P'ilipense 4:5 - Tachi Ak'õre Pedea

⁵ Mãra ẽpẽrarã paara pia p'anɨt'a, jõmãɨrã́ unupit'ɨ. Tachi Chipari chei ewari k'ait'a bɨma.

P'ilipense 4:5 Referans Kwoze

Mateo 6:25

»Mãɨpuru mɨa jararuma: mãra sãmaasã́ p'ananait'a minachia k'ɨ̃risiarãt'ɨ nek'odai k'orea, netodai k'orea ichiaba ne jɨ̃nai k'orea. ¿Tachi chok'ae bait'a chik'o k'aepẽra atepe piipará bɨwẽk'ãra? ¿Tachi k'ak'ua neet'á k'aepẽra atepe piipará bɨwẽk'ãra?

Tito 3:2

Ũpẽarã́ jarase: abaɨ k'orea piawẽa pedeadaiwẽa p'anɨma mãɨnepa k'ĩruu pedea p'ananaiwẽa p'anɨma, mãɨpari sõpia p'ananai p'anɨma, jõmãɨrã ome minachia bɨ jĩra p'ananaiwẽa p'anɨma.

Hebreo 10:37

Tachi Ak'õre pedeade nãɨya bɨ bɨma: «Chi chei bɨ tãaraawẽa bɨde cheipɨ. Piarã tãaraaiwẽma.

1 Pedro 4:7

Tãaraawẽane nejõma jõipɨ. Mãɨpuru jĩp'a k'ɨ̃risia p'anat'ɨ mãɨnepa jĩrak'aua p'anat'ɨ. Mãɨya Tachi Ak'õrea p'ue ɨt'aa chiididaipɨ.

1 Corintio 6:7

Piarã waapẽarã mãranepema nepɨra uru p'anapata pẽra unupii p'anɨma machi jĩp'a nipadak'at'a. ¿Piipará bɨwẽk'ãra chi pɨ piawẽa ooda choait'a, chi nepɨra ak'ɨparimá wãi k'aepẽra? ¿Piipará bɨwẽk'ãra pɨa uru bɨ itu chɨapiit'a, pɨ ũpẽa chi nepɨra ak'ɨparimá ateewãi k'aepẽra?

Hebreo 10:25

Chi Cristode ĩjãapataɨrã paara ará p'ananait'a itu bɨdaiwẽa p'anɨma chi eda waapẽarãpa itu bɨpata jĩra. Mãɨpari chi k'aripadai p'anɨma pia ĩjãanai k'orea. Tachi Chiparipa ɨtɨai ewari tãaraawẽa bɨde chei k'awa p'anɨ pẽra pia mãɨya oodai p'anɨma.

Apocalipsi 22:7

Jesupa jarasima: «¡Ũrit'ɨ, mɨ isapea cheipɨ! Chi nãɨ k'art'ade Tachi Ak'õre pari pedeaparí pedea bɨda ĩjãa bɨt'a minachia pia bɨma».

1 Corintio 8:13

Mãɨ k'orea mɨa nek'o bɨdepa mɨ ũpẽa k'achiade baepipɨra, waa nek'oiwẽma.

Mateo 6:34

Ne nũpema minachia k'ɨ̃risiarãt'ɨ, nũ pida Tachi Ak'õrepa mãra ak'ɨ bai pẽra. Ewaricha nepɨra minachia baipɨ.

Apocalipsi 22:20

Ãarea nãɨ k'art'ade bɨ bɨt'a Jesupa piarãane a bɨma. Nãɨya jara bɨma: «¡Piarã mɨ isapea cheipɨ!» Pia bɨma isapea cheit'a. ¡Chese tai Chipari Jesú!

1 Pedro 1:11

Cristo Jaore ãchi sõne bɨpa pedeapipachima Cristo minachia mĩak'ari Tachi Ak'õrepa pia bɨi k'orea. Mãɨpa pedeak'ari k'awa k'ɨ̃ria p'anasidama k'ai k'orea Cristo Jaorepa ãchiá pedeapisit'a mãɨnepa sãapae jõma mãɨ mãɨyai.

1 Corintio 9:25

P'irapataɨrãpa ãchi k'ak'ua pia ak'ɨpatama chaarea p'ananai k'orea. Mãɨya oopatama waapẽarã k'aepẽra pia p'iradak'ari poro jũra jɨ̃parí jitadai k'orea. Mãɨ poro jũra jɨ̃parí isapea pɨɨparima. Maamina tachia nejõma pia oopatama Tachi Ak'õrepa teai jarada pɨɨk'apɨ́ atadai k'orea.

Luca 21:34

»Jĩrak'aua p'anat'ɨ Tachi Ak'õre itu bɨdaemaapa. It'ua to p'anarãt'ɨ, ne k'ɨ̃risiawẽa p'anat'ɨ mãɨnepa tachi k'ak'uapa oo k'ɨ̃ria bɨ oorãt'ɨ. Jĩrak'aua p'ananaepɨra, ãnimara k'idap'ede baepari jĩra, mãɨ jĩra mãra atua p'anɨne mɨ mãicha cheipɨ. Mãɨ ewari cherude nãɨ ĩjũanepemarã ãarea sõ pará p'ananaipɨ.

1 Corintio 16:22

Parituapa Tachi Chipari Jesucristo k'ɨ̃riawẽpɨra, Tachi Ak'õrepa mãɨ ẽpẽra nepɨra paraayade aipɨ. ¡Chese, Tachi Chipari!

2 Corintio 10:1

Mɨ Pablopɨ. Cristo k'ɨ̃rianepa mãɨnepa ichi sõpiadepa mɨa mãrá chichupuria idiruma mɨ pedea ũrinamẽrá. Waapẽarãpa jara p'anɨma mãra ome bɨde, mɨa wap'ea baparit'a mãra ɨtɨai k'orea, maamina mãra ome bɨwẽne wap'eak'ama mãra k'art'adepa ɨtɨai k'orea.