P'ilipense 3:6 - Tachi Ak'õre Pedea

⁶ Mɨa mãɨ judiorãpa oopachidaɨt'a ãarea minachia ũri bapachi pẽra chi Cristode ĩjãapataɨrã ẽp'ẽ wãpachima ãchi piawẽa ooi k'orea. Mãɨ judiorãpa oopachidaɨt'a jõma oo bapachi pẽra mi ãpia pida mɨ k'orea k'achia pedeadawẽa baipɨ.

P'ilipense 3:6 Referans Kwoze

Hecho 8:3

Mãɨne Saulopa Jesude ĩjãapataɨrã piawẽa oopachima waa ĩjãapidaemaapa. Techa wãk'ari ɨmɨk'ĩrarã mãɨnepa wẽrarã sida jitak'oak'ari chi jɨ̃a nɨbɨpataɨ temá jidibari ateewãpachima.

Mateo 5:20

Mɨa piarã jararuma: Moisepa bɨda jarateapataɨrãpa oo p'anɨ k'aepẽra mãɨnepa p'ariseorãpa oo p'anɨ k'aepẽra mãrapa jĩp'a oodaepɨra, Pajãne Bɨpa mãra ichi juade ua baiwẽma.

1 Timoteo 1:13

Naena mɨa ichi k'orea piawẽa pedea bapachima mãɨnepa ichidirã ẽp'ẽ bapachima mĩapii k'orea. Chĩará k'achia pedea bapachima. Ichide waidi ĩjãawẽa bada pẽra mãɨnepa atua bɨdepa mãɨya piawẽa oo bapachima. Maamina ichia mɨ k'ĩra chupuriasima.

P'ilipense 3:9

mãɨnepa ichi ome bai k'orea. Mɨ ichi ome bɨwẽma chi Moisepa bɨdadepa, mãɨpari mãɨya bɨma Cristopa ichi Ak'õre pedea ook'ari, tachi k'orea piuda pẽra. Mɨa Cristode ĩjãa bɨ pẽra, Tachi Ak'õrepa mɨ ichi ome uru bɨma.

1 Corintio 15:9

Piarã chi Jesucristopa peedadepema mɨ chi ãpiipará bɨ jĩra bɨpɨ. Ẽpẽrarã Tachi Ak'õreneerã piawẽa ooi k'orea ẽp'ẽ bada pẽra pia bɨwẽma ẽpẽrarãpa mɨ ichia peeda jaradait'a.

Romano 7:9

Naena mãɨ Moisepa bɨda atua baside mɨ ne k'ɨ̃risiawẽa bapachima. Maamina mãɨ k'awaside mɨa nemietá oo k'ɨ̃ria beesima. Maapae nemietá k'orea piui basima.

Hecho 26:5

Ãchia k'awa p'anɨma mɨ p'ariseopɨ. Parituapa mãɨ pɨ k'ĩrari jara k'ɨ̃ria bɨpɨra, mãɨ jarai bɨma. Pɨa k'awa bɨma Moisepa bɨda ũrinai k'orea p'ariseorãpa jĩrak'aua oopataɨ.

Hecho 21:20

Mãɨ ũrisidaɨde ũpẽarãpa Tachi Ak'õrea pia pedeasidama. Maapae Pabloa jarasidama: —Ũpẽa, pɨa k'awa bɨma judiorã minachia p'anɨrãpa Jesude ĩjãa p'anɨt'a mãɨnepa Moisepa bɨda minachia ĩjãa p'anɨt'a.

Luca 1:6

Ãchi umea Tachi Ak'õre k'ĩrari jĩp'a p'anasidama. Tachi Chiparipa oopi bɨ pedea jõma ĩjãapachida pẽra, waapẽarãpa k'achia pedeadaiwẽa p'anasidama.

Mateo 23:25

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa pasu mãɨnepa p'arat'u ɨ̃rɨpema pia sɨɨpatama, maamina eda mietá bɨma. Ara mãɨ jĩra mãra sõne ne ãarea ara machi pae ata k'ɨ̃riapatama mãɨnepa chi mãrapa k'ɨ̃ria oodat'a mãɨt'u oopatama.

Hecho 22:5

Mãɨ chi p'aare minachia k'awa bɨpa mãɨnepa ãarea judiorã chi mãɨrã chaarearã k'awa p'anɨma. Ãchia mɨá k'art'a teasidama judiorã Damasco p'uurudepemarãpa mɨa chi O Chiwidide ĩjãapataɨrã jitai bɨt'a mãɨ k'awadamẽrá. Mãɨne mɨ Damasco p'uurudea wãsima ãchi nãma Jerusalenea enemeek'ari chi chaarearãpa ɨtɨadamẽrá.

1 Corintio 10:32

Mãrapa ne oo p'anɨnepa judiorã, judiorãwẽ mãɨnepa ẽpẽrarã Tachi Ak'õrenepemarã nemietaade baepirãt'ɨ.

P'ilipense 2:15

Mãɨya mãra k'orea k'achia pedeadawẽa p'ananaipɨ mãɨnepa jĩp'a p'ananaipɨ. Ẽpẽrarã minachia nemietá oopataɨrã t'ãena p'anɨmina nemietá newẽa p'anat'ɨ. Tachi Ak'õre warrarã pẽra ãchi t'ãena k'ãk'ãi uchuchoapataɨ jĩra p'anɨma.