P'ilipense 3:12 - Tachi Ak'õre Pedea

¹² Mɨa jarawẽa bɨma mɨ abaeda mãɨya bɨt'a. Mãɨnepa jarawẽa bɨma mɨ abaeda jĩp'a bɨt'a. Maamina mãɨya bai k'orea mɨ idiapaedepa naa wãruma Jesucristopa mɨ mãɨ k'orea atada pẽra.

P'ilipense 3:12 Referans Kwoze

2 Corintio 7:1

Ũpẽarã, Tachi Ak'õrepa tachiá mãɨ jõma ooyade ada pẽra nãɨ k'ak'uapa nemietá ooparí mãɨnepa tachi k'ɨ̃risiadepa nemietá k'ɨ̃risiaparí jõma itu bɨdai p'anɨma. Tachi Ak'õre minachia wap'ea p'anɨnepa ichi pae pia p'ananai p'anɨma.

Hebreo 13:21

Mɨa k'ɨ̃ria bɨma chi ara mãɨ Tachi Ak'õrepa ne ãarea pia mãrá oo k'awapiit'a, ichia k'ɨ̃ria bɨ jĩra p'ue oodamẽrá. Mãɨnepa k'ɨ̃ria bɨma Jesucristodepa ichia tachi sõne ne ãarea ooit'a ichia k'ɨ̃ria bɨ jĩra p'ananamẽrá. Tachia ewaricha Jesucristoa pia pedeadai p'anɨma. Mãɨya beese.

Ep'esio 1:4

Nãɨ ĩjũa ooi naena Cristodepa tachi jɨrɨ atasima ichi pae pia p'ananamẽrá mãɨnepa ichi k'ĩrari nemietaawẽa p'ananamẽrá. Jua chiwidieda Jesucristodepa tachi ichi warrarã padayade a k'ɨ̃risiasima, mãɨya oo k'ɨ̃ria bada pẽra mãɨnepa tachi k'ɨ̃riana pẽra.

P'ilipense 3:16

Maamina tachia k'awadada jõma oodai p'anɨma.

2 Pedro 3:18

Jesucristo Tachi Chipari mãɨnepa Tachi K'aripaparí ewaricha pia k'awapariet'ɨ. Ichi sõpiadepa warit'ɨ. Idi mãɨnepa ewaricha ichiá pia pedeadai p'anɨma. Mãɨya beese.

Santiago 3:2

Jõma tachia minachia piawẽa oopatama. Abaɨpa pedearude waapẽarã sõp'uapik'apɨra, ne ãareaɨne jĩp'a bɨma mãɨnepa ichi k'ak'ua jõma jĩp'a uru bɨma.

Hebreo 12:14

Ãareaɨrã ome ne k'ɨ̃risiawẽa p'anat'ɨ. Mãɨnepa Tachi Chipari pae pia p'anat'ɨ. Chi Tachi Chipari pae pia p'anɨwẽpa ichi p'ue ununaiwẽma.

Gálata 5:17

Nãɨ k'ak'uapa nemietá oo k'ɨ̃ria bɨt'a Tachi Ak'õre Jaorepa k'ɨ̃riak'ama. Mãɨnepa Tachi Ak'õre Jaorepa oopi k'ɨ̃ria bɨ nãɨ k'ak'uapa k'ɨ̃riak'ama. Ãchi ará pia p'ananak'a pẽra mãrapa oo k'ɨ̃ria p'anɨ p'ue oodaiwẽma.

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.

2 Tesalonicense 2:13

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Tachi Chiparipa mãra k'ɨ̃ria bɨma. Ichia jua chiwidieda mãra jɨrɨ atasima k'aripai k'orea. Mãrapa ichi piarã pedea ĩjãa p'anɨ pẽra mãɨnepa ichi Jaorepa mãra ichi pae pia bɨda pẽra k'aripaipɨ.

Ep'esio 4:12

Ichia mãɨya bɨsima ẽpẽrarã Tachi Ak'õrenepemarã k'aripadamẽrá, ãchia pida Tachi Ak'õre pae p'ue pia oodamẽrá. Mãɨya jõma Cristo ẽpẽrarã, ichi k'ak'ua apataɨ chaarea waripodoparima,

2 Corintio 13:9

Mãrapa minachia ĩjãa p'anɨpɨra tai ɨbɨwẽa p'anɨmina arapá p'anɨma. Mãɨ awara taipa Tachi Ak'õrea ɨt'aa chiidi p'anɨma mãrapa jĩp'a oo p'ananamẽrá.

1 Corintio 13:10

Maamina chi piipará bɨ cherude mãɨ ãpia bɨ jõipɨ. Mãɨne nejõma k'awadaipɨ.

1 Tesalonicense 5:15

¡Ũrit'ɨ! Abaɨ pida mãra piawẽa oosira ichi jõnea piawẽa oorãt'ɨ. Mãɨpari ewaricha ara machi paara nepia oot'ɨ, mãɨnepa waapẽarã paara pida.

1 Timoteo 6:19

Mãɨya pia oo p'anɨnepa ne yaamaa p'anɨma chi mãɨ ewari cherude pia p'ananai k'orea. Mãɨne ãchi piarã chok'ae p'ananaipɨ.

Hecho 9:15

Maamina Tachi Chiparipa jarasima: —Wãse. Mɨa ichi jɨrɨ atasima mɨ k'orea pedeamẽrá judiorãwẽmá, ãchi poro jũra jɨ̃parí jɨ̃pataɨrã́ mãɨnepa israel ĩjũanepemarã́.

1 Timoteo 5:10

Ãchia pia oodada k'orea t'ɨ̃ p'oa p'ananai p'anɨma. Ãchi warrarã pia taup'ãepachidapɨra, ãchi tedea chedaadarã́ pia pedeapachidapɨra, ũpẽarã jĩru sɨɨpachidapɨra, chi mĩa k'ede k'aripapachidapɨra mãɨnepa nejõma pia oopachidapɨra, mãɨ p'ẽtã́ t'ɨ̃ k'art'ade bɨdai p'anɨma.

Hebreo 12:23

Mãra Tachi Ak'õre warrarã ãarea ará nɨbɨmá chesidama. Tachi Ak'õremá, ãareaɨrã warrarã naapemarãpɨ. Pajãnepemarã pẽra ãchi t'ɨ̃ bɨ bɨma. Mãra chi ãarea tachi nepɨra ak'ɨparimá chesidama. Chi ẽpẽerã jaore jĩp'a ɨt'ari be Tachi Ak'õrepa pia bɨdamá chesidama.

Mateo 5:48

Mãɨpuru jõmãɨrã k'ɨ̃ria beat'ɨ mãra Ak'õre pajãne bɨpa jõmãɨrã k'ɨ̃ria bɨ jĩra.

1 Corintio 9:24

Mãrapa k'awa p'anɨma ẽpẽrarã p'irapatama k'ai chi atepe ɨbɨa p'ira bɨt'a k'awadai k'orea. Mãɨne chok'ará p'irapatamina chi naa chedapuru ne jitaparima. Mãra sida isapea p'irauta jĩra jõma pia oot'ɨ Tachi Ak'õrepa teai jarada jitadai k'orea.

1 Corintio 13:12

Ara nãɨena tachia Tachi Ak'õre k'orea tau t'aua bɨ jĩra unu p'anɨma chi k'ĩra ak'ɨpataɨde. Maamina ewariaba tachia jõma sãmaasã́ bɨt'a pia ununaipɨ. Ara nãɨena mɨa ãpia k'awa bɨma, maamina ewariaba ne ãarea k'awaipɨ Tachi Ak'õrepa mɨ k'awa bɨ jĩra.

P'ilipense 1:1

Mɨ Pablopɨ. Timoteo mɨ ome bɨma. Tai Jesucristo pae pari mimiapataɨrãpɨ. Mɨa nãɨ k'art'a ũpẽarã P'ilipo p'uurudepemarã pae bɨruma: ũpẽarã ak'ɨpataɨrã, ũpẽarã k'aripapataɨrã mãɨnepa jõma ẽpẽrarã Tachi Ak'õrenepemarã Jesucristo ome berã pae.

P'ilipense 3:3

Maamina tachit'u chi piarã tauchaadaadarãpɨ. Tachiapuru Tachi Ak'õre Jaoredepa ichiá pia pedeapatama. Mãɨnepa Jesucristopa tachi k'orea ooda pia jarapatama. Tachia nãɨ k'ak'ua k'orea Tachi Ak'õrepa tachi jĩp'a p'anɨ unui k'ɨ̃risiadak'ama.

P'ilipense 3:8

Piarã mɨ Chipari Jesucristo k'await'a ne ãarea k'aepẽra atepe piipará bɨma. Mɨa naena k'ɨ̃risia bada, mãɨ ãarea ichi k'orea itu bɨsima. Jõma mãɨ nejarra jĩra unu bɨma, Cristo unui k'orea