P'ilemón 1:17 - Tachi Ak'õre Pedea

¹⁷ Pɨmá, tachia Tachi Ak'õre pae abarik'a oo p'anɨpɨra, Onesimoa pia pedease mɨá pia pedearu jĩra.

P'ilemón 1:17 Referans Kwoze

2 Corintio 8:23

Abaɨpa Tito k'orea ne idisidara jarat'ɨ ichi mɨ ome p'ɨrrɨaparit'a mãɨnepa mɨ ome mãra t'ãena Tachi Ak'õrepa oo bɨt'a ooparit'a. Abaɨpa waapẽarã ume p'anɨ k'orea ne idisidara jarat'ɨ chi ũpẽarãpa peedaadat'a mãɨnepa ãchi k'orea ẽpẽrarãpa Cristo k'orea pia pedeapatat'a.

Mateo 10:40

»Chi mãrá pia chesidade a bɨpa, mɨá pia chesiade a bɨma. Chi mɨá pia chesiade a bɨpa chi mɨ Peedá pia pedea bɨma.

P'ilemón 1:12

Ichi pɨmá jĩitea peeruma. Mɨa ichi minachia k'ɨ̃ria bɨma. Mɨ chupuria ichi pia uru base mɨa uru bada jĩra.

Santiago 2:5

Ũpẽarã mɨa k'ɨ̃ria berã, ¡ũrit'ɨ! ¿Tachi Ak'õrepa nãɨ ĩjũane nenea k'ede k'aripawẽk'ãra Jesucristode ĩjãanamẽrá? Mãɨya ãchi ẽpẽra ɨbɨa p'anɨ jĩra p'anɨma. Tachi Ak'õrepa ãchi ichi juade ua baipɨ. Mãɨya piarã jarasima, chi ichi k'ɨ̃ria berã́.

Hebreo 3:1

Ũpẽarã, mãra ẽpẽerã Tachi Ak'õrenepemarã pẽra mãɨnepa ichia mãra t'ɨ̃na pẽra, Jesucristo k'orea minachia jĩrak'aua k'ɨ̃risiat'ɨ. Tachia piarã ĩjãa p'anɨane apatama Ichi Tachi Ak'õrepa peedapɨ mãɨnepa P'aare minachia k'awa bɨpɨ.

Ep'esio 3:6

Ichia k'awapiwẽa bada nãɨt'a: judiorãwẽpa pedea pia Cristo k'orea ĩjãa p'anɨnepa judiorã ome ará Tachi Ak'õrepa teaidepema jitadaipɨ, abarik'a k'ak'uade p'anɨma, mãɨnepa Tachi Ak'õrepa Jesucristodepa teai jarada ará uru p'anɨma.

Hecho 16:15

Lidia mãɨnepa ãarea chi ichi tedepemarã porochoasidaɨde taiyá chichupuria idisima ichi tede p'aneenamẽrá. Nãɨya jarasima: —Mãramá mɨa piarã Tachi Chiparide ĩjãasira mɨ tede p'aneene chet'ɨ. Mãɨya tai ichi tede p'aneepisima.

Mateo 25:40

Mãɨne mɨa p'anooipɨ: “Mɨa piarã jararuma: mãrapa mɨ ũpẽarã chi k'aepe k'ede k'aripasidaɨde ichiaba mɨ k'aripasidama”.

Mateo 18:5

Chi mɨne ĩjãa bɨ k'orea nãɨ warra jĩra pia pedea bɨpa, mɨá pida pia pedeaipɨ.

1 Juan 1:3

Taipa ununana mãɨnepa ũrinana mãrá jara p'anɨma mãra sida tai ome ará Tachi Pajãnepema Ak'õre ome mãɨnepa ichi Warra Jesucristo ome pia p'ananamẽrá.

1 Pedro 5:1

Mãra ũpẽarã ak'ɨpataɨrã́ mɨa chichupuria idiruma, mɨ sida ũpẽarã ak'ɨparí pẽra. Cristo minachia mĩana mɨa unusima. Mãɨnepa Tachi Ak'õrepa Cristo chi atepe bɨ unupirude mɨ sida ichi ome baipɨ. Mãɨpuru nãɨya chichupuria idiruma:

Hebreo 3:14

Tachia naa ĩjãanaananepa aba piuutadea Cristode ĩjãa p'ananaipɨra, ichi ome p'ananaipɨ.

P'ilemón 1:10

Mɨa chichupuria idiruma pɨ pae pari mimiaparí Onésimo k'orea. Ichi mɨ warra jĩra bɨma. Mɨ nãma eda serra bɨde ichia mɨnepa Cristode ĩjãana pẽra mɨ warra jĩra beesima.

1 Timoteo 6:2

Ãchi chiparipa Cristode ĩjãa bɨpɨra, ãchi p'ue wap'eadaiwẽa p'anɨane adaiwẽa p'anɨma, ũpẽarã pẽra. Mãɨpari ichi pae atepe pia mimianai p'anɨma. Ãchi mimianepa ãchi Cristode ĩjãa bɨ chiparipa erreara jitaparima. Mãɨpuru k'ɨ̃rianepa ichi pae mimianai p'anɨma. Mãɨ jaratea base. Mãɨnepa ãchiá jarase mãɨya oodamẽrá.

P'ilipense 1:7

Pia bɨma mɨa jõma mãra k'orea mãɨya k'ɨ̃risia bait'a, mãra minachia k'ɨ̃ria bɨ pẽra. Mɨ eda jɨ̃a nɨbɨde wa chi pedea pia Cristo k'orea piarã k'awapii bɨde, Tachi Ak'õrepa ichi sõpiadepa mãra mãɨnepa mɨ sida k'aripa bɨma ichi pedea jaratea p'ananamẽrá.

P'ilemón 1:18

Ichia pɨ paritua piawẽa oosira wa tee paraasira, jarase mɨa pɨá jõmasã́ teait'a.