P'ilemón 1:9 - Tachi Ak'õre Pedea

⁹ Mãɨpari mɨa chichupuria idiruma pɨa k'ɨ̃rianepa mãɨya oomẽrá. Mɨ Pablo chõa k'eesima, mãɨnepa naapae Jesucristo k'orea eda serra uru p'anɨma.

P'ilemón 1:9 Referans Kwoze

Ep'esio 4:1

Mɨ Tachi Chipari k'orea eda serra bɨma. Mɨa mãrá chichupuria idiruma jĩp'a nipadamẽrá. Tachi Ak'õrepa mãra t'ɨ̃sima mãɨya nipadamẽrá.

2 Corintio 5:20

Mãɨpuru Cristopa tai peesima ichi pari pedeadamẽrá. Taidepa Tachi Ak'õrepa mãrá t'ɨ̃ bɨma ichi ome pia p'ananamẽrá. Taipa Cristo t'ɨ̃nepa chichupuria idiutama: Tachi Ak'õre ome pia p'anat'ɨ.

Romano 12:1

Mãɨpa ũpẽarã, Tachi Ak'õrepa mãra k'ĩra chupuriada pẽra, mɨa mãrá chichupuria idiruma ara machi Tachi Ak'õrea teadamẽrá, ãnimara peadak'ari, paateapata jĩra. Mãɨ ãnimara piuda k'aepẽra, ichi pae pia p'anat'ɨ mãra pia unumẽrá.

Ep'esio 3:1

Mãɨpuru mɨa [mãra k'orea Tachi Ak'õrea ɨt'aa chiidiparima]. Mɨ Pablopɨ. Mãra judiorãwẽa Jesucristo k'orea jaratea bɨ k'orea eda serra bɨma.

1 Pedro 2:11

Mɨ ũpẽarã, nãɨ ĩjũane mãra tua awaraɨdepemarãpɨ. Mãɨpuru mɨa mãrá chichupuria idiruma nãɨ k'ak'uapa nemietá oo k'ɨ̃ria bɨt'a itu bɨdamẽrá. Mãɨ ara tachi ome chõo bɨma.

Hebreo 13:19

Mɨa chichupuria idiruma, mɨ k'orea Tachi Ak'õrea ɨt'aa chiidipadade at'ɨ mãicha isapea mãramá wãpimẽrá.

2 Corintio 6:1

Taipa Tachi Ak'õre ome ichia oo bɨt'a oo p'anɨẽra, mãrá chichupuria idiutama Tachi Ak'õrepa ichi sõpiadepa k'aripa bɨt'a itu bɨpidaemaapa.

Gálata 3:26

Jesucristode ĩjãa p'anɨ pẽra jõma mãra Tachi Ak'õre warrarãpɨ.

Ep'esio 6:20

Cristopa mɨ peesima mãɨ pedea jarateamẽrá. Mãɨ jaratea bɨ k'orea mɨ mãɨya eda serra uru p'anɨma. Tachi Ak'õrea ɨt'aa chiidit'ɨ mɨa mãɨ pedea pia ne wap'eawẽa pedeai k'orea, mɨa mãɨya ooi bɨ jĩra.

1 Timoteo 1:12

Tachi Chipari Jesucristopa mɨ jua chaarea bɨpisima ichi pedea jaratea bamẽrá. Ichia k'awasima mɨa nejõma jĩp'a ooit'a ichi pae. Mãɨpuru mɨ bɨsima ichia k'ɨ̃ria bɨt'a oo bamẽrá. Mãɨ k'orea mɨ sõpia bɨade aruma ichiá.

Tito 2:2

Chõarã́ jaratease ãchi k'ak'ua jĩp'a uru p'ananamẽrá, k'ĩra jĩp'a p'ananamẽrá, k'ɨ̃risia piadepa nipadamẽrá, Cristode minachia ĩjãa p'ananamẽrá, piarã k'ɨ̃rianepa p'ananamẽrá, mãɨnepa jõma choadamẽrá.