Mateo 8:20 - Tachi Ak'õre Pedea

²⁰ Jesupa ichiá jarasima: —Et'erre k'oparí te pará bɨma mãɨnepa ĩpana te pará bɨma, maamina mɨ, chi Ẽpẽra Warra chi mãma k'ãi newẽa bɨma.

Mateo 8:20 Referans Kwoze

Luca 2:7

K'ãipataɨ te pari newẽ pẽra ichi warra ĩwini t'õna p'arupa pɨrak'ari ãnimara nek'opataɨde eda bɨsima.

2 Corintio 8:9

Mãrapa minachia k'awa p'anɨma Tachi Chipari Jesucristopa ichi sõpiadepa oodat'a. Ichi pajãne nejõma uru bɨmina, mãra pae nãɨ k'ak'uade nenea bɨ jĩra basima mãrapa nejõma Tachi Ak'õrepa tea bɨdepema uru p'ananamẽrá.

Luca 2:16

Ara mãɨne isapea wãsidama. Mãma padak'ari María, José, chi warra chak'e ome unusidama. Warra chak'e ãnimara nek'opataɨde eda basima.

Luca 2:12

Nãɨnepa mãrapa k'awadaipɨ mɨa piarã jararu: mãrapa mãɨ warra chak'e p'arupa pɨra bɨ ãnimara nek'opataɨde ununaipɨ».

Luca 8:3

Cuza k'ima Juana sida basima. Cuzapa Herode tedepema ãarea ak'ɨpachima. Susana sida basima. Mãɨ awara waapẽarã wẽrarã chok'ará p'anasidama. Ãchia ne teapachidama Jesú k'aripadai k'orea.

Mateo 12:32

Abaɨ pida mɨ, chi Ẽpẽra Warra k'achia pedeaipɨra Tachi Ak'õrepa mãɨ k'ɨ̃risia atuaipɨ. Maamina abaɨ pida Tachi Ak'õre Jaore k'achia pedeaipɨra, Tachi Ak'õrepa mãɨ k'ɨ̃risia atuaiwẽma. Nãɨ ewaride mãɨyawẽpɨra mãɨ ewari parude mãɨ k'achia pedea bada k'orea k'ɨ̃risia atuawẽa baipɨ.

Mateo 19:28

Jesupa p'anoosima: —Mɨa piarã jararuma: Tachi Ak'õrepa ne ãarea chiwidi ooi ewaride mɨ, chi Ẽpẽra Warra mɨ poro jũra jɨ̃parí jɨ̃ bɨ suak'a beeparí auk'ará bɨde suak'abari beeipɨ. Mãɨne mãra mɨ ome p'ɨrrɨapataɨrã doce poro jũra jɨ̃parí jɨ̃ bɨ suak'a beeparide suak'abari p'aneenaipɨ, Israeldepema p'uuru doce p'anɨ nepɨra ak'ɨdai k'orea.

Mateo 17:9

Eyadepa edá chesidaɨde Jesupa ãchiá nãɨya jara peesima: —Mãrapa ununana mi ãpia pida abaɨa jararãt'ɨ aba mɨ, chi Ẽpẽra Warra chok'ae p'irabarirudea.

Mateo 16:27

Piarã mɨ, chi Ẽpẽra Warra Tachi Ak'õrepa ɨt'aripa peedarã ome cheipɨ mɨ Ak'õre jua chaareadepa ẽpẽerã ɨtɨai k'orea. Mãɨne pia oopataɨrã́ mɨa pia bɨipɨ, ichiaba nemietá oopataɨrã́ nepɨra pará bɨipɨ.

Mateo 16:13

Mãɨya bak'ari Jesú ichi ome p'ɨrrɨapataɨrã ome P'ilipo tuade Cesarea p'uurudea chesidama. Mãɨne Jesupa ãchiá idisima: —Ẽpẽrarãpa ¿sak'á p'anɨma? Mɨ, chi Ẽpẽra Warra ¿k'aiyade a p'anɨma?

Mateo 12:40

Joná beta minachia bɨ bide ewari ũpea ãst'á mãɨnepa teamasi bada jĩra mɨ, chi Ẽpẽra Warra ewari ũpea ãst'á mãɨnepa teamasi ĩjũa ek'ari baipɨ.

Mateo 12:8

Mɨ, chi Ẽpẽra Warra mimianak'apɨ́ ewari chiparipɨ.

Mateo 13:37

Jesupa jarasima: —Chi mãɨ net'a tau pia uuparí jara k'ɨ̃ria bɨma mɨ, chi Ẽpẽra Warra.

Marco 8:38

Abaɨpa nãɨ ĩjũane nemietá oo be t'ãena mɨ mãɨnepa mɨ pedea atua bɨade aipɨra, mɨ, chi Ẽpẽra Warra jua chaarea pará bɨ cherude mãɨ ẽpẽra atua bɨade aipɨ. Mãɨ ewaride mɨ Ak'õre jua chaarea bɨdepa cheipɨ, chi ichia ɨt'aripa peedaɨrã pia berã paara».

Luca 9:58

Jesupa jarasima: —Et'erre k'oparí te pará bɨma mãɨnepa ĩpana te pará bɨma, maamina mɨ, chi Ẽpẽra Warra chi mãma k'ãi newẽa bɨma.

Luca 12:8

»Mɨa nãɨ jararuma: abaɨ pida ẽpẽrarã k'ĩrari mɨne ĩjãa bɨade aipɨra, Tachi Ak'õre peedarã pajãnepema k'ĩrari mɨ, chi Ẽpẽra Warrapa ichi mõréane aipɨ.

Luca 18:8

Mɨa jararuma: piarã tãaraawẽa bɨde Tachi Ak'õrepa k'aripaipɨ. Maamina mɨ, chi Ẽpẽra Warra cherude ¿nãɨ ĩjũane wapida mɨ pedea ĩjãa p'anɨ unune cheik'ãra?»

Luca 21:36

Mãɨ k'orea minachia jĩrak'aua p'anat'ɨ. Tachi Ak'õrea ewaricha ɨt'aa chiidi p'anat'ɨ mãɨ ewari k'achiadepema k'aripadai k'orea mãɨnepa mɨ, chi Ẽpẽra Warra k'ĩrari p'eradawẽa p'ananai k'orea».

Juan 1:51

Maapae Jesupa jarasima: —Mɨa piarã jararuma: mãrapa pajã ewa nɨbɨt'a ununaipɨ. Mãɨnepa ununaipɨ Tachi Ak'õrepa ɨt'aripa peedaɨrã mɨ, chi Ẽpẽra Warra bɨmá chedak'ari ya ɨt'aa wãutat'a.

Juan 3:13

»Aba pida pajãnea wãk'ama mãɨ k'awai k'orea. Abapuru mɨ, chi Ẽpẽra Warrapa mãɨ k'awa bɨma, pajãnepa cheda pẽra.

Juan 3:14

Moisepa ĩjũa pania newẽa bɨde taama bronce ooda ɨt'ɨ barijira bɨda jĩra, mɨ, chi Ẽpẽra Warra ara mãɨya ɨt'ɨ barijira bɨdaipɨ,

Juan 6:27

Mimiarãt'ɨ chik'o k'odai k'orea, mãɨ chik'o jõpari pẽra. Mãɨpari mimiat'ɨ chi Tachi Ak'õre ome ewaricha chok'ae bapiparí p'ana atadai k'orea. Mãɨ mɨ, chi Ẽpẽra Warrapa teaipɨ. Tachi Ak'õrepa mɨ mãɨ k'orea bɨsima.

Juan 6:53

Mãɨne Jesupa jarasima: —Mɨa piarã jararuma: mãrapa mɨ chi Ẽpẽra Warra k'ak'ua k'odaepɨra mãɨnepa mɨ oa todaepɨra, ewaricha chok'ae p'ananaiwẽma.

Juan 6:62

Mãɨyaipɨra mãrapa mɨ, chi Ẽpẽra Warra ichi naena badamá ɨt'aa wãrut'a ununaipɨra ¿sãmaasã́ k'ɨ̃risiadaima?

Juan 12:34

Ẽpẽerã mãma p'anɨrãpa Jesua jarasidama: —Moisepa bɨdadepa taipa k'awa p'anɨma Tachi Ak'õrepa Tachi K'aripaparí teai jarada mãɨ ewaricha piuk'apɨɨt'a. Pɨa ¿sãmaasã́ jara bɨma chi Ẽpẽra Warra ɨt'ɨ barijira bɨdayade a bɨt'a? Mãɨ Ẽpẽra Warra ¿k'aima?

Juan 13:31

Juda wãk'ari Jesupa jarasima: —Naapae Tachi Ak'õrepa unupiipɨ mɨ, chi Ẽpẽra Warra chi choma bɨt'a. Mãɨ awara mɨnepa Tachi Ak'õrepa unupiipɨ ara ichi chi choma bɨt'a.

Hecho 7:56

Nãɨya jarasima: —¡Ak'ɨt'ɨ! ¡Mɨa pajã ewa nɨbɨt'a unu bɨma! ¡Chi Ẽpẽra Warra Tachi Ak'õre juaraari bɨt'a unu bɨma!