Mateo 8:15 - Tachi Ak'õre Pedea

¹⁵ Jesupa ichi jua t'õmarik'ari, mãɨ k'ɨa nɨbada tuusima. P'irabarik'ari ãchiá nek'opisima.

Mateo 8:15 Referans Kwoze

Luca 8:54

Maamina Jesupa chi wẽrak'au juade jitak'ari jarasima: —¡K'au, p'irabarise!

Marco 1:41

Jesupa sõchupuriada pẽra ichi jua ɨ̃rɨ bɨrude nãɨya jarasima: —Mãɨya oo k'ɨ̃ria bɨma. ¡Jɨpa beese!

Mateo 20:34

Jesupa ãchi chupuri ununa pẽra ãchi tau t'õmarisima. Ara mãɨne unu p'aneesidama, mãɨnepa Jesú ome wãsidama.

Mateo 14:36

Ãchia ichiá chupuria idisidama abapuru ichi neet'á i t'õmaripipade asidama. Jesupa itu t'õmaripida pẽra ãarea jɨpa beek'oasidama.

Mateo 9:29

Maapae Jesupa ãchi taude t'õmarik'ari jarasima: —Mãrapa ĩjãa p'anɨ jĩra mɨa ooipɨ.

Mateo 9:20

Mãɨ wãrune wẽra aba ãyo k'ak'o doce oamia jita bɨpa Jesú ãpɨtepa ara k'ait'a wãk'ari, ichi neet'á ɨ̃rɨpema chi i t'õmarisima.

Mateo 8:3

Mãɨne Jesupa jua ɨ̃rɨ bɨrude jarasima: —Mɨa mãɨya oo k'ɨ̃ria bɨma. ¡Jɨpa beese! Ara mãɨne mãɨ ẽpẽra aida pará bada wẽpasima.

Mateo 8:14

Maapae Jesú Pedro tedea wãsima. Eda wãside Pedro p'ak'õre k'ɨamiapa k'ɨdade bɨ unusima.

Mateo 8:16

K'iuk'ari ẽpẽrarãpa chok'ará jaore mietá pará be Jesumá enemeesidama. Mãɨne Jesupa ara jararupa chi jaore mietá ãarea ãyá jerek'oasima. Ichiaba k'ak'ua piawẽa berã ãarea jɨpa beepik'oasima.

Marco 1:29

Mãɨne chi judiorã ará pedeapataɨ tedepa wãnak'ari Simón tedea wãsidama Jesú, Santiago mãɨnepa Juan. Simón ũpẽa André sida mãma basima.