P'ilemón 1:8 - Tachi Ak'õre Pedea

⁸ Mãɨ k'orea pɨá idiruma mɨa jararut'a oomẽrá. Cristodepa mɨa, pɨá mãɨ p'ue oopi bɨmina, mãɨya oopiiwẽma.

P'ilemón 1:8 Referans Kwoze

1 Tesalonicense 2:6

Taipa jɨrɨdaé pasima mãrapa, waapẽarã pida tai k'orea pia jaradamẽrá. Mãɨ awara tai Cristopa peedaɨrã pẽra tai jua chaareadepa p'ananai p'anasima mãra t'ãena. Maamina mãɨya oodaé pasima.

2 Corintio 10:8

Pia jaraideepara, Tachi Ak'õrepa taiyá oopi bɨ k'orea mɨa atepe pedea bɨmina mãɨ k'orea k'ĩra p'era bɨwẽma. Tachi Chiparipa taiyá mãɨya oopi bɨma mãrapa pia ĩjãanamẽrá. Ichia tai bɨé pasima mãrapa ĩjãapataɨ itu bɨdamẽrá.

2 Corintio 3:12

Mãɨ pedea chiwidi bɨda piarã jõk'apɨ́ k'awa p'anɨ pẽra taipa pia jarateapatama.

1 Tesalonicense 2:2

K'awa p'anɨma mãramá wãnai naena P'ilipodepemarãpa tai k'orea k'achia pedeasidaɨt'a mãɨnepa piawẽa oosidaɨt'a. Mãɨ awara mãramá chesidaɨde chok'araɨrãpa k'ɨ̃rianaé pasima taipa jaratea p'anɨt'a. Maamina Tachi Ak'õrepa sõpiapisima ichi pedea pia mãrá ne wap'eawẽa jarateadamẽrá.

Ep'esio 5:4

Pedea mietá, nepɨra piawẽa, mãɨnepa pedea mietaadepa nepɨrɨrãtɨ, mãɨya pedeait'a pia bɨwẽ pẽra. Mãɨpari Tachi Ak'õrea sõpia bɨade at'ɨ.

2 Corintio 11:21

Mɨa jararuma: mɨ mãra t'ãena baside, jãɨrã jĩra baé pasima. Mãramá, mɨ mãɨya jua chaareawẽa bada k'orea ¿p'era bai bɨk'ãra? Abaɨ pida ara ichi k'orea p'ue pia pedeaipɨra, mɨa pida ara mɨ k'orea p'ue pia pedeaipɨ. Maamina mãɨya pedeai k'ɨ̃risia newẽa bɨ jĩra pedeai bɨma.