. Chi mãɨya bɨpa waapẽarã seaparima mãɨnepa Cristo nek'ĩramaapɨ.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.

1 Juan 5:5

¿K'aipa nãɨ ĩjũanepema nemietá p'ue itu bɨima? Abaɨpa Jesú piarã Tachi Ak'õre Warrat'a ĩjãa bɨpɨra, mãɨ ẽpẽrapa mãɨ p'ue itu bɨipɨ.

1 Juan 5:1

Jesú Tachi Ak'õrepa Tachi K'aripaparí teai jarada abaɨpa ĩjãaipɨra, mãɨ ẽpẽra Tachi Ak'õrenepa t'õnapɨ. Chi Tachi Pajãnepema Ak'õre k'ɨ̃ria bɨpa ichi warrarã sida k'ɨ̃ria bɨma.

1 Juan 4:15

Abaɨpa Jesú piarã Tachi Ak'õre Warraade aipɨra, Tachi Ak'õre ichi ome bɨma mãɨnepa ichi Tachi Ak'õre ome bɨma.

1 Juan 3:23

Mãɨ oopi bɨ pedea nãɨpɨ: ichi Warra Jesucristode ĩjãanait'a mãɨnepa chi k'ɨ̃ria p'ananait'a ichia tachiá jarada jĩra.

1 Juan 3:8

Chi nemietá oo bɨt'u tioredepɨ, tiore jua chiwidieda nemietá oopari pẽra. Tachi Ak'õre Warra nãɨ ĩjũanea chesima tiorepa oo bɨt'a p'uei k'orea.

1 Juan 1:3

Taipa ununana mãɨnepa ũrinana mãrá jara p'anɨma mãra sida tai ome ará Tachi Pajãnepema Ak'õre ome mãɨnepa ichi Warra Jesucristo ome pia p'ananamẽrá.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

Romano 1:9

Tachi Ak'õrepa k'ɨ̃ria bɨt'a ãarea mɨ sõnepa oo bɨma, chi pedea pia ichi Warra k'orea jaratea bɨ pẽra. Ichia k'awa bɨma mɨa ɨt'aa chiidirucha mãra k'orea ɨt'aa chiidiparit'a.

Hecho 9:20

Mãɨne judiorã ará pedeapataɨ te p'anɨrãmá wãrune ichia jaratea beesima Jesú piarã Tachi Ak'õre Warra k'orea.

Hecho 8:36

Mãɨya wãutade pania bɨmá pasidama. Mãɨne chi Etiopiadepema mimiaparí minachia k'awa bɨpa jarasima: —Ak'ɨse. Nãma pania bɨma. ¿K'ãarepa mɨ p'ue porochoaiwẽa bɨma?

Hecho 3:13

Chi Abrahán Pajãnepema Ak'õre, Isá Pajãnepema Ak'õre, Jacobo Pajãnepema Ak'õre mãɨnepa ãarea tachi chõarãenapemarã Pajãnepema Ak'õre, mãɨpa chi ichi pae pari mimiaparí Jesú chi atepe bɨ bɨsima. Ara mãɨ Jesut'a mãrapa Pilatoa teasidama, peamẽrá. Pilatopa mãɨ ãjã́ pari bɨ k'ɨ̃ria badamina mãrapa ichi taade ichi ietasidama.

Juan 7:42

¿Tachi Ak'õre pedeade jara bɨwẽk'ãra ichi Davidepa cheit'a? ¿Daví p'uuru Belenepa chei bɨwẽk'ãra?»

Juan 1:34

Mɨa mãɨ unusima. Mãɨ k'orea mɨa jara bɨma ichi piarã Tachi Ak'õre Warrapɨ».

Romano 4:1

¿K'ãre jaradaima Abrahán, chi tai judiorã chõarãenapema k'ak'uade bada k'orea?

1 Corintio 10:18

Israel ĩjũanepemarãpa oopataɨ k'orea k'ɨ̃risiat'ɨ. Ãchia ãnimara Tachi Ak'õrea paateautade mãɨ k'iurudepema k'opatama. Mãɨ k'outade unupipatama Tachi Ak'õrene ĩjãa p'anɨt'a. (Ara mãɨ jĩra abaɨpa sãdoa ne k'iuru paateadadepema k'oipɨra, unupiipɨ mãɨ sãdode ĩjãa bɨt'a).

1 Timoteo 2:5

Tachi Ak'õre abapuru bɨma. Mãɨnepa chi ẽpẽrarã nepɨra k'aripaparí, Tachi Ak'õre ẽpẽrarã ome, abapuru bɨma. Mãɨ ẽpẽra Jesucristopɨ.