P'ilipense 2:25 - Tachi Ak'õre Pedea

²⁵ Mãrapa ũpẽa Epap'rodito mɨ k'aripamẽrá peesidama. Ichia mɨ ome Tachi Ak'õre pedea jaratea bɨma papaká bɨ chõo bɨ jĩra. Naane mɨa ichi jĩitea wãpiipɨ.

P'ilipense 2:25 Referans Kwoze

P'ilipense 4:18

Nejõma mãrapa ũpẽa Epap'rodito ome tea peedada mɨa jitasima. Mãɨpuru ne minachia uru bɨma. Mãɨpa mɨ pia baipɨ. Mãrapa tea peedada, k'era p'iumá Tachi Ak'õrea teada jĩra bɨma. Mãɨ Tachi Ak'õrepa pia unu bɨma.

Colosense 1:7

Mãɨ pedea tachi ũpẽa Epap'rapa mãrá k'awapisima. Ichi taipa piarã k'ɨ̃ria p'anɨma. Tai ome abarik'a oo bɨma. Ichi Cristo pae pari mimiaparipɨ. Mãra k'aripai k'orea ne ãareaɨne jĩp'a ooparima.

P'ilipense 4:3

Ichiaba pɨ, chi mɨ ome Tachi Ak'õrepa oo bɨt'a ooparí, mɨa pɨá idiruma mãɨ ũpẽawẽrarã k'aripamẽrá. Ãchi, Clemente ome mãɨnepa waapẽarã sida mɨ ome minachia mimiasidama, chi pedea pia Cristo k'orea k'awapidai k'orea. Jõma ãchi t'ɨ̃ Tachi Ak'õrepa ichi ewaricha chok'ae p'ananai k'art'ade bɨ bɨma.

1 Corintio 3:9

Mɨa Apolo ome abarik'a Tachi Ak'õrepa oopi bɨt'a oo p'anɨma. Mãra sida Tachi Ak'õre ne uu ĩjũapɨ. Mãɨ awara mãra Tachi Ak'õrepa te oomaa bɨ jĩra p'anɨma.

P'ilemón 1:24

Marcopa, Aristarcopa, Demapa mãɨnepa Luca pida pɨá pia bapade a p'anɨma. Ãchia mɨ ome Tachi Ak'õrepa oo bɨt'a oo p'anɨma.

Hebreo 3:1

Ũpẽarã, mãra ẽpẽerã Tachi Ak'õrenepemarã pẽra mãɨnepa ichia mãra t'ɨ̃na pẽra, Jesucristo k'orea minachia jĩrak'aua k'ɨ̃risiat'ɨ. Tachia piarã ĩjãa p'anɨane apatama Ichi Tachi Ak'õrepa peedapɨ mãɨnepa P'aare minachia k'awa bɨpɨ.

Colosense 4:11

Mãɨnepa ũpẽa Jesú, Justo apataɨpa pia bapade a jara peeruma mãrá. Ũpẽarã judiorãnepema mãɨ ũpea p'anɨpa nãma mɨ k'aripa jaratea p'anɨma Tachi Ak'õrepa ichidirã ichi juade ua bɨ k'orea. Mãɨ ũpẽarã k'orea mɨ sõpia baparima.

2 Corintio 2:13

Maamina mɨ ũpẽa Tito unué pẽra sõne ne k'ɨ̃risiawẽa baé pasima. Mãɨ k'orea ũpẽarã ome ará nɨbeek'ari mɨ wãyane asima. Ara mãɨne Macedonia tuadea Tito jɨrɨde wãsima.

Juan 17:18

Pɨa mɨ nãɨ ĩjũanepemarã t'ãena peeda jĩra mɨa ãchi nãɨ ĩjũanepemarã t'ãena peeruma.

Juan 13:16

Mɨa piarã jararuma: abaɨ pida chi chipari pae pari mimiaparí ichi chipari k'aepẽra atepe bɨwẽma. Chi peeda ichi peeda k'aepẽra atepe bɨwẽma. (Chi chipari pae pari mimiaparipa oopari jĩra mɨa ooda pẽra, mãra pida abarik'a mãɨya oodai p'anɨma).

Romano 16:3

Ũpẽawẽra Priscilá mãɨnepa ũpẽa Aquilá pia p'anapade a jara peet'ɨ. Ãchia mɨ jĩra abarik'a Jesucristopa oo bɨ oo p'anɨma.

Romano 16:9

Ũpẽa Urbanoa pia bapade a jara peet'ɨ. Ichia tai ome ará Jesucristo k'orea jaratea bɨma. Ũpẽa Estaquia pida abarik'a jarat'ɨ. Ichi sida mɨa k'ɨ̃ria bɨma.

P'ilipense 2:26

Ichia mãra piarã unu k'ɨ̃ria bɨma. Minachia k'ɨ̃risia bɨma, mãrapa ara ichi k'ɨdade bada ũrisida pẽra.