P'ilipense 1:8 - Tachi Ak'õre Pedea

⁸ Tachi Ak'õrepa k'awa bɨma mɨa Jesucristo minachia k'ɨ̃ria bɨdepa jõma mãra sida minachia k'ɨ̃ria bɨt'a.

P'ilipense 1:8 Referans Kwoze

P'ilipense 4:1

Mãɨ k'orea mɨ ũpẽarã, mɨa jarada jĩra Tachi Chiparide minachia ĩjãa p'anat'ɨ. Mɨa mãra minachia k'ɨ̃ria bɨma mãɨnepa unu k'ɨ̃ria bɨma. Mãra k'orea mɨ minachia arapá bɨma. Mãrat'u mɨ arapaapipataɨpɨ.

Romano 1:9

Tachi Ak'õrepa k'ɨ̃ria bɨt'a ãarea mɨ sõnepa oo bɨma, chi pedea pia ichi Warra k'orea jaratea bɨ pẽra. Ichia k'awa bɨma mɨa ɨt'aa chiidirucha mãra k'orea ɨt'aa chiidiparit'a.

2 Timoteo 1:4

Mɨa pɨ jẽasi k'orea k'ɨ̃risiarude ak'ɨde wã k'ɨ̃ria baparima minachia arapá bai k'orea.

1 Tesalonicense 2:8

Taipa mãra minachia k'ɨ̃ria p'anɨ pẽra abapuru chi pedea pia Tachi Ak'õre k'orea mãrá jarateadaé pasima, mãɨpari ne ãareanepa k'aripadai k'orea p'anasidama.

Romano 9:1

Mɨ Cristode pẽra piarã pedea jararuma. Sea jarawẽma. Tachi Ak'õre Jaorepa mɨ sõne nãɨ pedea piarã ara k'awapi bɨma.

P'ilemón 1:12

Ichi pɨmá jĩitea peeruma. Mɨa ichi minachia k'ɨ̃ria bɨma. Mɨ chupuria ichi pia uru base mɨa uru bada jĩra.

Colosense 2:1

Mɨa k'ɨ̃ria bɨma mãrapa nãɨ k'awadai: mɨ minachia mimia bɨma mãra Colosadepemarã, ũpẽarã Laodicea p'uurudepemarã mãɨnepa jõma ũpẽarã mɨ ununak'aɨ sida k'aripai k'orea.

Gálata 4:19

Ũpẽarã, mãra mɨ warrarã jĩra p'anɨpɨ. Mɨ mãicha mãra k'orea minachia mĩa bɨma wẽra warra t'õrune p'ua bɨ jĩra. Mɨ mãɨya minachia mĩa baipɨ aba mãra Cristo jĩra p'aneeutadea.

Gálata 1:20

Tachi Ak'õre k'ĩrari mɨa mãrá jararuma: mɨa mɨ k'orea bɨrut'a seawẽma.

2 Corintio 7:15

Titopa k'ɨ̃risia baparima mãrapa ichia jarada jĩra oosidama mãɨnepa wap'ea p'anɨnepa ichi pia bɨade asidama. Mãɨpuru mãra minachia k'ɨ̃ria bɨma.

2 Corintio 6:12

Piarã taipa mãra sõnepa k'ɨ̃ria p'anɨma, maamina mãrapa sõnepa tai k'ɨ̃rianawẽa p'anɨma.

Luca 1:78

Ichia tachi minachia k'ĩra chupuria bɨẽra, ɨmata pajãne ochiapari jĩra, ara mãɨya Tachi K'aripaparí pajãnepa cheipɨ.

1 Juan 3:17

Chi nãɨ ĩjũane ne uru bɨpa chi nenea bɨ ũpẽa unu bɨt'a k'aripaepɨra, ¿Tachi Ak'õrepa k'ɨ̃ria bɨ jĩra ichi sõne mãɨya bɨk'ãra? Mãɨyawẽma.

P'ilemón 1:20

Ũpẽa, Tachi Chipari k'orea mɨa chichupuria idi bɨt'a oose. Tachi Cristo k'orea ũpẽarã pẽra mɨ sõ arapaapise.

1 Tesalonicense 2:5

Mãrapa k'awa p'anɨma taipa seadepa mãra ẽpẽerã piade adaé pasima. Mãɨnepa erreara jɨrɨdayá seadepa jarateadaé pasima. Mãɨ Tachi Ak'õrepa k'awa bɨma.

Colosense 3:12

Tachi Ak'õrepa mãra k'ɨ̃rianepa jɨrɨ atasima ichi pae pia p'ananamẽrá. Mãɨpuru waapẽarã k'ĩra chupuria p'anat'ɨ. Ẽpẽra pia p'anat'ɨ. Mãra chi atepe be k'ɨ̃risiarãt'ɨ. Jõmãɨrã ome k'ɨ̃risia piadepa p'anat'ɨ. Ara machi paara choa p'anat'ɨ.

P'ilipense 2:26

Ichia mãra piarã unu k'ɨ̃ria bɨma. Minachia k'ɨ̃risia bɨma, mãrapa ara ichi k'ɨdade bada ũrisida pẽra.

P'ilipense 2:1

Cristode sõpia p'anɨ pẽra, ichia k'ɨ̃ria bɨdepa mãra sõpia p'aneepii bɨ pẽra, Tachi Ak'õre Jaore mãra ome bɨ pẽra mãɨnepa ichi k'ɨ̃ria bɨdepa mãra k'ĩra chupuria bɨ pẽra,

2 Corintio 13:9

Mãrapa minachia ĩjãa p'anɨpɨra tai ɨbɨwẽa p'anɨmina arapá p'anɨma. Mãɨ awara taipa Tachi Ak'õrea ɨt'aa chiidi p'anɨma mãrapa jĩp'a oo p'ananamẽrá.

Gálata 3:26

Jesucristode ĩjãa p'anɨ pẽra jõma mãra Tachi Ak'õre warrarãpɨ.