P'ilipense 4:6 - Tachi Ak'õre Pedea

⁶ Ne paritua k'orea minachia k'ɨ̃risiarãt'ɨ, mãɨpari Tachi Ak'õrea ɨt'aa chiidit'ɨ, ichiá chichupuria idit'ɨ, mãɨnepa nejõma k'orea pia bɨade at'ɨ.

P'ilipense 4:6 Referans Kwoze

1 Pedro 5:7

Mãrapa minachia k'ɨ̃risia p'anɨ k'orea Tachi Ak'õrea ãarea jarat'ɨ, ichia mãra ak'ɨ bɨ pẽra.

Colosense 4:2

Ewaricha Tachi Ak'õrea ɨt'aa chiidi p'anat'ɨ. Ɨt'aa chiidiutade tau ɨbɨa p'anat'ɨ mãɨnepa Tachi Ak'õrea sõpia p'anɨane at'ɨ.

Ep'esio 6:18

Ewaricha ne ãarea k'orea Tachi Ak'õre Jaoredepa ɨt'aa chiidi p'anat'ɨ. Jõma ichi ẽpẽrarã k'orea tau pará, sẽnawẽa ɨt'aa chiidi p'anat'ɨ.

Colosense 3:17

Mãra pedeautade mãɨnepa ne ooutade jõma oot'ɨ Tachi Chipari Jesupa k'ɨ̃ria bɨ jĩra. Ichidepa Tachi Pajãnepema Ak'õrea sõpia bɨade at'ɨ.

Luca 18:1

Jesupa nepɨrɨdepa jarateasima Tachi Ak'õrea sẽnawẽa ɨt'aa chiididai p'anɨ.

Luca 12:22

Mãɨpuru Jesupa ichi ome p'ɨrrɨapataɨrã́ jarasima: «Mãra sãmaasã́ p'ananait'a minachia k'ɨ̃risiarãt'ɨ, nek'odai k'orea mãɨnepa neet'á jɨ̃nai k'orea.

Colosense 3:15

Tachi Ak'õrepa mãra t'ɨ̃sima k'ak'ua aba bɨ jĩra p'ananamẽrá. Cristopa nek'ĩramariwẽa p'anapi bɨma, mãra sõne. Mãɨpa k'awapiipɨ k'ãre oodai p'anɨ. Mãɨya p'anat'ɨ. Mãɨnepa Tachi Ak'õrea sõpia p'anɨane at'ɨ.

Ep'esio 5:20

Tachi Chipari Jesucristo t'ɨ̃nepa ewaricha tachi Pajãnepema Ak'õrea nejõma k'orea sõpia bɨade at'ɨ.

Luca 10:41

Jesupa jarasima: —Marta, Marta, pɨa ne minachia oo bɨ k'orea minachia k'ɨ̃risia pará bɨma.

Luca 18:7

Tachi Ak'õrepa jɨrɨ atadaɨrãpa ãst'á mãɨnepa teamasi chichupuria idi p'anɨne ¿ichia jĩp'a oo bɨdepa k'aripaiwẽk'ãra? ¿Tãaraaik'ãra p'anooi k'orea?

Mateo 10:19

Mãra jita enemeeutade k'ɨ̃risia paraarãt'ɨ k'ãret'a jaradai k'orea. Chi chaarearã k'ĩrari p'anɨne Tachi Ak'õrepa k'awapiipɨ k'ãre jaradai p'anɨ.

Luca 12:29

Mãɨpuru jɨrɨrãt'ɨ nek'odai k'orea mãɨnepa netodai k'orea. Minachia k'ɨ̃risiarãt'ɨ.

2 Corintio 1:11

Mãra pida tai k'orea Tachi Ak'õrea ɨt'aa chiidi p'anɨnepa k'aripa p'anɨma. Chok'araɨrãpa mãɨya ɨt'aa chiidi p'anɨ pẽra chok'araɨrãpa Tachi Ak'õrea sõpia bɨade adaipɨ ichi sõpiadepa tai k'aripa bɨ k'orea.

1 Corintio 7:32

Mɨa k'ɨ̃ria bɨma mãrapa nãɨ ĩjũa k'orea minachia k'ɨ̃risiapidaemaapa. Chi ɨmɨk'ĩra k'ima nea bɨpa pia k'ɨ̃risia baparima Tachi Chiparipa k'ɨ̃ria bɨ ooi k'orea. Tachi Chiparia arapaapii k'ɨ̃ria bɨma.

1 Pedro 4:7

Tãaraawẽane nejõma jõipɨ. Mãɨpuru jĩp'a k'ɨ̃risia p'anat'ɨ mãɨnepa jĩrak'aua p'anat'ɨ. Mãɨya Tachi Ak'õrea p'ue ɨt'aa chiididaipɨ.

Mateo 13:22

Chi net'a tau ĩjũa ɨɨrɨ idá bɨde p'oda nãɨ jara bɨma: chi eda waapẽarã ẽpẽrarãpa Tachi Ak'õre pedea ũripatama, maamina ãchi sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ãarea mãɨ k'ɨ̃risia mietapa ãchia sõne pia ũrinana itu bɨpiparima ne uu warida chauk'á bapari jĩra.

1 Corintio 7:21

Tachi Ak'õrepa pɨ t'ɨ̃side chi chipari pae pari mimiaparí basira, minachia k'ɨ̃risia pará beerãse. Maamina pɨchi chiparipa ichi juadepema ãyá wãpisira, mãɨya oose.

Mateo 6:34

Ne nũpema minachia k'ɨ̃risiarãt'ɨ, nũ pida Tachi Ak'õrepa mãra ak'ɨ bai pẽra. Ewaricha nepɨra minachia baipɨ.

1 Timoteo 2:1

Nãɨ pia jararuma: ẽpẽrarã ãarea k'orea tachia Tachi Ak'õrea chichupuria ididai p'anɨma, ichia k'aripamẽrá ɨt'aa chiididai p'anɨma mãɨnepa sõpia p'anɨane adai p'anɨma.

1 Timoteo 5:5

P'ẽtã́ piarã ichi tuaba k'ɨrɨpa Tachi Ak'õret'u nɨparima. Ãst'á mãɨnepa teamasi Tachi Ak'õrea ɨt'aa chiidi baparima k'aripamẽrá.