P'ilipense 4:9 - Tachi Ak'õre Pedea

⁹ Mɨa jarateada, chi mãrapa mɨnepa k'awadada, mɨnepa ũrinana mãɨnepa ununana jõma oo p'anat'ɨ. Mãɨne Tachi Ak'õre mãra ome baipɨ mãɨnepa mãra ne k'ɨ̃risiawẽa bɨipɨ.

P'ilipense 4:9 Referans Kwoze

Santiago 1:22

Tachi Ak'õre pedea oo p'anat'ɨ. Abapuru mãɨ pedea ũripataɨrã p'anarãt'ɨ. Mãɨya p'ananaipɨra, ara mãra tuaba sea p'ananaipɨ.

P'ilipense 3:17

Ũpẽarã, mɨ jĩra p'anat'ɨ. Mãra t'ãena nipasidaɨde taipa unupisidama sãmaasã́ p'ananai p'anɨ. Ũpẽarã mãɨya berã paara nipat'ɨ.

2 Pedro 1:10

Ũpẽarã, Tachi Ak'õrepa mãra t'ɨ̃k'ari jɨrɨ atasima. Piarã mãɨya be unupidai k'orea chok'ea p'anat'ɨ. Mãɨya oodaipɨra baedaiwẽma.

Juan 13:17

¿Mãɨ ũri p'anɨk'ãra? Mãɨya oodaipɨra piarã pia p'ananaipɨ.

P'ilipense 4:7

Mãɨpa Tachi Ak'õrepa mãra sõ mãɨnepa mãra k'ɨ̃risiat'a ne k'ɨ̃risiawẽa p'anapiipɨ Jesucristo ome p'anɨ pẽra. Mãɨ ne k'ɨ̃risiawẽa bait'a ẽpẽrarãpa ãchi tuaba p'ue k'awadaiwẽma.

Romano 16:20

Chi ne k'ɨ̃risiawẽa bapiparí Tachi Ak'õrepa tãaraawẽa bɨde tiore p'uek'ari mãra juade bɨipɨ. Mɨa k'ɨ̃ria bɨma Tachi Chipari Jesupa ichi sõpiadepa mãra k'aripa bait'a.

2 Corintio 13:11

Ũpẽarã, k'aadea mɨa nãɨya bɨruma: arapá p'anat'ɨ, mãicha jĩp'a oo p'anayá jɨrɨt'ɨ, mɨa jara bɨt'a oo p'anat'ɨ, abarik'a k'ɨ̃risia uru p'anat'ɨ mãɨnepa ne k'ɨ̃risiawẽa p'anat'ɨ. Mãɨya chi Tachi Ak'õre tachiá k'ɨ̃riapiparí mãɨnepa ne k'ɨ̃risiawẽa bapiparí mãra ome baipɨ.

Luca 6:46

»Mɨa jara bɨ mãrapa oodak'ama. Mãɨ ¿k'ãre k'orea “Tai Chipari, Tai Chipari” apatama?

Mateo 28:20

Ãchiá jarateat'ɨ mɨa mãrá jarada jõma ĩjãanak'ari oodamẽrá. Mãɨne mɨ mãra ome ewaricha baipɨ aba nãɨ ewari jõrunea.

Mateo 7:21

»Ẽpẽrarãpa mɨ ãchi chipariade apatamina jõmãɨrã ãarea Tachi Ak'õre juade ua bɨde p'ananaiwẽma. Abapuru mɨ Ak'õre pajãne bɨpa k'ɨ̃ria bɨ oo berãt'a ichi p'uurude p'ananaipɨ.

2 Tesalonicense 3:4

Tachi Chiparidepa k'awa p'anɨma taipa jarateadada mãrapa piarã oo p'anɨ mãɨnepa oopododaipɨ.

1 Tesalonicense 1:6

Ara mãɨya mãrapa tai p'anapachi jĩra oo p'aneesidama. Tachi Chipari nipada jĩra oo p'aneesidama. Mãra minachia mĩa p'anɨmina Tachi Ak'õre Jaorepa arapaapik'ari, chi pedea pia ĩjãasidama.

1 Tesalonicense 5:23

Mɨa k'ɨ̃ria bɨma Tachi Ak'õrepa mãra ichi pae ãarea pia p'anapimẽrá. Ichia tachi ne k'ɨ̃risiawẽa p'anapiparima. Mɨa k'ɨ̃ria bɨma Tachi Ak'õrepa mãra jaore, mãra k'ɨ̃risia mãɨnepa mãra k'ak'ua ãarea pia ak'ɨmẽrá. Mãɨya Tachi Chipari Jesucristo cherude, waapẽarãpa mãra mi ãpia pida nemietaade p'anɨane a jaradawẽa p'ananaipɨ.

Romano 15:33

Mɨa k'ɨ̃ria bɨma chi Tachi Ak'õre tachi ne k'ɨ̃risiawẽa bapiparí jõma mãra ome bait'a. Mãɨya beese.

Juan 2:5

Maamina Jesú naepa chi ne jeda p'anɨa jarasima: —Ichia jararut'a ãarea oot'ɨ.

Luca 8:21

Jesupa jarasima: —Tachi Ak'õre pedea ũrinak'ari ĩjãapataɨrã mãɨnepa mãɨ oopataɨrã, mãɨrãt'u mɨ naepɨ mãɨnepa mɨ ũpẽarãpɨ.

1 Tesalonicense 2:14

Ũpẽarã, mãrapa ĩjãa p'anɨ k'orea ara machi tuadepemarãpa mãra piawẽa oo p'anasidama ẽpẽrarã Tachi Ak'õrenepemarã judiorã tuade mãɨyana jĩra. Mãma Jesucristode ĩjãapataɨrã judiorã chi ĩjãanak'apɨɨrãpa piawẽa oo p'anasidama.

1 Corintio 10:31

Maamina mɨa jararuma: mãra nek'o p'anɨne, neto p'anɨne wa ne oo p'anɨne jõma oot'ɨ ẽpẽrarãpa Tachi Ak'õre k'orea pia jaradamẽrá.

Hecho 9:6

P'irabarik'ari Damasco p'uurudea wãse. Jãma jaraipɨ pɨa k'ãre ooi bɨt'a.

2 Timoteo 4:22

Mɨa k'ɨ̃ria bɨma Tachi Chipari Jesucristo pɨ ome bait'a mãɨnepa Tachi Ak'õrepa ichi sõpiadepa mãra k'aripa bai. Mãɨya beese.

1 Corintio 14:33

Tachi Ak'õrepa ooroa nɨbeepik'ama, mãɨpari ne k'ɨ̃risiawẽa bapiparima. Ẽpẽrarã Tachi Ak'õreneerã ará jere nɨbeeutacha

Juan 15:14

Mɨa jara bɨeda mãrapa oodaipɨra mãra mɨ chi k'õp'ãerorãpɨ.

1 Juan 3:22

Mãɨne chi tachia idiuta Tachi Ak'õrepa teaipɨ, ichia oopi bɨ pedea mãɨnepa pia unu bɨt'a oo p'anɨ pẽra.

Mateo 1:23

«Wẽra ɨmɨk'ĩra atua bɨ biak'oa beek'ari warra t'õipɨ. Ẽpẽrarãpa chi warra Emanuel adaipɨ». (Mãɨ t'ɨ̃ jara k'ɨ̃ria bɨma «Tachi Ak'õre tachi ome bɨ»).

1 Corintio 4:16

Mãɨ k'orea mɨa mãrá chichupuria idiruma mɨ nipapari jĩra nipadamẽrá.