P'ilipense 4:13 - Tachi Ak'õre Pedea

¹³ Cristodepa jõma p'ue ooipɨ ichia mɨ chaareapii bɨ pẽra.

P'ilipense 4:13 Referans Kwoze

Colosense 1:11

Taipa Tachi Ak'õrea ɨt'aa chiidi p'anɨma ichi jua chaarea waibɨa bɨdepa mãra chaarea p'ananamẽrá. Mãɨya mãra minachia mĩa p'anɨt'a mãɨnepa mãrá mĩapii p'anɨt'a pia choadaipɨ.

Ep'esio 6:10

Mãɨ awara ũpẽarã, Tachi Chipari jua chaarea minachia bɨdepa chaarea p'anat'ɨ.

Ep'esio 3:16

Mɨa ɨt'aa chiidi bɨma ichi Jaoredepa mãɨnepa ichia ne minachia pia bɨdepema mãra sõne jua chaarea p'anapimẽrá. Mãɨya mãra chaarea p'ananaipɨ.

Juan 15:7

»Mãra mɨ ome ará p'ananaipɨra, mɨ pedea oo p'ananaipɨra, ɨt'aa chiidit'ɨ jõma mãrapa k'ɨ̃riautat'a. Mãɨ mɨa teaipɨ.

1 Timoteo 1:12

Tachi Chipari Jesucristopa mɨ jua chaarea bɨpisima ichi pedea jaratea bamẽrá. Ichia k'awasima mɨa nejõma jĩp'a ooit'a ichi pae. Mãɨpuru mɨ bɨsima ichia k'ɨ̃ria bɨt'a oo bamẽrá. Mãɨ k'orea mɨ sõpia bɨade aruma ichiá.

Mateo 14:29

Ara mãɨne Jesupa jarasima: —¡Chese! Ara mãɨne Pedro p'ãp'orrodepa toeda batook'ari Jesumá to ɨ̃rɨ wãru pasima.