Mateo 7:13 - Tachi Ak'õre Pedea

^13-14 »Mãra chi eda wãpataɨ p'isua bɨde wãt'ɨ. Chi mietade eda wãpataɨ jet'ea bɨma. Chi o sida jet'ea bɨẽra mãma chok'ará eda wãpatama. Maamina Tachi Ak'õre ome ewaricha chok'ae bai k'orea eda wãpataɨ p'isua bɨma. Chi ode p'isua bɨẽra chaarea bɨma wãi k'orea. Mãɨ o chok'araɨrãpa ununak'ama.

Mateo 7:13 Referans Kwoze

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 10:9

»Mɨ chi eda wãpataɨpɨ. Chi mɨnepa eda wãru nemietaadepema k'aripaipɨ. Ne k'ɨ̃risiawẽa baipɨ, mãɨ ichia newẽa bɨ Tachi Ak'õrepa teai pẽra.

Gálata 5:24

Cristoderãpa chi nãɨ k'ak'uapa nemietá oo k'ɨ̃ria bɨt'a k'urusude barijira bɨk'ari peasidama.

Mateo 3:2

Nãɨya jarapachima: «Pajãne Bɨ cheruma ichidirã ichi juade ua bai k'orea. Mãɨ k'orea mãrapa nemietá oopataɨ itu bɨdak'ari ichimá chet'ɨ».

Mateo 3:8

Mãrapa oo p'anɨnepa mãra nemietá oo p'anana piarã itu bɨdada unupit'ɨ.

2 Corintio 6:17

Mãɨpuru Tachi Chiparipa nãɨya jarasima: «Ãchidepema ãyá wãt'ɨ. Ãchi ome ará p'anarãt'ɨ. Mɨmá chi piawẽa bɨt'a itu bɨt'ɨ. Maapae mɨa mãra pia jitaipɨ.

Mateo 23:13

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa ẽpẽrarã́ Pajãne Bɨpa ichidirã ichi juade ua bɨ k'orea itu k'awapidak'ama. Machia k'ɨ̃riawẽa p'anɨma ichia mãra p'e uru bait'a mãɨnepa waapẽarãpa mãɨya k'ɨ̃ria p'anɨrã mãrapa itu oopidak'ama.

Apocalipsi 20:15

Chi ẽpẽerã ewaricha chok'ae p'ananai k'art'ade chi t'ɨ̃ bɨwẽa be Tachi Ak'õrepa mãɨrã t'ɨpɨ uruade jirat'aasima.

P'ilipense 3:19

Mãɨpuru piuutade Tachi Ak'õrepa ãchi minachia ɨtɨaipɨ. Ãchi k'ak'uapa k'ɨ̃ria bɨt'a chi ãchi ak'õrepɨ. K'ĩra p'era oo p'anɨ k'orea pia pedeapatama. Abapuru nãɨ ĩjũanepema k'ɨ̃risiapatama.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

Hecho 3:19

Chi mãrapa nemietá oodada itu bɨdak'ari Tachi Ak'õremá chet'ɨ. Mãɨya oosidara Tachi Chiparipa mãrapa nemietá oodaadat'a k'ɨ̃risia atuak'ari sõpiapiipɨ.

Apocalipsi 20:3

Tachi Ak'õrepa ɨt'aripa peedapa chi uria minachia bɨde edá jirat'aak'ari jɨ̃a nɨbɨk'ari maapae t'ap'asima, mi ãpia pida p'ue ewapiemaapa. Mãɨpa tiorepa tuachapemarã waa seaiwẽma aba mil ãyo jõrunea. Mil ãyo pak'ari ichi ẽraipɨ nãɨ ĩjũane tãaraawẽa bamẽrá.

1 Juan 5:19

Tachia k'awa p'anɨma tachi Tachi Ak'õrené. Mãɨnepa k'awa p'anɨma jõma chi nãɨ ĩjũane Tachi Ak'õre atua be tiore juade p'anɨrãt'a.

Mateo 25:46

Maapae Tachi Ak'õrepa ãchi t'ɨpɨ tau urua k'iiwãk'á nɨbɨdea peek'oaipɨ, maamina chi jĩp'a berã ichi ome ateewãipɨ ewaricha chok'ae beadamẽrá.

Mateo 25:41

»Maapae mɨ juawieri p'anɨrã́ jaraipɨ: “Mãra, Tachi Ak'õrepa nepɨra pará bɨade apataɨrã, mɨk'aapema ãyá wãt'ɨ t'ɨpɨ tau urua k'iiwãk'á nɨbɨdea. Mãɨ Tachi Ak'õrepa bɨsima tiore, ichidirã ome ɨtɨai k'orea.

Apocalipsi 13:8

Mãɨne chi nãɨ ĩjũane ãareaɨrãpa mãɨ ãnimara minachia k'ɨ̃riasidama. Nãɨ ĩjũa ooi naena ãchi t'ɨ̃ chi Oveja Chak'e k'art'ade eda bɨ baé pasima. Mãɨ chi ewaricha chok'ae p'ananai k'art'ade ãchi t'ɨ̃ ãarea eda bɨ bɨma.

Romano 9:22

Ara mãɨ jĩra Tachi Ak'õrepa oo k'ɨ̃rianat'a nãɨya oosima. Ẽpẽrarãpa nemietá oo p'anɨ k'orea Tachi Ak'õrepa ichi k'ĩruupidepa mãɨnepa ichi chaareadepa ãchi ɨtɨak'ari t'ɨpɨ uruadea jira peei pasima. Maamina ãchia nemietá oo p'anɨt'a ãarea choasima.

Luca 14:33

»Ara mãɨ jĩra mɨ ome p'ɨrrɨai naena mãranepemapa abaɨpa ne ãarea itu bɨi k'orea k'ɨ̃risiaepɨra mɨ ome p'ue nipaiwẽma.

Apocalipsi 12:9

Mãɨne chi je waibɨa bɨ mãɨnepa chi ichi lawari p'anana ãarea nãɨ ĩjũanea bat'a peesidama. Mãɨ je waibɨa bɨ mãɨt'u chi chõarãenapema taamapɨ. Chi t'ɨ̃ Tiore mãɨnepa Ãnimara apatama. Ichia chi nãɨ ĩjũane be ãarea sea uru baparima.

Luca 9:33

Mãɨ ẽpẽrarã Jesú ome p'anana wãutade Pedropa Jesua jarasima: —Jarateaparí, pia bɨma tai nãma p'anɨt'a. Taipa te chak'e ũpea oodaima: aba pɨ pae, aba Moisé pae mãɨnepa aba Elía pae. Pedro mãɨya pedeasima ne k'ɨ̃risiawẽa pedeada pẽra.