Biblia Todo Logo
Bib sou entènèt

- Piblisite -




P'ilipense 3:19 - Tachi Ak'õre Pedea

19 Mãɨpuru piuutade Tachi Ak'õrepa ãchi minachia ɨtɨaipɨ. Ãchi k'ak'uapa k'ɨ̃ria bɨt'a chi ãchi ak'õrepɨ. K'ĩra p'era oo p'anɨ k'orea pia pedeapatama. Abapuru nãɨ ĩjũanepema k'ɨ̃risiapatama.

Gade chapit la Kopi




P'ilipense 3:19
52 Referans Kwoze  

Ãchia Tachi Chipari Jesucristopa k'ɨ̃ria bɨ oo p'anɨwẽma, mãɨpari ãchia k'ɨ̃ria p'anɨt'a oo p'anɨma. Ãchi pedea pia bɨdepa chi k'ɨ̃risiadawẽa berã seapatama.


Erreara k'ɨ̃ria p'anɨ pẽra, mãra erreara atadai k'orea ara ãchi k'ɨ̃risiadepa sea jarateadaipɨ. Minachia tãaraaenapema Tachi Ak'õrepa ãchi nepɨra ak'ɨi k'orea bɨma, mãɨnepa tãaraawẽa bɨde ãchi piarã ɨtɨaipɨ.


Ne ɨt'aripemarã k'orea k'ɨ̃risia p'anat'ɨ. Nãɨ ĩjũanepema k'orea k'ɨ̃risia p'anarãt'ɨ.


Israel ĩjũanepemarã t'ãena Tachi Ak'õre pari pedeapataɨrã sea jarateapataɨrã pasima. Mãra t'ãena pida sea jarateapataɨrã pará p'ananaipɨ. Seadepa ãchia tachi o ãyá wãpiparii k'ɨ̃risiat'a, Tachi Ak'õre pedea jĩra jarateadaipɨ. Tachi Chipari Jesupa ãchi k'aripa bada waa k'aripawẽa beesiade adaipɨ. Mãɨ k'orea Tachi Ak'õrepa isapea ɨtɨaipɨ.


Mãɨpuru ichi pae pari mimiapataɨrã pida jĩp'a oo p'anɨ jĩra chedaipɨra mãrapa k'ɨ̃risiadawẽa p'anɨma sãmaasã́ jãɨya cheuta. Maamina ãchi piudai ewaride ãchia nemietá oodada jĩra ɨtɨaipɨ.


Ara mɨchia oopari jĩra oopodoipɨ. Chi tai jĩra oo p'anɨane apataɨrãpa mãɨya pedeapatama waapẽarã k'aepẽra atepe p'anɨane a k'ɨ̃risia p'anɨẽra. Maamina mi ãpia pida p'ue jaradaiwẽma tai jĩra oo p'anɨt'a.


Tachi Ak'õrepa ãchi minachia ɨtɨaipɨ ara ãchia oodada pari. Ãchi nek'oi awaa p'anapatama mãɨnepa it'ua awaa p'anapatama. Mãɨt'a ãchimá arapaapataɨpɨ. Teamasi, ãst'á pida mãɨya oopatama. Ũpẽarã ome ará nek'o p'anɨne mãɨya oopatama. Mãɨya mãra t'ãena p'aru jayoa mietá jĩra p'anɨma.


Chi k'ak'ua tauchaadaadarãpa Moisepa bɨda jõma oodak'ama. Maamina ãchia mãra k'ak'ua tauchaapi k'ɨ̃ria p'anɨma, ara ãchi k'ak'ua k'orea pia pedeadai k'orea.


Maamina chi mɨ ome wãnai k'orea wap'eapataɨrã, chi mɨne ĩjãanak'apɨɨrã, chi mɨa k'ɨ̃riak'at'a oopataɨrã, chi mĩa peapataɨrã, chi k'ĩranejasia oopataɨrã, chi ẽpẽra nɨɨpataɨrã, chi juapa oodada sãdode ĩjãapataɨrã mãɨnepa chi seajarapataɨrã azup're t'ɨpɨ urua nɨbɨde minachia mĩa p'ananaipɨ. Mãɨ chi bari k'ak'o ume piusiade apatama».


Mãra wapida nãɨ k'ak'uapa oo k'ɨ̃ria bɨ jĩra nipapatama: waapẽarãpa uru bɨ k'orea piawẽa k'ɨ̃risiapatama mãɨnepa k'ĩruu pedeapatama. Mãɨya p'anɨ pẽra ¿nãɨ k'ak'uapa oo k'ɨ̃ria bɨ jĩra nipapatawẽk'ãra? ¿Nãɨ ĩjũanepemarã jĩra p'anɨwẽk'ãra?


Maamina chi nemietá oopataɨrã, chi ẽpẽra nɨɨpataɨrã, chi k'ĩranejasia oopataɨrã, chi mĩa peapataɨrã, chi juapa oodada sãdode ĩjãapataɨrã, mãɨnepa seajarapataɨrã ãarea awara tuaneenaipɨ.


Mãɨ ẽpẽerã ne wariwẽa bɨ k'orea k'ĩroopatama, mãɨnepa waapẽarã k'orea ara ne wariwẽa bɨ k'orea pedeapatama. Abapuru ãchia k'ɨ̃ria p'anɨt'a jɨrɨpatama. Minachia be jĩra pedeapatama. Chi waapẽarã seapatama, chi ara ãchia k'ɨ̃ria p'anɨ jɨrɨdai k'orea.


Ãchi k'õp'ãero ichi nek'ĩramá juade bɨdaipɨ nemietá oomẽrá. Ne k'ɨ̃risiadawẽa ne paritua oo p'ananaipɨ. Jõmãɨrã k'aepẽra chi ne k'awa atepe beadayade adaipɨ. Ãchit'u arapá chi k'ɨ̃ria p'ananaipɨ Tachi Ak'õre k'ɨ̃ria p'anɨ k'aepẽra.


Mãɨ ẽpẽrarã k'ɨ̃risia mietá p'anɨ mãɨnepa chi piarã pedea atua p'anɨ paritua k'ĩruu pedeapatama. Ãchia k'ɨ̃risiapatama Tachi Ak'õrene ĩjãa bɨdepa erreara ununait'a.


Mãɨ ẽpẽrarã chi piarã pedea ĩjãawẽa p'anɨrãpa nemietá oo k'ɨ̃ria p'anɨ pẽra Tachi Ak'õrepa nepɨra pará p'anɨane aipɨ.


Jõmãɨrãpa ara ãchi pia p'ananai jɨrɨpatama, Jesucristopa k'ɨ̃ria bɨ jɨrɨdai k'aepẽra.


Ara machi waapẽarã k'aepẽra pia beade adaiwẽa p'anɨma. ¿Mãrapa atua p'anɨk'ãra p'ana ooropiparí ãpia bɨpa harina jõma ẽesãapipari? Ara mãɨ jĩra chi nemietá ãpia oorupa chi waapẽarã ũpẽarã ãarea mietaade bɨpiparima.


Maamina ¡mãrapa wapida k'ɨ̃risia p'anɨma waapẽarã k'aepẽra piipará berãpɨ! ¿Mãɨ ẽpẽrapa nemietá ooda k'orea minachia sõp'ua p'aneenaiwẽk'ãra? ¿Mãɨ mãranepema ãyá bɨdai p'anasidawẽk'ãra?


K'ĩruutade chi mũra ɨ̃rɨ suak'abari bɨpa chi ãnimara mietá bɨ mãɨnepa chi Tachi Ak'õre pari pedeaparí chi piarãpẽawẽma bɨt'a jitasima. Mãɨ chi piarã Tachi Ak'õre pari pedeapariwẽpa chi ãnimara mietá bɨ t'ɨ̃nepa ẽpẽerãpa ne p'ue oodak'apɨ́ waibɨa bet'a oopachima. Mãɨya chi ẽpẽerãpa chi ãnimara mietá bɨa itu tauchaapidaadarã ãarea seapachima. Ichiaba chi mãɨ ãnimara jĩra bɨ juapa oodada sãdo minachia k'ɨ̃rianaanat'a seapachima. Chi mũra ɨ̃rɨ suak'abari bɨpa mãɨ ãnimara mietá bɨ mãɨnepa chi Tachi Ak'õre pari pedeaparí chi piarãpẽawẽma bɨt'a chok'ae p'anɨ senia azup're paara t'ɨpɨ urua bɨdea jirat'aasima.


Maamina mãrapa mãɨya oodak'ama. Mãɨpari chi atepe p'anɨrã k'ɨ̃risia p'anɨ pẽra jarapatama machia oo k'ɨ̃ria p'anɨt'a p'ue oodait'a. Piarã mãɨ k'achiapɨ.


Maapaepuru chi ẽpẽra k'achia bɨpa unupiipɨ. Maamina Tachi Chipari Jesú k'ĩrawãrea achiterrea cherude ara pedearupa mãɨ ẽpẽra peaipɨ.


Maamina wãrucha chi nepɨra ak'ɨparipa ichia jararut'a ũrii k'ɨ̃riak'a pasima. Maamina minachia itu bɨwẽa bɨẽra ara ichi tuaba jarasima: “Mɨa Tachi Ak'õre, ẽpẽerã paara wap'eak'ama. Maamina nãɨ wẽra paritua che bɨẽra mɨ sẽpii naena ichia jara bɨ ooipɨ”».


»Ẽpẽra ɨbɨa basima. Ewaricha neet'á pia jɨ̃pachima mãɨnepa arapá nek'opataɨ waibɨa oopachima. Mãɨ ẽpẽra minachia pia bapachima.


Mãɨya bak'ari piarã mɨchi tuaba jaraipɨ: mɨa yaada minachia uru bɨma ãyo minachia choai k'orea. Naapae minachia ne k'ɨ̃risiawẽa baipɨ. Mɨchia k'ɨ̃ria bɨ k'o baipɨ, to baipɨ mãɨnepa arapá baipɨ”.


»Maapae mɨ juawieri p'anɨrã́ jaraipɨ: “Mãra, Tachi Ak'õrepa nepɨra pará bɨade apataɨrã, mɨk'aapema ãyá wãt'ɨ t'ɨpɨ tau urua k'iiwãk'á nɨbɨdea. Mãɨ Tachi Ak'õrepa bɨsima tiore, ichidirã ome ɨtɨai k'orea.


Maamina Jesupa jĩitea ak'ɨk'ari Pedroa jarasima: —Tiore, mɨ omepema ãyá wãse. Mɨa ooi bɨt'a, pɨa oopiemaa bɨma. Pɨa Tachi Ak'õre jĩra k'ɨ̃risiawẽa bɨma. Mãɨpari ẽpẽra jĩra k'ɨ̃risia bɨma.


Jãɨ p'uuru minachia mĩapit'ɨ mãɨnepa minachia sõk'achia beepit'ɨ, ãchi p'uuru chi minachia bɨade a p'anɨ pẽra mãɨnepa nepia uru p'anɨane a p'anɨ pẽra. Jãɨ p'uurupa nãɨya k'ɨ̃risia bɨma: “Mɨ chi atepe minachia k'awa bɨ wẽra, chi suak'a beeparí auk'ará bide suak'abari bɨ jĩra bɨma. Mɨ p'ẽtã́ jĩra bɨwẽma. Mɨ sõk'achia baiwẽma”.


Mãɨya mɨa nãɨ bɨruma chi eda waapẽarã ũpẽarã jĩra berã chedak'ari mãra t'ãena eda p'anɨ pẽra. Mãɨ ẽpẽrarãpa seadepa jarateapatama Tachi Ak'õrepa ichi sõpiadepa tachi k'aripada pẽra tachi k'ak'uapa nemietá minachia oo k'ɨ̃ria bɨt'a p'ue oodai p'anɨt'a. Ãchia Tachi Chipari aba bɨ Jesucristot'a itu bɨpatama. Tãaraaenapemat'u eda bɨ basima Tachi Ak'õrepa ãchi ɨtɨait'a.


Maamina nemietá oo p'anɨnepa ¿k'ãre pia jitasidama? ¿Mãɨya oo p'anana k'orea, k'ĩra p'era p'anɨwẽk'ãra? Nemietá oo p'anɨ k'orea ẽpẽrarã piudaipɨ.


Ãchi t'ɨpɨ tau uruade ewaricha minachia mĩapiipɨ. Tachi Chipari k'ĩraripema mãɨnepa ichi minachia jua chaareadepema t'ɨmɨa p'ananaipɨ.


Maamina mãɨ ẽpẽrarã mãra t'ãena chedaadapa ãchia ũrinawẽa p'anɨ k'orea piawẽa pedeapatama. Ãnimararã k'ɨ̃risiapata jĩra k'ɨ̃risiapatama. Ãnimara abapuru ichi k'ak'uapa k'ɨ̃ria bɨ jĩra mãɨya oopatama. Mãɨ k'orea Tachi Ak'õrepa ɨtɨaipɨ.


Swiv nou:

Piblisite


Piblisite