P'ilipense 2:13 - Tachi Ak'õre Pedea

¹³ Ichiapuru mãra k'aripa bɨma ichia k'ɨ̃ria bɨ oo p'ananamẽrá mãɨnepa mãɨya oo k'ɨ̃ria p'ananamẽrá.

P'ilipense 2:13 Referans Kwoze

Hebreo 13:21

Mɨa k'ɨ̃ria bɨma chi ara mãɨ Tachi Ak'õrepa ne ãarea pia mãrá oo k'awapiit'a, ichia k'ɨ̃ria bɨ jĩra p'ue oodamẽrá. Mãɨnepa k'ɨ̃ria bɨma Jesucristodepa ichia tachi sõne ne ãarea ooit'a ichia k'ɨ̃ria bɨ jĩra p'ananamẽrá. Tachia ewaricha Jesucristoa pia pedeadai p'anɨma. Mãɨya beese.

2 Corintio 3:5

Taipa p'ue jaradawẽma ara tai tuaba Tachi Ak'õrepa oo bɨt'a p'ue oodait'a. Mãɨpari k'awa p'anɨma Tachi Ak'õrenepa jõma p'ue oodait'a.

2 Timoteo 1:9

Tachi Ak'õrepa tachi k'aripasima mãɨnepa t'ɨ̃sima ichi pae pia p'ananamẽrá. Tachia pia oo p'anɨnepa mãɨya ooé pasima, mãɨpari ichi sõpiadepa ooi k'ɨ̃risia bada pẽra mãɨya oosima. Piarã nãɨ ĩjũa bai naena Tachi Ak'õrepa ichi sõpiadepa k'ɨ̃risiasima Jesucristodepa tachi k'aripait'a.

Romano 9:16

Piarã chi Tachi Ak'õrepa jɨrɨ ata bɨ ẽpẽra jɨrɨ atak'ama, mãɨ ẽpẽrapa oo bɨt'a pia unu bɨ pẽra, mãɨyawẽpɨra mãɨ chi ẽpẽrapa mãɨya k'ɨ̃ria bɨ pẽra. Mãɨpari chi ichia k'ĩra chupuria k'ɨ̃ria bɨt'a jɨrɨ ataparima.

1 Corintio 15:10

Maamina Tachi Ak'õrepa ichi sõpiadepa mɨ bɨsima Jesucristopa peeda bamẽrá. Ichia mɨ pari mãɨya bɨé pasima. Mãɨpari jõma chi waapẽarã Jesucristopa peedaɨrã k'aepẽra mɨa ichi pae atepe oo bɨma. Maamina ara mɨchidepa mãɨya oowẽa bɨma. Tachi Ak'õrepuru ichi sõpiadepa mɨ k'aripa bɨma mãɨya oomẽrá.

Juan 3:27

Mãɨpuru Juanpa jarasima: —Abaɨ pida ne p'ue uru baiwẽma, chi mãɨ Tachi Ak'õrepa ichiá teaiwẽpɨra.

Ep'esio 1:11

Tachi Ak'õrepa nejõma ichia oo k'ɨ̃ria bɨt'a oopari jĩra, Cristodepa tachi jɨrɨ atasima, naenaena k'ɨ̃risia bada jĩra.

1 Corintio 12:6

Tachi Ak'õre aba bɨpa tachiá ne wawaria oopi bɨma. Ichiapuru tachidepa mãɨ jõma ooparima.

2 Tesalonicense 1:11

Mãɨ k'orea taipa ewaricha Tachi Ak'õrea ɨt'aa chiidipatama ichia mãra pia unumẽrá. Ichia mãra mãɨ k'orea t'ɨ̃sima. Taipa ɨt'aa chiidi p'anɨma Tachi Ak'õrepa ichi jua chaareadepa mãra ãareane k'aripamẽrá. Mãɨya ichide ĩjãa p'anɨnepa chi nepia oo k'ɨ̃ria p'anɨt'a jõma oodaipɨ.

Ep'esio 2:8

Jesude ĩjãanana pẽra Tachi Ak'õrepa ichi sõpiadepa mãra k'aripasima. Ara machidepa k'aripadaé pasima, maawẽapuru Tachi Ak'õrepuru pari k'aripasima.

Luca 12:32

»Mãra chi chok'ará p'anɨwẽmina ne wap'ea p'anarãt'ɨ. Tachi Ak'õrepa mãra ichi juade ua bai k'ɨ̃ria bɨma, ichidirã ome.

Ep'esio 1:9

Ichia oo k'ɨ̃ria bɨt'a, naena k'awapiwẽa basima. Maamina tachiá k'awapisima ichi sõpiadepa k'ɨ̃riana pẽra. Ichia Cristodepa naenaena ooi k'ɨ̃risia bada

Juan 6:65

Mãɨne Jesupa jarasima: —Mãɨ k'orea mɨa jarasima: mɨ Ak'õrepa ẽpẽra mɨmá enemeaepɨra, mãɨ ẽpẽrapa p'ue mɨne ĩjãaiwẽma.

Juan 6:45

Tachi Ak'õre pari pedeapataɨrã k'art'ade nãɨya jara bɨma: “Tachi Ak'õrepa ãareaɨrã́ jarateaipɨ”. Mãɨya chi mɨ Ak'õre pedea ũrik'ari ichidepa k'awak'ari mɨne ĩjãane cheipɨ.

1 Pedro 1:3

Tachi Chipari Jesucristo, Pajãnepema Ak'õrea pia pedeadai p'anɨma. Ichia tachi minachia k'ĩra chupuriada pẽra Jesucristo piu bada chok'ae p'irabaridadepa tachi chok'ae chiwidi jĩra p'aneepisima. Mãɨpuru piarã k'awa p'anɨma

Hecho 11:21

Tachi Chiparipa ichi jua chaareadepa ãchi k'aripasima. Mãɨpa ãchia jara p'anɨt'a mãɨ minachia p'anɨrãpa ĩjãasidama. Chi ãchia naena ĩjãa p'anana itu bɨdak'ari Tachi Chiparide ĩjãasidama.

Luca 2:14

«¡Tachi Ak'õre ɨt'ɨ pajãne bɨ pi-ia bɨma! ¡Tachi Ak'õrepa pia unu bɨ ẽpẽrarã nãɨ ĩjũane ne k'ɨ̃risiadawẽa p'ananaima!»

Romano 12:3

Tachi Ak'õrepa ichi sõpiadepa mɨ bɨsima ichi pae ne oo bamẽrá. Mãɨpuru mɨa mãrá nãɨ jararuma: mi ãpia pida k'ɨ̃risiaiwẽa bɨma ara ichi chi atepe bɨt'a. Mãrapa Cristode ĩjãanana pẽra Tachi Ak'õrepa machicha ne awara awará teasima ne oodamẽrá. Mãɨpuru ichia teada jĩra machia oo p'anɨ k'orea pia k'ɨ̃risiat'ɨ.