P'ilipense 2:29 - Tachi Ak'õre Pedea

²⁹ Ichiá sõpia pedeat'ɨ, Tachi Chiparide ĩjãa bɨ pẽra. Chi ichi jĩra be k'orea pia k'ɨ̃risiat'ɨ.

P'ilipense 2:29 Referans Kwoze

1 Timoteo 5:17

Ũpẽarãpa chi ũpẽarã ak'ɨpataɨrãpa pia oo p'anɨnepa ũpẽarã k'ɨ̃risia piadepa ãchi k'aripadai p'anɨma, ne uru p'ananamẽrá, pia oo p'anɨẽra. Mãɨnepema chi Tachi Ak'õre pedea jarateapataɨrã mãɨnepa tachi sãmaasã́ nipadai k'orea jarateapataɨrã atepe k'aripadai p'anɨma.

1 Tesalonicense 5:12

Mãɨ awara ũpẽarã, taipa chichupuria idi p'anɨma chi ũpẽarãpa mãra t'ãena chi Tachi Ak'õrepa oo bɨt'a oopataɨrã minachia wap'eadamẽrá. Ãchia Tachi Chipari Jesucristodepa mãɨnepa ãchi jua chaareadepa mãra ak'ɨpatama. Mãra sãmaasã́ nipadai p'anɨ jarateapatama.

1 Corintio 16:18

Ãchia mɨ sõ arapaapisidama mãra sõ arapaapidada jĩra. Ãchi k'orea mãɨnepa ũpẽarã ãchi jĩra p'anɨ k'orea pia k'ɨ̃risiat'ɨ.

Romano 16:2

Tachi Chipari t'ɨ̃nepa pia pedeat'ɨ Tachi Ak'õre ẽpẽrarãpa oodai p'anɨ jĩra. Ichia ẽpẽrarã chok'ará k'aripasima. Mɨ sida minachia k'aripasima. Mãɨpuru ne ãareaɨnepa ichi k'aripat'ɨ.

2 Corintio 10:18

Abaɨpa ara ichi k'orea pia jaraipɨra, mãɨ jara bɨwẽma Tachi Chiparipa mãɨ ẽpẽra pia unu bɨt'a. Mãɨpari chi Tachi Chiparipa chi ẽpẽra pia bɨade a bɨt'a, mãɨt'u pia unu bɨma.

1 Corintio 16:10

Ũpẽa Timoteo mãramá cheipɨra, ichi mãra t'ãena pia bayade at'ɨ wap'eapiemaapa. Tachi Chiparipa k'ɨ̃ria bɨt'a ichia pia oo bɨma mɨa oo bɨ jĩra.

3 Juan 1:10

Mãɨ k'orea jãmá wãrune mɨa jõmãɨrã́ k'awapiipɨ ichia piawẽa oo bɨt'a. Ichia seadepa tai k'orea k'achia pedeaparima. Mãɨ awara chi ũpẽarã jarateapataɨrã jãmá wãutá ichia pia pedeak'ama mãɨnepa ũpẽarãpa ãchi tede mãɨrã k'ãipidayá ooutade itu k'ãipik'ama. Mãɨrã́ pia pedeasidara mãɨ ũpẽarã ãyá jeret'aaparima.

Hebreo 13:17

Ũpẽarã, mãra minachia k'awa p'anɨrãpa jara p'anɨt'a oot'ɨ. Mãra ak'ɨ p'anɨ pẽra ãchi juade p'anat'ɨ. Ãchia k'awa p'anɨma Tachi Ak'õrepa ak'ɨrude ãarea ãchia oodada ichiá ará jaradait'a. Mãɨpuru ãchia jara p'anɨt'a oot'ɨ. Mãɨya ãchia arapá mãɨnepa sõk'achiawẽa ãarea oodaipɨ. Mãrapa mãɨya oodawẽa p'anɨnepa ãchi sõk'achiapidaipɨra, mãɨ mãra p'ue pia k'aripapidaiwẽma.

Colosense 4:10

Ũpẽa Aristarco mɨ ome eda jɨ̃a nɨbɨma. Ichia mãrá pia bapade a jara peeruma. Bernabé meme warra Marcopa pia bapade a jara peeruma mãrá. Ichi k'orea mɨa naena k'art'ade bɨsima. Ichi mãramá wãipɨra, ichiá pia pedeat'ɨ.

2 Corintio 7:2

Sõnepa tai k'ɨ̃riat'ɨ. Taipa abaɨ sida mietá oodawẽa p'anɨma, mi ãpia pida nemietá k'ɨ̃risiapidaemaa p'anɨma mãɨnepa seadawẽa p'anɨma.

Romano 10:15

Tachi Ak'õrepa abaɨ pida peewẽpɨra, ¿sãmaasã́ jarateade wãnaima? Tachi Ak'õre pedeade nãɨya bɨ bɨma: «Chi pedea pia jarade cheuta minachia pia p'anɨma».

Hecho 28:10

Mãɨ ẽpẽerãpa tai chi minachia k'awa p'anɨrã jĩra pia oosidama. Mãicha p'ãp'orrode batoosidaɨde chi taipa ne newẽa p'ananat'a ãchia ãarea teasidama.

Hecho 8:8

Chi ẽpẽerã mãɨ p'uurudepemarã minachia arapá tuanasidama.

Hecho 2:46

Ewaricha Tachi Ak'õre te eda ará p'anapachidama mãɨnepa ũpẽarã techa sõpiadepa arapá nek'opachidama.

Juan 13:20

Mɨa piarã jararuma: chi mɨa peedá pia pedea bɨpa mɨá pia pedea bɨma. Ichiaba chi mɨá pia pedea bɨpa chi mɨ Peedá pia pedea bɨma».

Luca 9:5

Maamina p'uurudepemarãpa mãrá pia chesidade adaepɨra mãmapema wãt'ɨ. Wãutade yooro jora mãra jĩrunepema jãrap'et'at'ɨ, Tachi Ak'õrepa mãɨ k'ɨ̃riawẽa bɨt'a ãchiá unupidai k'orea.

P'ilipense 2:28

Mãɨpuru mɨa ichi isapea jĩitea wãpi k'ɨ̃ria bɨma, mãrapa ichi unuutade mãicha arapá p'ananamẽrá. Mãɨya mɨ mãra k'orea minachia k'ɨ̃risia baiwẽma.