Mateo 9:2 - Tachi Ak'õre Pedea

² Mãma ẽpẽra sorek'ea bɨt'a ẽpẽra uapataɨde Jesumá enemeesidama. Jesupa unusima ãchia piarã ĩjãa p'anɨ ichia chi sorek'ea bɨ p'ue jɨpa beepiit'a. Mãɨ k'orea Jesupa chi sorek'ea bɨa jarasima: —Sõpia base, k'ũtã́. Pɨa nemietá ooda k'ɨ̃risia atuasima.

Mateo 9:2 Referans Kwoze

Mateo 9:22

Maamina mãɨya t'õmariside, Jesupa ãpɨtea ak'ɨk'ari, mãɨya jarasima mãɨ wẽrá: —K'au, arapaase. Piarã jɨpa beeit'a ĩjãana pẽra pɨ jɨpa beesima. Ara mãɨne mãɨ wẽra pia beesima.

Santiago 2:18

Abaɨpa nãɨya jarai bɨejã: «Pɨa Jesucristode ĩjãa bɨade aparima, mãɨnepa mɨa nepia ooparima». Mɨa nãɨ jaraima: nepia oowẽa, ak'ɨpise pɨa Jesucristode piarã ĩjãa bɨt'a. Mãɨne mɨa pia oo bɨdepa ak'ɨpiipɨ Jesucristode piarã ĩjãa bɨt'a.

Hecho 19:12

Chi neet'á Pablo k'ak'ua t'õmarina pada, chi mãɨ k'ɨdade berãmá ateewãpachidama. Mãɨpa ãchi jɨpa beepipachidama mãɨnepa jaore mietaarã sida ẽpẽerã k'ak'uadepema ãyá jeret'aapachidama.

Juan 21:5

Mãɨya bɨde Jesupa ãchiá idisima: —Ũpẽarã, ¿beta jitasidak'ãra? Ãchia p'anoosidama: —Jitadawẽma.

Mateo 8:10

Mãɨ ũriside Jesupa pia k'ɨ̃risiasima. Mãɨne ichi k'aade wã p'anɨrã́ jarasima: —Piarã mãrá jararuma: nãɨ ẽpẽrapa minachia ĩjãa bɨ jĩra israel ĩjũanepemarã t'ãena aba pida unuk'ama.

Mateo 4:24

Mãɨpuru Siria tuade ichi ãarea t'ɨ̃ p'oa beesima. Mãɨ k'orea ẽpẽrarãpa jõma wawariadepa k'ak'ua piawẽa be, k'ak'ua p'ua paara be, jaore mietá pará be, wawa be mãɨnepa sorek'ea be ichimá enemeepachidama. Jesupa ãchi ãarea jɨpa beepipachima.

Romano 5:11

Mãɨ awara Tachi Chipari Jesucristodepa Tachi Ak'õre ome pia p'anɨ pẽra ichidepa Tachi Ak'õre ome sõpia p'anɨma.

Hecho 14:9

chi Pablopa pedea bɨt'a ũrisima. Pablopa ichimá ak'ɨrude k'awasima ichia piarã ĩjãa bɨ Jesupa ichi p'ue jɨpa beepiit'a.

Juan 16:33

Mãɨ ãarea mɨa mãrá jarasima mɨnepa ne k'ɨ̃risiadawẽa p'ananamẽrá. Nãɨ ĩjũane nepɨra pará p'ananaipɨ, maamina ne wap'earãt'ɨ: nãɨ ĩjũanepema mɨa p'uesima.

Mateo 9:6

Tachi Ak'õrepa mɨ, chi Ẽpẽra Warra bɨsima nãɨ ĩjũane p'anɨpa nemietá oopataɨ k'ɨ̃risia atuamẽrá. Mãɨ mãrá unupiipɨ. Ara mãɨne chi sorek'ea bɨa nãɨya jarasima: —P'irabarise. Pɨchi ne ẽpẽra uapataɨ atak'ari tiidá wãse.

Mateo 8:16

K'iuk'ari ẽpẽrarãpa chok'ará jaore mietá pará be Jesumá enemeesidama. Mãɨne Jesupa ara jararupa chi jaore mietá ãarea ãyá jerek'oasima. Ichiaba k'ak'ua piawẽa berã ãarea jɨpa beepik'oasima.

Juan 2:25

Ãareaɨrã sõ k'awa bɨ pẽra mi ãpia pida ichiá ẽpẽerã sãmaasã́ be jaradaiwẽa p'anasidama.

Marco 5:34

Mãɨpuru Jesupa ichiá jarasima: —K'au, piarã jɨpa beeit'a ĩjãana pẽra pɨ jɨpa beesima. Ne k'ɨ̃risiawẽa wãse. Waa mãɨya mĩa baiwẽma.

Marco 1:32

K'iuk'ari ẽpẽerãpa k'ak'ua piawẽa be mãɨnepa jaore mietá pará be Jesumá ateewãsidama.

Mateo 6:12

Taipa nemietá oodada k'ɨ̃risia atuase, waapẽarãpa nemietá oodada mãɨ taipa k'ɨ̃risia atuapataɨ jĩra.

Mateo 9:5

Mãramá ¿chi sãɨ jarait'a chaarea bɨma? ¿Pɨa nemietá ooda k'ɨ̃risia atuayade ait'a wa p'irabarik'ari nipapade ait'a?

Mateo 14:27

Ara mãɨne Jesupa jarasima: —¡P'erarãt'ɨ! ¡Mɨpɨ! ¡Ne wap'earãt'ɨ!

Marco 10:49

Mãɨ ũriside Jesú bai nɨbeek'ari, nãɨya jarasima: —Ichi t'ɨ̃t'ɨ. Mãɨne chi tau p'ãrio bɨ t'ɨ̃nak'ari jarasidama: —Sõpia base. P'irabarise. Jesupa pɨ t'ɨ̃ bɨma.

Hecho 23:11

Mãɨ teamasi Tachi Chipari Pablomá unupik'ari nãɨya jarasima: «Pablo, sõpia base. Mɨ k'orea nãma Jerusalene pedeada jĩra Roma p'uurude pida pedeai bɨma».