P'ilipense 2:15 - Tachi Ak'õre Pedea

¹⁵ Mãɨya mãra k'orea k'achia pedeadawẽa p'ananaipɨ mãɨnepa jĩp'a p'ananaipɨ. Ẽpẽrarã minachia nemietá oopataɨrã t'ãena p'anɨmina nemietá newẽa p'anat'ɨ. Tachi Ak'õre warrarã pẽra ãchi t'ãena k'ãk'ãi uchuchoapataɨ jĩra p'anɨma.

P'ilipense 2:15 Referans Kwoze

1 Pedro 2:12

Tachi Ak'õrene ĩjãanak'apɨɨrã t'ãena jĩp'a nipat'ɨ. Mãɨya ãchia mãra nemietá oopataade a p'anɨmina, mãrapa pia oo p'anɨt'a unu p'anɨma. Maapae Tachi Ak'õre cherude mãra k'orea ichiá pia pedeadaipɨ.

Mateo 5:45

Mãɨya baipɨ mãra Ak'õre pajãne bɨ warrarãpɨ. Tachi Ak'õrepa ɨmata ochiapiparima ẽpẽra sõpia berã ɨ̃rɨ, k'achia berã ɨ̃rɨ pida. Ẽpẽra jĩp'a be k'orea chi jĩp'a bewẽa k'orea pida k'oe chepiparima.

1 Tesalonicense 5:23

Mɨa k'ɨ̃ria bɨma Tachi Ak'õrepa mãra ichi pae ãarea pia p'anapimẽrá. Ichia tachi ne k'ɨ̃risiawẽa p'anapiparima. Mɨa k'ɨ̃ria bɨma Tachi Ak'õrepa mãra jaore, mãra k'ɨ̃risia mãɨnepa mãra k'ak'ua ãarea pia ak'ɨmẽrá. Mãɨya Tachi Chipari Jesucristo cherude, waapẽarãpa mãra mi ãpia pida nemietaade p'anɨane a jaradawẽa p'ananaipɨ.

2 Pedro 3:14

Ũpẽarã, mãrapa jõma mãɨ nɨ p'anɨ pẽra ne ãareaɨne k'ĩra jĩp'a nipat'ɨ Tachi Ak'õrepa mãra pia, ne k'achiawẽa, ichi ome ne k'ɨ̃risiawẽa p'anɨ unumẽrá.

1 Corintio 1:8

Mãɨpa Tachi Ak'õrepa mãra chaarea uru baipɨ aba nãɨ ewari jõrunea. Mãɨya Tachi Chipari Jesucristo cherude mãra k'orea k'achia pedeadaiwẽa p'ananaipɨ.

Tito 2:10

Ãchi chiparidé chɨadaiwẽa p'anɨma, mãɨpari unupidai p'anɨma ãchia nejõma jĩp'a oo p'anɨt'a. Mãɨya ẽpẽrarãpa k'awadaipɨ Tachi Ak'õre K'aripaparí pedea minachia pia bɨt'a.

1 Pedro 2:9

Maamina mãra Tachi Ak'õrepa jɨrɨ atadaɨrãpɨ, Tachi Chipari p'aarerãpɨ, ichi pae bɨda ẽpẽrarãpɨ mãɨnepa ichi p'uurupɨ. Mãɨya Tachi Ak'õrepa ne minachia pia ooda k'orea mãrapa pedeapatama. Tachi Ak'õrepa mãra p'ãrionepema t'ɨ̃sima ichi ɨnaa minachia pia bɨde p'ananamẽrá.

Mateo 5:48

Mãɨpuru jõmãɨrã k'ɨ̃ria beat'ɨ mãra Ak'õre pajãne bɨpa jõmãɨrã k'ɨ̃ria bɨ jĩra.

1 Timoteo 3:10

Ũpẽarã k'aripapataɨrã bɨdai naena minachia jĩrak'aua ak'ɨdai p'anɨma. Maapae nepɨra nea bɨade a p'anɨpɨra, ũpẽarã k'aripapataɨrã p'ananai p'anɨma.

1 Timoteo 3:2

Mãɨpuru chi ĩjãapataɨrã ak'ɨparí nepɨra pará bɨade adaiwẽa bai bɨma, k'ima aba uru bai bɨma, minachia bɨ jĩra baiwẽa bɨma, k'ɨ̃risia piadepa bai bɨma, k'ĩrip'a bai bɨma, ichi tede cheutarã́ pia pedeai bɨma mãɨnepa pia k'awa jaratea bai bɨma.

P'ilipense 1:10

Mãɨya mãrapa minachia k'awadaipɨ k'ãre pia bɨt'a mãɨnepa Cristo cherude ichi k'ĩrari nemietá newẽa p'ananait'a mãɨnepa mãra k'orea waapẽarãpa k'achia pedeadawẽa p'ananaipɨ.

Ep'esio 5:27

Jõma mãɨ oosima tachi ichi pae minachia pia bɨi k'orea, jayoawẽa, asosoawẽa, mãɨnepa mi ãpia pida paritua mietaawẽa. Ichia k'ɨ̃ria basima tachi ichi pae pia p'ananait'a, k'achia p'ananayane a jarawẽa.

Romano 16:19

Jõmãɨrãpa k'awa p'anɨma mãrapa Tachi Ak'õre pedea piarã oo p'anɨt'a. Mãɨ k'orea mɨ arapá bɨma. Piarã mɨa k'ɨ̃ria bɨma mãrapa pia oo k'awadait'a mãɨnepa nemietá oodaiwẽt'a.

Hecho 2:40

Pedro minachia pedeasima ãchia ĩjãanamẽrá. Nãɨya jara basima: —¡Chi nãɨ ẽpẽerã idiapaepemarã nemietá oopataɨdepemarã ãyá wãt'ɨ!

Mateo 10:16

»Mɨa mãra ẽpẽra k'achia t'ãena peeruma. Ãchia mãra piawẽa oodaipɨ usa k'achiapa oveja orrabaripari jĩra. Mãɨpuru ãchi t'ãena p'anɨne taama jĩra k'ɨ̃risia k'awaa nipat'ɨ, maamina p'aloma jĩra ɨmɨmɨrã́ nipat'ɨ.

Hebreo 7:26

Tachi P'aare minachia k'awa bɨ Jesupa ne ãareaɨne tachi p'ue k'aripaipɨ. Nemietá ook'ama, ne ãareaɨne jĩp'a bɨma. Tachi Ak'õrepa ichi pia unu bɨma. Chi nemietá oopataɨrã t'ãenapema ãyá bɨk'ari pajãne chi atepe bɨsima.

Tito 2:15

Jõma mãɨ jaratea base. K'aripase ũpẽarãpa mãɨ pedea oodamẽrá. Piawẽa oo be ɨtɨase, Tachi Ak'õrepa pɨ bɨda pẽra mãɨya oomẽrá. Ũpẽarã́ pɨ k'ɨ̃rianawẽa uru p'anɨpirãse.

Tito 1:6

Ĩjãapataɨrã ak'ɨparí chõa nepɨra pará bɨade adaiwẽa bai bɨma. K'ima abapuru uru bai bɨma. Ichi warrarãpa Cristode ĩjãa p'ananai p'anɨma mãɨnepa jĩp'a nipadai p'anɨma. Mãɨya ẽpẽrarãpa jaradaiwẽma nemietá oo p'anɨ wa k'ɨɨrɨwẽa p'anɨ.

1 Timoteo 5:20

Maamina ũpẽarã ak'ɨparipa nemietá oo k'ãri bɨpɨra, jõmãɨrã k'ĩrari ɨtɨase waapẽarãpa wap'eadamẽrá.

Hecho 20:30

Ara machidepemarã pida sea jarateadaipɨ Jesude ĩjãapataɨrã ãyá wãnamẽrá.

Juan 5:35

Juan ĩpira urua bɨ jĩra basima. Ichi mãra ome tãaraa badawẽmina, mãra ichi ɨnaane arapá p'anasidama.

Luca 6:35

»Mãɨpari mãra chi nek'ĩramá k'ɨ̃riat'ɨ. Ãchi pia oot'ɨ. Ãchiá ne teat'ɨ. Maamina mãrapa ne teautade ãchia mãrá ne teadai k'ɨ̃risiarãt'ɨ. Mãɨyapuru mãrapa Tachi Ak'õrenepa jitadait'a atepe waibɨa baipɨ mãɨnepa unupidaipɨ piarã mãra Tachi Ak'õre chi atepe bɨ warrarãpɨ. Ichia nemietá oopataɨrã mãɨnepa ichiá pia bɨade adak'aɨrã ichi sõpiadepa k'aripaparima.

Mateo 17:17

Jesupa jarasima: —¡Ẽpẽerã k'achia berã mãɨnepa ĩjãanak'apɨɨrã! ¿Waa sãma mãra ome baima? ¿Waa sãma mãra ome choaima? Chi warra nãmá enemeet'ɨ.

Apocalipsi 3:9

¡Ũrit'ɨ! Mãra jĩru k'ait'a mɨa tioredé ẽpẽerã sĩraporode k'op'aneepiipɨ. Ãchi Tachi Ak'õrené ẽpẽerãane apatamina mãɨyawẽma. Ãchi chi sea p'anɨma. K'awadaipɨ mɨa mãra k'ɨ̃ria bɨt'a.

1 Timoteo 5:14

Mãɨ k'orea mɨa k'ɨ̃ria bɨma p'ẽtã́ wapida warra be k'ima atadait'a, warra t'õnait'a, mãɨnepa ãchi te sida pia ak'ɨdait'a. Mãɨya tachi nek'ĩramaapa p'ue piawẽa pedeaiwẽma.

1 Timoteo 5:7

Jõma ũpẽarã́ mãɨ oopise p'ẽtãarã k'orea k'achia pedeadawẽa p'ananamẽrá.

2 Corintio 6:17

Mãɨpuru Tachi Chiparipa nãɨya jarasima: «Ãchidepema ãyá wãt'ɨ. Ãchi ome ará p'anarãt'ɨ. Mɨmá chi piawẽa bɨt'a itu bɨt'ɨ. Maapae mɨa mãra pia jitaipɨ.

Luca 1:6

Ãchi umea Tachi Ak'õre k'ĩrari jĩp'a p'anasidama. Tachi Chiparipa oopi bɨ pedea jõma ĩjãapachida pẽra, waapẽarãpa k'achia pedeadaiwẽa p'anasidama.

P'ilipense 3:6

Mɨa mãɨ judiorãpa oopachidaɨt'a ãarea minachia ũri bapachi pẽra chi Cristode ĩjãapataɨrã ẽp'ẽ wãpachima ãchi piawẽa ooi k'orea. Mãɨ judiorãpa oopachidaɨt'a jõma oo bapachi pẽra mi ãpia pida mɨ k'orea k'achia pedeadawẽa baipɨ.

Apocalipsi 2:5

Mãɨpuru mãrapa naa k'ɨ̃ria uru p'anana mãɨne k'ɨ̃risiat'ɨ. Mãicha Tachi Ak'õremá chet'ɨ. Nepia oot'ɨ naena mãrapa oopachida jĩra. Mãra mãicha Tachi Ak'õremá chedaepɨra, mɨa mãra ɨtɨade wãipɨ. Mãɨne mãra ĩpira ãyá bɨipɨ.