Mateo 7:7 - Tachi Ak'õre Pedea

⁷ »Mãra newẽa p'anɨ Tachi Ak'õrea ɨt'aa chiidi p'anat'ɨ; mãɨne ichia mãrá teaipɨ. Jɨrɨ p'anat'ɨ; ichia unupiipɨ. Tede eda wãpataɨde t'ɨ̃t'ɨ; mãɨne chi eda wãpataɨ ewai jĩra, ichia teaipɨ.

Mateo 7:7 Referans Kwoze

Mateo 21:22

Mãrapa Tachi Ak'õrea ne ɨt'aa chiididak'ari, mãɨnepa ichia mãɨ piarã teait'a a k'ɨ̃risia p'anɨpɨra, mãɨ ne ãarea jitadaipɨ.

1 Juan 3:22

Mãɨne chi tachia idiuta Tachi Ak'õrepa teaipɨ, ichia oopi bɨ pedea mãɨnepa pia unu bɨt'a oo p'anɨ pẽra.

Juan 15:7

»Mãra mɨ ome ará p'ananaipɨra, mɨ pedea oo p'ananaipɨra, ɨt'aa chiidit'ɨ jõma mãrapa k'ɨ̃riautat'a. Mãɨ mɨa teaipɨ.

Marco 11:24

Mãɨpuru mɨa mãrá jararuma: mãrapa Tachi Ak'õrea ne ɨt'aa chiididak'ari, mãɨnepa ichia mãɨ piarã teait'a a k'ɨ̃risia p'anɨpɨra, mãɨ ne ãarea jitadaipɨ.

Mateo 6:33

Mãɨpuru k'ɨ̃riat'ɨ Tachi Ak'õrepa machi ichi juade ua bai ichidirã ome. Jĩrak'aua p'anat'ɨ ichia oopi bɨ oodai k'orea. Mãɨya mãra ne newẽa p'anɨ ichia ãarea teaipɨ.

Mateo 7:8

Chi ɨt'aa chiidi bɨpa jitaipɨ. Chi jɨrɨ bɨpa unuipɨ. Chi t'ɨ̃ bɨ pae tede eda wãpataɨ ewaipɨ ne teai k'orea.

Juan 15:16

Mãrapa mɨ jɨrɨ atadaé pasima. Mɨapuru mãra jɨrɨ atasima. Pak'uru bɨɨrɨ nejõ beraak'aɨ chaupari jĩra, mɨa mãra bɨsima wãnak'ari nepia chaudamẽrá. Mɨa mãra jɨrɨ atada pẽra mãrapa mɨ Ak'õrea mɨ t'ɨ̃nepa ne idiutat'a ichia teaipɨ.

Hebreo 11:6

Maamina chi Tachi Ak'õrene ĩjãak'apɨ́, Tachi Ak'õrepa mãɨ pia unuk'ama. Chi Tachi Ak'õremá che k'ɨ̃ria bɨpa ĩjãai bɨma Tachi Ak'õre piarã bɨt'a mãɨnepa ãarea chi ichi jɨrɨutat'a k'aripaparit'a.

Juan 4:10

Jesupa p'anoosima: —Tachi Ak'õrepa teai bɨt'a pɨa k'awarupara mãɨnepa k'aipa jãɨ pania idi bɨt'a k'awarupara, pɨa mɨá pania idii pasima. Maapae mɨa chi chok'ae bapiparí pania teai pasima.

Mateo 18:19

»Mɨa nãɨya jararuma: mɨne ĩjãapataɨrã ume wa ũpea ará p'anɨne mɨ sida mãma baipɨ. Mãɨpuru mãranepema ume p'anɨ nãɨ ĩjũane mɨ Ak'õrea ɨt'aa chiididai k'orea pedea audaipɨra, mãrapa ɨt'aa chiidiuta mɨ Ak'õre pajãne bɨpa ooipɨ.

Santiago 5:15

Mãɨnepa ĩjãa p'ananai p'anɨma Tachi Ak'õrepa ichi jɨpa beepiit'a. Mãɨya ɨt'aa chiididaipɨra Tachi Chiparipa jɨpa beepiipɨ. Chi k'ak'ua piawẽa badapa nemietá oosira, Tachi Chiparipa mãɨ k'ɨ̃risia atuaipɨ.

Luca 18:1

Jesupa nepɨrɨdepa jarateasima Tachi Ak'õrea sẽnawẽa ɨt'aa chiididai p'anɨ.

Mateo 7:11

Mãra chi k'achia berãpa mãra warrarã́ nepia tea k'awa p'anɨpɨra, ¿mãra Ak'õre pajãne bɨpa chi idi p'anɨa nepia teaiwẽk'ãra?

Romano 2:7

Chi eda waapẽarãpa pia oo p'anɨma Tachi Ak'õrepa ãchi pia unumẽrá, pia jaramẽrá mãɨnepa ewaricha ãchi ome chok'ae bamẽrá. Mãɨrã piarã chok'ae p'anapiipɨ.

Romano 3:11

Mi aba pida k'awa bɨma k'ãre jĩp'a bɨt'a. Mi aba pida Tachi Ak'õre jɨrɨk'ama.

Luca 13:25

Te chiparipa chi eda wãpataɨ jõat'ɨk'ari chi tajata p'anɨpa nãɨya t'ɨ̃ jaradaipɨ ewamẽrá: “Tai chipari, tai chipari, ewase”. Maamina chi te chiparipa p'anooipɨ: “Mɨa mãra unuk'ama mãɨnepa sãmapema atuama”.