Mateo 6:5 - Tachi Ak'õre Pedea

⁵ »Pɨa Tachi Ak'õrea ɨt'aa chiidirude Tachi Ak'õrene ĩjãapataade apataɨrãpa oopataɨ jĩra oorãse. Ãchia judiorã ará pedeapataɨ tede mãɨnepa p'uurude bai nɨp'aneenak'ari Tachi Ak'õrea ɨt'aa chiidipatama ẽpẽrarãpa pia ununamẽrá. Mɨa piarã jararuma: ẽpẽrarãpa ãchi pia ununai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 6:5 Referans Kwoze

Mateo 6:2

Pɨa nenea k'edea ne tearude seat'a Tachi Ak'õrene ĩjãapataade apataɨrãpa oopata jĩra oorãse. Ãchia ne teautade, mãɨ k'orea jarapatama judiorã ará pedeapataɨ tede mãɨnepa p'uurude pida jõmãɨrãpa ãchi k'orea pia pedeadamẽrá. Mɨa piarã jararuma: ẽpẽrarãpa ãchi k'orea pia pedeadait'a k'ɨ̃ria p'anɨ pẽra, mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Luca 18:13

»Mãɨne Romanepema pae erreara jɨrɨp'eparí t'ɨmɨwẽa basima. Maamina pajãnea ak'ɨé pasima. Mãɨpari sõp'uadepa ichi p'echumá sĩk'ari jarasima: “Tachi Ak'õre, mɨ k'ĩra chupuriase. Mɨa minachia nemietá ooparima”.

Marco 11:25

Mãɨnepa mãrapa Tachi Ak'õrea ɨt'aa chiidiutade abaɨ ome k'ĩruu p'ananapɨra, mãɨ ẽpẽrapa ne piawẽa ooda naa k'ɨ̃risia atuat'ɨ, mãrapa ne piawẽa oodada mãra Ak'õre pajãne bɨpa ichiaba k'ɨ̃risia atuamẽrá.

Luca 20:47

P'ẽtãarã neet'á ẽemaripatama mãɨnepa minachia tãaraa ɨt'aa chiidipatama ẽpẽrarãpa mãra pia ununamẽrá. Mãɨ k'orea Tachi Ak'õrepa ãchi atepe ɨtɨaipɨ».

Santiago 4:6

Maamina Tachi Ak'õrepa ichi sõpiadepa tachi minachia k'aripa bɨma. Mãɨ k'orea Ichi Pedeade nãɨya bɨ bɨma: «Chi waapẽarã k'aepẽra chi ãchi k'ak'ua atepe k'ɨ̃riapataɨrã Tachi Ak'õrepa itu pia p'anapik'ama. Maamina chi atepe k'ɨ̃risiawẽa be Tachi Ak'õrepa ichi sõpiadepa k'aripaparima».

Luca 18:1

Jesupa nepɨrɨdepa jarateasima Tachi Ak'õrea sẽnawẽa ɨt'aa chiididai p'anɨ.

Ep'esio 6:18

Ewaricha ne ãarea k'orea Tachi Ak'õre Jaoredepa ɨt'aa chiidi p'anat'ɨ. Jõma ichi ẽpẽrarã k'orea tau pará, sẽnawẽa ɨt'aa chiidi p'anat'ɨ.

Luca 11:43

»¡Mãra p'ariseorã chupuri p'anɨma Tachi Ak'õrepa ɨtɨai pẽra! Mãra judiorã ará pedeapataɨ tede ãchi suak'abari p'aneenai k'ɨ̃riapatama minachia k'awa berã suak'abari p'aneepataɨde. Mãɨ awara p'uurude ninane k'ɨ̃riapatama ẽpẽrarãpa ãchiá pia pedeadamẽrá.

Mateo 21:22

Mãrapa Tachi Ak'õrea ne ɨt'aa chiididak'ari, mãɨnepa ichia mãɨ piarã teait'a a k'ɨ̃risia p'anɨpɨra, mãɨ ne ãarea jitadaipɨ.

1 Tesalonicense 5:17

Ɨ̃apaadawẽa Tachi Ak'õrea ɨt'aa chiidi p'anat'ɨ.

Juan 16:24

Mãrapa waidi Tachi Ak'õrea mi ãpia pida mɨ t'ɨ̃nepa ne ididawẽa p'anɨma. Maamina mãɨya ne ididaipɨra mãɨ jitadaipɨ. Mãɨya mãra minachia arapá p'ananaipɨ.

Marco 12:38

Jesupa jarateapodoside nãɨya jarasima: «Jĩrak'aua p'anat'ɨ chi Moisepa bɨda jarateapataɨrã k'orea. Ãchia neet'á teesoa anamari jɨ̃patama. Mãɨ awara p'uurude ninane k'ɨ̃riapatama ẽpẽerãpa ãchiá pia pedeadamẽrá.

Mateo 9:38

Mãɨpuru chi ne uu ĩjũa Chiparia ɨt'aa chiidit'ɨ mimiapataɨrã ichi ne uu ĩjũamá peemẽrá.

Mateo 23:13

»¡Mãra p'ariseorã, Moisepa bɨda jarateapataɨrã, chi pia jĩra berã, chupuri p'anɨma Tachi Ak'õrepa ɨtɨai pẽra! Mãrapa ẽpẽrarã́ Pajãne Bɨpa ichidirã ichi juade ua bɨ k'orea itu k'awapidak'ama. Machia k'ɨ̃riawẽa p'anɨma ichia mãra p'e uru bait'a mãɨnepa waapẽarãpa mãɨya k'ɨ̃ria p'anɨrã mãrapa itu oopidak'ama.

Mateo 23:6

Nek'ode wãnak'ari waapẽarã ome, suak'abari p'aneenai k'ɨ̃riapatama jõmãɨrã taade, minachia k'awa berã suak'abari p'aneepataɨde. Judiorã ará pedeapataɨ tede pida ara mãɨ jĩra oopatama.

Mateo 6:16

»Mãrapa Tachi Ak'õrene k'ɨ̃risiadayá nek'odak'apɨ́ ewaride ooutade k'ĩra piawẽa p'aneerãt'ɨ Tachi Ak'õrene ĩjãapataade apataɨrãpa oopataɨ jĩra. Ãchi mãɨya p'anapatama jõmãɨrãpa k'awadamẽrá Tachi Ak'õrene k'ɨ̃risiadayá nek'odak'apɨ́ ewaride oo p'anɨ. Mɨa piarã jararuma: ẽpẽrarãpa ãchi pia jaradai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 6:1

»Jĩrak'aua p'anat'ɨ awaraɨrã taade nepia oodai Tachi Ak'õre pae, ãchia ak'ɨdamẽrá. Mãɨya oosidara, mãra Ak'õre pajãne bɨpa mãrá nepia teaiwẽma.

Mateo 23:5

»Ãchia ne ãarea oopatama waapẽarãpa pia ununamẽrá. Tachi Ak'õre pedea k'art'ade bɨda ne yaaparí chak'ede eda bɨdak'ari ãchi tau bɨɨrɨde mãɨnepa juap'ot'ode jɨ̃patama. Maamina chi ne yaaparí jobɨa oopatama waapẽarãpa pia ununamẽrá. Ichiaba mãɨ k'orea ãchia neet'á i jijichoa teesoa be k'osadak'ari jɨ̃patama.

Luca 6:24

“Maamina chupuri p'aneenaipɨ mãra chi erreara pará berã, nãɨ ewaridepuru sõ arapá p'anɨ pẽra.