P'ilemón 1:24 - Tachi Ak'õre Pedea

²⁴ Marcopa, Aristarcopa, Demapa mãɨnepa Luca pida pɨá pia bapade a p'anɨma. Ãchia mɨ ome Tachi Ak'õrepa oo bɨt'a oo p'anɨma.

P'ilemón 1:24 Referans Kwoze

Colosense 4:14

Ũpẽa nẽará teaparí Lucapa pia bapade a jara peeruma mãrá. Ichi taipa k'ɨ̃ria p'anɨma. Ũpẽa Dema pida pia bapade a jara peeruma mãrá.

Colosense 4:10

Ũpẽa Aristarco mɨ ome eda jɨ̃a nɨbɨma. Ichia mãrá pia bapade a jara peeruma. Bernabé meme warra Marcopa pia bapade a jara peeruma mãrá. Ichi k'orea mɨa naena k'art'ade bɨsima. Ichi mãramá wãipɨra, ichiá pia pedeat'ɨ.

Hecho 19:29

Mãɨya p'anɨne ãarea chi p'uurudepemarã k'ĩruupik'asidama. Mãɨne waapẽarãpa Pablo ome p'ɨrrɨapataɨ ume p'anɨt'a, chi Macedonianepema Gayo mãɨnepa Aristarco jitadak'ari p'uurude ẽpẽerãpa ne ará posoa unupipataɨmá ateewãsidama.

Hecho 12:12

Pedropa mãɨ k'awaside Juan nae María temá wãsima. Mãɨ Juan, chi ɨ̃ana t'ɨ̃ Marco pasima. María tede ũpẽarã minachia ará Tachi Ak'õrea ɨt'aa chiidimaa p'anasima.

Hecho 27:2

Maapae tai p'ãp'orro Adramitio p'uurudepemane batoodak'ari wãsidama. Mãɨ p'ãp'orro Asia tuade p'uurucha wãru pasima. Ũpẽa Aristarco Macedonia tuadepema tai ome wãsima. Ichi Tesalónica p'uurudepema pasima.

Hecho 12:25

Bernabepa mãɨnepa Saulopa Jerusalene chi erreara ũpẽarã pae teadak'ari jĩitea wãsidama. Juan chi ɨ̃ana t'ɨ̃ Marco apataɨ ateewãsidama.

3 Juan 1:8

Mãɨ k'orea tachia mãɨ ũpẽarã k'aripadai p'anɨma. Mãɨya ãchi ome ará mimia p'anɨma Tachi Ak'õre piarã pedea k'awapidai k'orea.

P'ilipense 4:3

Ichiaba pɨ, chi mɨ ome Tachi Ak'õrepa oo bɨt'a ooparí, mɨa pɨá idiruma mãɨ ũpẽawẽrarã k'aripamẽrá. Ãchi, Clemente ome mãɨnepa waapẽarã sida mɨ ome minachia mimiasidama, chi pedea pia Cristo k'orea k'awapidai k'orea. Jõma ãchi t'ɨ̃ Tachi Ak'õrepa ichi ewaricha chok'ae p'ananai k'art'ade bɨ bɨma.

P'ilipense 2:25

Mãrapa ũpẽa Epap'rodito mɨ k'aripamẽrá peesidama. Ichia mɨ ome Tachi Ak'õre pedea jaratea bɨma papaká bɨ chõo bɨ jĩra. Naane mɨa ichi jĩitea wãpiipɨ.

2 Corintio 8:23

Abaɨpa Tito k'orea ne idisidara jarat'ɨ ichi mɨ ome p'ɨrrɨaparit'a mãɨnepa mɨ ome mãra t'ãena Tachi Ak'õrepa oo bɨt'a ooparit'a. Abaɨpa waapẽarã ume p'anɨ k'orea ne idisidara jarat'ɨ chi ũpẽarãpa peedaadat'a mãɨnepa ãchi k'orea ẽpẽrarãpa Cristo k'orea pia pedeapatat'a.

Hecho 13:13

Pablo mãɨnepa chi ichi ome wã p'anɨrã Pap'o p'uurudepa Panp'ília tuadea p'ãp'orrode wãsidama. Mãma Pergue p'uurude chesidama. Maamina Juan Marcopa ãchi ameek'ari Jerusalenea jĩitea wãsima.

1 Pedro 5:13

Ũpẽarã Babilonianepemarãpa mãrá pia p'anapade a jara peeutama. Mãra jɨrɨ atada jĩra ãchi sida Tachi Ak'õrepa jɨrɨ atasima. Mɨ warra jĩra bɨ Marco pida pia p'anapade a jara peeruma.