P'ilipense 1:21 - Tachi Ak'õre Pedea

²¹ Mɨmá, chok'ae bɨde abapuru Cristode bai bɨma, maamina piurude atepe pia baipɨ.

P'ilipense 1:21 Referans Kwoze

Gálata 2:20

Mɨ Cristo ome ará k'urusude barijira bɨsidama. Mãɨpuru ara mɨnepa bɨwẽma, mãɨpari Cristot'a mɨ sõne bɨma. Nãɨ k'ak'uade chok'ae bɨmisa, mɨ Tachi Ak'õre Warra Jesudepa baipɨ. Ara mãɨ Jesupa ichi Ak'õrepa oopi bɨt'a oopachi pẽra, mɨ k'ɨ̃riasima mãɨnepa mɨ k'orea ara ichi itu peapisima.

2 Corintio 5:8

Mãɨya tachi ne k'ɨ̃risiadawẽa mãɨnepa wap'eawẽa p'anɨma. Tachi nãɨ k'ak'uadepema minachia wã k'ɨ̃ria p'anɨma Tachi Chipari ome ará p'ananai k'orea.

2 Corintio 5:1

Nãɨ ĩjũane tachi k'ak'ua tãaraa choak'a pẽra, te mẽa p'ãemari k'obɨ jĩra bɨma. Tachia k'awa p'anɨma nãɨ k'ak'ua piuk'ari Tachi Ak'õrepa tachiá tachi pajãnepema piuk'apɨ́ k'ak'ua teait'a. Mãɨ k'ak'ua ẽpẽrarãpa juapa p'ue oodaiwẽma.

P'ilipense 1:23

Mãɨ jarait'a chaarea bɨma, umenepemarã chi sãɨ atepe pia bɨt'a. Mɨmá pia bɨma piuit'a, Cristo ome bai k'orea.

Colosense 3:4

Mãra Cristo k'orea chok'ae p'anɨ pẽra ara ichi mãicha unupirude mãra ichi ome p'ananaipɨ. Mãɨne ichi jĩra k'ĩrawãrea p'ananaipɨ.

2 Corintio 5:6

Mãɨpuru ewaricha tachi ne k'ɨ̃risiadawẽa mãɨnepa wap'eawẽa p'anɨma. K'awa p'anɨma nãɨ k'ak'uade p'anɨne Tachi Chipari bɨmá p'anɨwẽma.

P'ilipense 1:20

Cristo k'orea mɨ mi ãpia pida p'eraiwẽa bɨma, mãɨpari ichi k'orea pedeai k'orea p'eraiwẽa bɨma. Mãɨya mɨa jõmãɨrã́ Cristo chi atepe bɨt'a k'awapiipɨ, ewaricha oo bapari jĩra. Chok'ae beeipɨra wa piuipɨra, mɨa k'ɨ̃ria bɨma jõmãɨrãpa mɨnepa k'awadait'a Cristo chi atepe bɨt'a.

Apocalipsi 14:13

Mãɨya nak'ari mɨa ũrisima pajãne abaɨpa nãɨya jarasit'a: «K'art'ade nãɨya bɨse: “Nãɨ idiipa naa pia p'anɨma chi Tachi Chiparide ĩjãa p'anɨne piudait'a”». Mãɨne ũrisima Tachi Ak'õre Jaorepa nãɨya jarasit'a: «Piarã ãchi pia p'ananaipɨ. Ãchi ɨ̃apaade wãnaipɨ chi minachia mĩanana pada, chi ãchia nepia oodada padadepa minachia unupodoi pẽra».

Gálata 6:14

Maamina mɨt'u mãɨya bɨwẽma. Mɨ k'orea mi ãpia pida pia pedeawẽma. Mãɨpari abapuru Tachi Chipari Jesucristo k'urusude piuda k'orea pia pedeaipɨ. Cristo k'urusude piuda pẽra chi nãɨ ĩjũanepemarãpa pia unupataɨ, mɨmá ãarea piusima. Mãɨnepa nãɨ ĩjũane berãmá mɨ piusit'a.

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

P'ilipense 2:21

Jõmãɨrãpa ara ãchi pia p'ananai jɨrɨpatama, Jesucristopa k'ɨ̃ria bɨ jɨrɨdai k'aepẽra.

1 Corintio 3:22

Mãrapa Apolo, Pedro mãɨnepa mɨ uru p'anɨma. Jõma nãɨ ĩjũane bɨ sida uru p'anɨma. Chi idiapaepema mãɨnepa chi nũpema sida uru p'anɨma. Tachi chok'ae p'ananaipɨra wa piudaipɨra Tachi Ak'õrenepa nejõma uru p'ananaipɨ pia p'ananai k'orea.

P'ilipense 1:22

Mɨ chok'ae bɨde Cristo k'orea p'ue jaratea baipɨ. Mãɨ k'orea mɨa atua bɨma sãmaasã́ k'ɨ̃ria bɨt'a, chok'ae bai wa piui.