P'ilipense 4:19 - Tachi Ak'õre Pedea

¹⁹ Piarã jõma mãrapa newẽa p'anɨt'a, mɨ Pajãnepema Ak'õrepa nejõma pia uru bɨdepema Jesucristodepa teaipɨ.

P'ilipense 4:19 Referans Kwoze

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.

1 Timoteo 6:17

Nãɨ ĩjũane erreara pará berã́ jarase waapẽarã k'aepẽra chi atepe berã k'ɨ̃risiapidaemaapa. Ãchia ne uru p'anɨ tãaraa choak'a pẽra jarase mãɨ k'orea pia p'ananai k'ɨ̃risiapidaemaapa. Tachi Ak'õret'u k'ɨ̃risiadai pia bɨma. Ichiapuru tachiá nejõma minachia teaparima ne k'ɨ̃risiadawẽa p'ananamẽrá.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

Ep'esio 3:16

Mɨa ɨt'aa chiidi bɨma ichi Jaoredepa mãɨnepa ichia ne minachia pia bɨdepema mãra sõne jua chaarea p'anapimẽrá. Mãɨya mãra chaarea p'ananaipɨ.

Colosense 3:16

Pedea Cristo k'orea mãra sõne uru p'anat'ɨ. Jõma Tachi Ak'õre k'ɨ̃risiadepa chi jarateat'ɨ mãɨnepa chi k'aripat'ɨ pia ĩjãanai k'orea. Tachi Ak'õre pedeade bɨ bɨt'a k'arit'ɨ, ũpẽarãpa k'aripataɨ mãɨnepa Tachi Ak'õre Jaorepa k'aripiparí Tachi Ak'õrea k'arit'ɨ. Sõnepa Tachi Ak'õrea sõpia p'anɨane a p'anɨnepa k'arit'ɨ.

Romano 8:18

Mɨmá, chi nãɨ ewaride tachi minachia mĩa p'anɨt'a mãɨ ãpia bɨ jĩra bɨma, chi k'aadeapema ewaride Tachi Ak'õrepa tachi pia bɨi k'aepẽra.

Ep'esio 1:7

Ichi Warra oa ãrinanepa Tachi Ak'õrepa tachi nemietaadepema k'aripasima. Ichi minachia sõpia bɨdepa tachia nemietá oodada ãarea k'ɨ̃risia atuasima.

2 Corintio 4:17

Tai ara nãɨena minachia mĩapatamina, mãɨ naa tai k'aripa bɨma chi Tachi Ak'õre k'ĩrawãrea pia bɨde ewaricha p'ananai k'orea. Mãɨ k'ĩrawãrea atepe pia baipɨ chi idiapae ãpia mĩapataɨ k'aepẽra.

Romano 9:23

Mãɨya choasima ichi pia bɨ waibɨa bɨdepema ichia k'ĩra chupuria bɨ ẽpẽrarã́ k'awapii k'orea. Ãchi ichia naena jɨrɨ atasima ichi pia bɨdepema uru p'ananamẽrá.

Ep'esio 3:8

Jõma ẽpẽrarã Tachi Ak'õrenepemarã t'ãena mɨ k'aepe bɨmina, ichi sõpiadepa mɨt'u bɨsima judiorãwẽa chi Cristo k'orea nepia jõk'apɨ́ jarateamẽrá.

Ep'esio 1:18

Mãɨnepa ɨt'aa chiidiparima Tachi Ak'õrepa mãrá k'ɨ̃risia teamẽrá. Mãɨya mãrapa k'awadaipɨ k'ãre ichidepa jitadai k'orea nɨ p'anɨt'a, mãɨ jitadamẽrá t'ɨ̃na pẽra. Mãɨne mãrapa k'awadaipɨ ichi ẽpẽrarãpa minachia pia bɨ jitadait'a.

Ep'esio 2:7

Mãɨ jõma oosima k'aadeapema ewaride ichi sõpia minachia bɨt'a unupii k'orea. Mãɨnepa tachi chi Jesucristo ome p'anɨrã k'aripasima.

Romano 2:4

Pɨa itu bɨ bɨma Tachi Ak'õrepa tachi ome minachia sõpia bɨt'a, ãarea choa bɨt'a mãɨnepa nemietá ooda isapea ɨtɨak'á bɨt'a. ¿Pɨa k'awawẽa bɨk'ãra Tachi Ak'õre sõpia baparima pɨ ome, ichia k'ɨ̃ria bɨẽra pɨa nemietá ooparí itu bɨk'ari ichimá chemẽrá?

Romano 11:33

Tachi Ak'õre minachia ne k'awa bɨma mãɨnepa k'ɨ̃risia k'awa bɨma. Ichia ooi k'ɨ̃risia bɨt'a mi ãpia pida p'ue k'awadaiwẽma. Ichia oo bɨ sida p'ue k'awadaiwẽma.

1 Pedro 5:1

Mãra ũpẽarã ak'ɨpataɨrã́ mɨa chichupuria idiruma, mɨ sida ũpẽarã ak'ɨparí pẽra. Cristo minachia mĩana mɨa unusima. Mãɨnepa Tachi Ak'õrepa Cristo chi atepe bɨ unupirude mɨ sida ichi ome baipɨ. Mãɨpuru nãɨya chichupuria idiruma:

1 Tesalonicense 2:12

Taipa minachia ũraasidama mãra Tachi Ak'õrepa k'ɨ̃ria bɨ jĩra nipadamẽrá. Ichia mãra t'ɨ̃sima ichi juade ua bai k'orea mãɨnepa ichi pia bɨdepema uru p'ananamẽrá.

Romano 1:8

Naa mɨa jararuma: Jesucristodepa mɨa jõma mãra k'orea Tachi Ak'õrea sõpia bɨade aparima mãrapa Jesucristode ĩjãa p'anɨ k'orea tuachadepemarãpa pedea p'anɨ pẽra.

Juan 20:27

Mãɨya jarak'ari Tomá jarasima: —Pɨ jua jimini nãma berajuse, mɨ juacha ak'ɨse mãɨnepa pɨ jua mɨ orrode jẽrase. Waa ĩjãawẽa barãse, mãɨpari ĩjãase mɨ piarã chok'ae p'irabarisit'a.

Juan 20:17

Jesupa jarasima: —Mɨ jitarãse mɨ Ak'õremá waidi wãwẽa bɨ pẽra. Mɨ ũpẽarãmá wãk'ari jarase mɨ Ak'õremá wãrut'a. Ichi mãra Ak'õrepɨ. Mãɨ mɨ Tachi Ak'õrepɨ mãɨnepa mãra Tachi Ak'õrepɨ.

P'ilemón 1:4

Mɨa Tachi Ak'õrea ɨt'aa chiidirucha sõpia bɨade aparima pɨ k'orea.

2 Corintio 12:21

Mɨa wap'ea bɨma mãramá mãicha cherude Tachi Ak'õrepa mɨ mãra k'orea k'ĩra p'erapiit'a. Mãɨne chok'ará mãrapa naena nemietá oo p'anana wapida oo p'anɨ pẽra mɨ jẽaipɨ. Mãrapa chi Tachi Ak'õremá piawẽa oopataɨ, awaraɨ ome k'ãipataɨ mãɨnepa waapẽarã taade ne k'ĩra p'era oopataɨ wapida mãɨ itu bɨdawẽa p'anɨ pẽra jẽaipɨ.

Mateo 6:32

Tachi Ak'õrene ĩjãanak'apɨɨrãpa ãarea mãɨ jɨrɨpatama, maamina mãra Ak'õre pajãne bɨpa k'awa bɨma mãrapa k'ãre uru p'ananai p'anɨt'a.

P'ilipense 4:7

Mãɨpa Tachi Ak'õrepa mãra sõ mãɨnepa mãra k'ɨ̃risiat'a ne k'ɨ̃risiawẽa p'anapiipɨ Jesucristo ome p'anɨ pẽra. Mãɨ ne k'ɨ̃risiawẽa bait'a ẽpẽrarãpa ãchi tuaba p'ue k'awadaiwẽma.