Mateo 8:4 - Tachi Ak'õre Pedea

⁴ Jesupa ichiá jarasima: —Pɨ jɨpa beeda abaɨa jararãse. Mãɨpari p'aaremá wãse pɨ jɨpa beesit'a unumẽrá. Maapae ne tease Moisepa jarada jĩra. Mãɨya ẽpẽrarãpa pɨ piarã jɨpa beeda k'awadaipɨ.

Mateo 8:4 Referans Kwoze

Luca 17:14

Jesupa ãchi unuside nãɨya jarasima: —P'aarerãmá wãt'ɨ mãra jɨpa p'aneenana ak'ɨdamẽrá. Ara mãɨne ãchi wãsidama. Wãutade abaeda jɨpa beek'oasidama.

Luca 5:14

Mãɨne Jesupa ichiá jarasima: —Pɨ jɨpa beeda mi ãpia pida abaɨa jararãse. Mãɨpari p'aaremá wãse pɨ jɨpa beesit'a unumẽrá. Jãapae Tachi Ak'õre k'ĩrari pia beei k'orea Moisepa jarada jĩra ne tease. Mãɨya ẽpẽrarãpa k'awadaipɨ pɨ piarã jɨpa beesit'a.

Marco 7:36

Jesupa ãchiá jarasima mãɨ k'orea mi ãpia pida abaɨa jarapidaemaapa. Ichia mãɨya jara bapachimina, mãɨ wariara nepɨrɨpachidama.

Mateo 9:30

Ara mãɨne unu p'aneesidama. Maapae Jesupa ũraasima mãɨ abaɨ pida nepɨrɨpidaemaapa.

Marco 6:11

Maamina ãchia mãrá pia chesidade adaepɨra mãɨnepa mãra pedea ũri k'ɨ̃rianaepɨra, mãmãɨpa wãt'ɨ. Wãutade yooro jora mãra jĩrunepema jãrap'et'at'ɨ, Tachi Ak'õrepa mãɨ k'ɨ̃riawẽa bɨt'a ãchiá unupidai k'orea.

Marco 5:43

Maamina Jesupa ãchiá minachia jarasima mi ãpia pida abaɨa jarapidaemaapa. Mãɨnepa jarasima wẽrak'aua nek'opidamẽrá.

Mateo 17:9

Eyadepa edá chesidaɨde Jesupa ãchiá nãɨya jara peesima: —Mãrapa ununana mi ãpia pida abaɨa jararãt'ɨ aba mɨ, chi Ẽpẽra Warra chok'ae p'irabarirudea.

Mateo 10:18

Mɨne ĩjãa p'anɨ k'orea mãra chi poro chaarearã k'ĩrari mãɨnepa chi poro jũra jɨ̃parí jɨ̃ p'anɨrã k'ĩrari ateewãnaipɨ. Mãɨne mãrapa ãchi k'ĩrari mãɨnepa judiorãwẽ k'ĩrari pida mɨ k'orea pedeadaipɨ.

Mateo 6:1

»Jĩrak'aua p'anat'ɨ awaraɨrã taade nepia oodai Tachi Ak'õre pae, ãchia ak'ɨdamẽrá. Mãɨya oosidara, mãra Ak'õre pajãne bɨpa mãrá nepia teaiwẽma.

Mateo 5:17

»K'ɨ̃risiarãt'ɨ mɨ chesima Moisepa bɨda itu bɨpiemaapa, mãɨyawẽpɨra Tachi Ak'õre pari pedeapataɨrãpa bɨdada itu bɨpiemaapa. Mɨ mãɨ k'orea cheé pasima. Mãɨ k'aepẽra mɨ chesima ãchia jara p'anɨ jõma piarã ooi k'orea.

Juan 8:50

Mɨa jɨrɨwẽma ẽpẽerãpa mɨ k'orea pia pedeadamẽrá. Maamina chi mãɨ jɨrɨi bɨt'a aba bɨma. Ichiapuru ẽpẽerã nepɨra ak'ɨparima.

Juan 7:18

Abaɨpa ara ichi k'ɨ̃risiadepa pedea bɨpɨra mãɨya oo bɨma ẽpẽerãpa ara ichi k'orea pia pedeadamẽrá. Maamina abaɨpa k'ɨ̃ria bɨpɨra waapẽarãpa chi ichi peeda k'orea pia pedea bɨpɨra, mãɨpa piarãpẽa pedea jaraparima; sea jarak'ama.

Juan 5:41

»Mɨa jɨrɨwẽa bɨma mãrapa mɨ pia ununamẽrá.

Luca 21:13

Mãɨne mãrapa mɨ k'orea ãchi k'ĩrari pedeadaipɨ.

Marco 8:30

Jesupa ichi k'orea mi ãpia pida abaɨa jararãapadade asima.

Mateo 16:20

Maapae Jesupa chi ichi ome p'ɨrrɨapataɨrã́ mãɨ mi ãpia pida abaɨa jararãapadade asima ichi Tachi Ak'õrepa Tachi K'aripaparí teai jarada.

Mateo 3:15

Mãɨne Jesupa p'anoosima: —Nãɨena pɨa oopari jĩra oose. Tachia ãarea jĩp'a oodai p'anɨma Tachi Ak'õrepa oopi bɨ jĩra. Ara mãɨne Juanpa ĩjãasima.

Marco 13:9

»Jĩrak'aua p'anat'ɨ. Mãra chi ak'ɨpataɨrãmá ateewãnak'ari maapae judiorã ará pedeapataɨ tede soapa p'edaipɨ. Mɨne ĩjãa p'anɨ k'orea ãchia mãra chi poro chaarearã k'ĩrari mãɨnepa chi poro jũra jɨ̃parí jɨ̃ p'anɨrã k'ĩrari ateewãnaipɨ. Mãɨne mãrapa mɨ k'orea ãchi k'ĩrari pedeadaipɨ.

Marco 3:12

Maamina Jesupa jaore mietaarã́ minachia jarapachima ichi k'orea jarapidaemaapa.

Marco 9:9

Maapae eyadepa edá chesidaɨde Jesupa ãchiá chi eyade ununaanat'a mi ãpia pida abaɨa jararãapadade asima aba chi Ẽpẽra Warra chok'ae p'irabarirudea.

Luca 4:41

Ichiaba chok'ará jaore mietaarã ẽpẽrarã k'ak'uadepema jeret'aasima. Wãutade nãɨya bia jarapachidama: «¡Pɨ piarã Tachi Ak'õre warrapɨ!» Ãchia k'awa p'anasidama ichi Tachi Ak'õrepa teai jarada Tachi K'aripaparí. Mãɨ k'orea Jesupa ãchi ɨtɨak'ari, pedeapik'a pasima.

Luca 8:56

Mãɨ unusidaɨde chi ak'õrepa chi nae ome k'awa k'ɨ̃risiadaé pasima. Maamina Jesupa ãchiá jarasima mi ãpia pida abaɨa jarapidaemaapa.

Luca 9:21

Jesupa mãɨ mi ãpia pida abaɨa jararãapadade asima.