P'ilipense 2:2 - Tachi Ak'õre Pedea

² mɨ nãɨya minachia sõpiapit'ɨ: abarik'a k'ɨ̃risia uru p'anat'ɨ, chi k'ɨ̃ria p'anat'ɨ, mãɨnepa abarik'a k'ɨ̃risiadepa jõma oot'ɨ.

P'ilipense 2:2 Referans Kwoze

Romano 12:16

Jõmãɨrã ome pia p'anat'ɨ. Chi waapẽarã k'aepẽra pia be k'ɨ̃risiarãt'ɨ, mãɨpari chi chupuri k'ede ome pia p'anat'ɨ. Mãrapa waapẽarã k'aepẽra minachia k'awa p'anɨ jĩra k'ɨ̃risiarãt'ɨ.

1 Corintio 1:10

Ũpẽarã, Tachi Chipari Jesucristodepa mɨa mãrá chichupuria idiruma ará pia tuananamẽrá. K'ɨ̃risia k'ak'awá tuananaiwẽa p'anɨma, mãɨpari k'ɨ̃risia abaɨde ará pia tuananai p'anɨma.

2 Corintio 13:11

Ũpẽarã, k'aadea mɨa nãɨya bɨruma: arapá p'anat'ɨ, mãicha jĩp'a oo p'anayá jɨrɨt'ɨ, mɨa jara bɨt'a oo p'anat'ɨ, abarik'a k'ɨ̃risia uru p'anat'ɨ mãɨnepa ne k'ɨ̃risiawẽa p'anat'ɨ. Mãɨya chi Tachi Ak'õre tachiá k'ɨ̃riapiparí mãɨnepa ne k'ɨ̃risiawẽa bapiparí mãra ome baipɨ.

3 Juan 1:4

Mɨ ũpẽarãpa chi piarãpẽa pedeade nina ũrirune mɨ minachia arapá baparima.

P'ilipense 2:16

Chi tachi chok'ae bapiparí pedea k'orea ãchiá pia k'awapi p'anat'ɨ. Mãɨya Cristo cherude mɨ mãra k'orea arapá baipɨ. Mãɨne mɨa k'awaipɨ pari nipaé pasit'a mãɨnepa pari mimiaé pasit'a.

Hecho 2:46

Ewaricha Tachi Ak'õre te eda ará p'anapachidama mãɨnepa ũpẽarã techa sõpiadepa arapá nek'opachidama.

2 Juan 1:4

Mɨa pɨ warrarã eda waapẽarã unusima. Mɨ sõ arapá beesima ãchi piarãnepa nipadada pẽra, Tachi Pajãnepema Ak'õrepa jara bɨ jĩra.

2 Tesalonicense 2:13

Ũpẽarã, taipa ewaricha mãra k'orea Tachi Ak'õrea sõpia p'anɨane apatama. Tachi Chiparipa mãra k'ɨ̃ria bɨma. Ichia jua chiwidieda mãra jɨrɨ atasima k'aripai k'orea. Mãrapa ichi piarã pedea ĩjãa p'anɨ pẽra mãɨnepa ichi Jaorepa mãra ichi pae pia bɨda pẽra k'aripaipɨ.

Colosense 2:5

Mɨ mãra ome bɨwẽmina k'ɨ̃risiadepa mãra ome bɨma. Mɨa k'awa bɨma mãra ará pia p'anɨt'a mãɨnepa Cristode minachia ĩjãa p'anɨt'a. Mãɨ k'orea arapá bɨma.

P'ilipense 4:2

Mɨa ũpẽawẽra Evodia mãɨnepa ũpẽawẽra Sintik'ea chichupuria idiruma chi pia pedeadamẽrá Tachi Chipari Jesucristo ome p'anɨ pẽra.

P'ilipense 2:20

Nãma mɨ ome ichi jĩra bɨ aba newẽma. Ichia mãra piarã k'aripa k'ɨ̃ria bɨma.

2 Corintio 7:7

Tai abapuru ichi cheda k'orea sõpia p'aneenaé pasima, mãɨpari mãra k'orea sõpia p'aneesidama. Ichia jarasima mãra ome baside mãrapa ichi sõpiapisidama. Mãɨ awara nepɨrɨsima mãrapa tai ununayá p'anɨt'a, nemietá oodada k'orea sõp'uapa jẽa p'anɨt'a, mãɨnepa k'ɨ̃rianepa mɨ k'ɨ̃risia p'anɨt'a. Mãɨ k'orea mɨ minachia arapá beesima.

2 Corintio 2:3

Mãɨ k'orea mãra ak'ɨde wãi k'aepẽra k'art'a tea peesima. Mãɨya mɨ wãrune mãrapa mɨ sõp'uapidaiwẽma. Mãrapa mɨ arapaapidai p'anɨma. Mɨa k'awa bɨma mãrapa mãɨya oodai pẽra mɨ ome ará arapá p'ananait'a.

Hecho 5:12

Mãɨ ewaride Jesupa peedaɨrãpa ẽpẽerãpa ne p'ue oodak'apɨ́ minachia ook'oapachidama. Abarik'a k'ɨ̃risiadepa ũpẽarã ãarea Tachi Ak'õre te ãpɨtea p'ɨrrɨapataɨ Salomoné apachidaɨde ará posoa p'anapachidama.

Hecho 1:14

Ãchi ãarea, Jesú ũpẽarã ome, ichi nae María ome mãɨnepa waapẽarã wẽrarã ome pida abarik'a k'ɨ̃risia p'anɨnepa ará p'anasidama, Tachi Ak'õrea ɨt'aa chiididai k'orea.

P'ilipense 1:4

Tachi Ak'õrea ɨt'aa chiidirucha mɨa mãra k'orea arapá ɨt'aa chiidiparima,

Juan 3:29

Miak'ãiutade chi wẽra ataru mãɨ chi atepe bɨma. Maamina chi ichik'á bɨ k'õp'ãero arapá bɨma, ichia pedearut'a ũri bɨẽra. Ara mãɨ jĩra mɨ sõpia bɨma ichi nãma bɨ k'orea.

2 Timoteo 1:4

Mɨa pɨ jẽasi k'orea k'ɨ̃risiarude ak'ɨde wã k'ɨ̃ria baparima minachia arapá bai k'orea.

Hecho 2:1

Mãɨya nak'ari Pentecosté ewari paside, chi Jesude ĩjãapataɨrã ãarea ará tuanasidama.

P'ilemón 1:20

Ũpẽa, Tachi Chipari k'orea mɨa chichupuria idi bɨt'a oose. Tachi Cristo k'orea ũpẽarã pẽra mɨ sõ arapaapise.