Romano 1:11 - Tachi Ak'õre Pedea

¹¹ Piarã mɨa mãra unu k'ɨ̃ria bɨma Tachi Ak'õre Jaoredepa k'aripai k'orea. Mãɨya mãra chaarea p'ananaipɨ.

Romano 1:11 Referans Kwoze

2 Pedro 1:12

Jõma makɨɨ k'awa p'anɨmina mãɨnepa chi piarã pedea minachia ĩjãa p'anɨmina, mɨa jõma makɨɨ mãrá k'ɨ̃risiapi baipɨ.

Romano 16:25

Mɨa pedea pia Jesú k'orea jaratea baparima. Ara mãɨ pedeadepa Tachi Ak'õrepa mãra p'ue k'aripaipɨ chaarea p'ananamẽrá. Mãɨ pedea Tachi Ak'õrepa naena k'awapiwẽa basima maamina idiapae k'awapisima. Chi ichi pari pedeapataɨrãpa mãɨ k'art'ade bɨsidama. Tachi Ak'õre piuk'apa mãɨya bɨpisima tuachapemarãpa ũrinak'ari Jesucristode ĩjãanamẽrá. Tachi Ak'õrea pia pedeadai p'anɨma.

2 Tesalonicense 3:3

Maamina Tachi Chiparipa ooipɨ ichia jara bɨ jĩra. Ichia mãra k'aripa baipɨ choa p'ananamẽrá mãɨnepa k'achiadepema ak'ɨ baipɨ.

Romano 15:29

Mɨa k'awa bɨma mãramá cherude Cristopa tachi minachia k'aripait'a.

1 Pedro 5:12

Ũpẽa Silvanopa nãɨ k'art'a chak'e k'aripa bɨsima. Mɨa k'awa bɨma ara ichia jara bɨ jĩra nejõma ooparit'a. Nãɨ k'art'adepa mɨa mãra k'aripa k'ɨ̃ria bɨma pia ĩjãanamẽrá. Mãɨnepa k'awapii k'ɨ̃ria bɨma piarã Tachi Ak'õrepa ichi sõpiadepa k'aripa bɨt'a. Mãɨ ĩjãa p'anat'ɨ.

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.

Hecho 19:6

Maapae Pablopa ichi jua ãchi ɨ̃rɨ bɨside Tachi Ak'õre Jaore ãchimá chesima. Mãɨne pedea awaraɨde pedeasidama mãɨnepa Tachi Ak'õre pari pedeasidama.

Hecho 16:5

Mãɨya ũpẽarãpa Tachi Chiparide minachia ĩjãasidama mãɨnepa ewaricha eapasidama.

1 Tesalonicense 3:13

Mãɨnepa ɨt'aa chiidi p'anɨma Cristopa mãra k'aripak'ari, sõnepa minachia ĩjãanamẽrá. Mãɨya Tachi Chipari Jesú jõma ichidirã ome cherude mãra Tachi Ak'õre, tachi Pajãnepema Ak'õre taade nemietá newẽa p'ananaipɨ.

P'ilipense 4:1

Mãɨ k'orea mɨ ũpẽarã, mɨa jarada jĩra Tachi Chiparide minachia ĩjãa p'anat'ɨ. Mɨa mãra minachia k'ɨ̃ria bɨma mãɨnepa unu k'ɨ̃ria bɨma. Mãra k'orea mɨ minachia arapá bɨma. Mãrat'u mɨ arapaapipataɨpɨ.

P'ilipense 2:26

Ichia mãra piarã unu k'ɨ̃ria bɨma. Minachia k'ɨ̃risia bɨma, mãrapa ara ichi k'ɨdade bada ũrisida pẽra.

P'ilipense 1:8

Tachi Ak'õrepa k'awa bɨma mɨa Jesucristo minachia k'ɨ̃ria bɨdepa jõma mãra sida minachia k'ɨ̃ria bɨt'a.

2 Corintio 9:14

Tachi Ak'õrepa ichi sõpiadepa mãra minachia k'aripasima ãchi k'aripadamẽrá. Mãɨpuru ãchia mãra minachia k'ɨ̃ria p'anɨnepa Tachi Ak'õrea mãra k'orea ɨt'aa chiidi p'ananaipɨ.

2 Corintio 1:21

Tachi Ak'õrepuru tai mãɨnepa mãra Cristo ome minachia ak'ɨ uru bɨma. Ichia tachi jɨrɨ atasima.

Romano 15:32

Mãɨya Tachi Ak'õrepa k'ɨ̃riaipɨra, mɨ mãramá arapá wãipɨ mãɨnepa mãra t'ãena pia ɨ̃apaa baipɨ.

Romano 15:23

Maamina nãma jõma jarateada pẽra ara nãma k'ait'a newẽma sãma Cristo k'orea jarateait'a. Ewari k'ak'o minachia tãaraa pa basima mɨ mãramá wã k'ɨ̃ria bɨẽra,

Hecho 19:21

Mãɨya nak'ari Pablopa ichi sõnepa k'ɨ̃risiasima Macedonia tuade mãɨnepa Acaya tuade p'ɨrrɨak'ari Jerusalén p'uurudea wãit'a. Ichiaba jarasima: «Jerusalene bak'ari mɨ Roma p'uurudea wãi bɨma».

Hebreo 13:9

Maamina chi eda waapẽarãpa ne wawaria piawẽa jarateapatama. Ãchirã́ itu seapirãt'ɨ. Mãrapa ne wawaria k'o p'anɨnepa wa nek'odawẽa p'anɨnepa k'aripak'ama. Chi mãɨya oo p'anɨrã pia p'anɨwẽma. Mãɨpari Tachi Ak'õrepa ichi sõpiadepa k'aripa bɨma mãrapa pia sõnepa ĩjãanamẽrá.

2 Corintio 11:4

Tai awaraɨ chedapa Jesú k'orea taipa jarateadada awara jaratearude, wa chi Tachi Ak'õre Jaore mãrapa jitadada k'orea awara jaratearude mãrapa minachia ĩjãapatama. Ichiaba chi pedea pia mãrapa ĩjãanana awara jaratearude minachia ĩjãapatama.

Romano 1:12

Mɨa k'ɨ̃ria bɨma tachia abarik'a Cristode ĩjãa p'anɨnepa chi k'aripa p'ananaipɨ chaarea p'ananai k'orea.

2 Corintio 1:15

Mãra mɨ k'orea piarã arapaadai k'ɨ̃risia bɨ pẽra, naa mɨa k'ɨ̃risia basima bari k'ak'o ume mãra ak'ɨde wãit'a minachia k'aripai k'orea.