Mateo 6:25 - Tachi Ak'õre Pedea

²⁵ »Mãɨpuru mɨa jararuma: mãra sãmaasã́ p'ananait'a minachia k'ɨ̃risiarãt'ɨ nek'odai k'orea, netodai k'orea ichiaba ne jɨ̃nai k'orea. ¿Tachi chok'ae bait'a chik'o k'aepẽra atepe piipará bɨwẽk'ãra? ¿Tachi k'ak'ua neet'á k'aepẽra atepe piipará bɨwẽk'ãra?

Mateo 6:25 Referans Kwoze

P'ilipense 4:6

Ne paritua k'orea minachia k'ɨ̃risiarãt'ɨ, mãɨpari Tachi Ak'õrea ɨt'aa chiidit'ɨ, ichiá chichupuria idit'ɨ, mãɨnepa nejõma k'orea pia bɨade at'ɨ.

1 Pedro 5:7

Mãrapa minachia k'ɨ̃risia p'anɨ k'orea Tachi Ak'õrea ãarea jarat'ɨ, ichia mãra ak'ɨ bɨ pẽra.

Romano 8:32

Piarã Tachi Ak'õrepa ichi Warra wãak'aé pasima mãɨpari jõma tachi k'orea itu peapisima. Mãɨpuru ¿ichia tachiá nejõma pia Cristo ome ará teaiwẽk'ãra?

Mateo 6:31

»Mãɨpuru minachia k'ɨ̃risiarãt'ɨ nek'odai k'orea, netodai k'orea mãɨnepa ne jɨ̃nai k'orea.

Marco 4:19

Maamina nãɨ ĩjũane sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ichiaba ne wawaria minachia k'ɨ̃riapatama. Mãɨpa ãarea Tachi Ak'õre pedea waa ũripik'ama, ne uu warida chauk'á bapari jĩra.

Mateo 10:19

Mãra jita enemeeutade k'ɨ̃risia paraarãt'ɨ k'ãret'a jaradai k'orea. Chi chaarearã k'ĩrari p'anɨne Tachi Ak'õrepa k'awapiipɨ k'ãre jaradai p'anɨ.

1 Corintio 7:32

Mɨa k'ɨ̃ria bɨma mãrapa nãɨ ĩjũa k'orea minachia k'ɨ̃risiapidaemaapa. Chi ɨmɨk'ĩra k'ima nea bɨpa pia k'ɨ̃risia baparima Tachi Chiparipa k'ɨ̃ria bɨ ooi k'orea. Tachi Chiparia arapaapii k'ɨ̃ria bɨma.

Mateo 6:34

Ne nũpema minachia k'ɨ̃risiarãt'ɨ, nũ pida Tachi Ak'õrepa mãra ak'ɨ bai pẽra. Ewaricha nepɨra minachia baipɨ.

2 Timoteo 2:4

Papaká bɨpa ne paritua ook'ama, mãɨpari ichi minachia k'awa bɨpa k'ɨ̃ria bɨt'a ooparima pia unumẽrá.

Luca 8:14

Net'a tau ĩjũa ɨɨrɨ idá bɨde baedapa nãɨ jara bɨma: chi eda waapẽarã ẽpẽrarãpa Tachi Ak'õre pedea ũrinak'ari nãɨ ĩjũane sãmaasã́ pia beadai k'orea minachia k'ɨ̃risiapatama, ne ãarea uru p'anapatama, mãɨnepa arapá p'ananai k'ɨ̃risiapatama. Mãɨpuru ãchia ũrinana itu bɨdak'ari waridak'ama.

Mateo 13:22

Chi net'a tau ĩjũa ɨɨrɨ idá bɨde p'oda nãɨ jara bɨma: chi eda waapẽarã ẽpẽrarãpa Tachi Ak'õre pedea ũripatama, maamina ãchi sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ãarea mãɨ k'ɨ̃risia mietapa ãchia sõne pia ũrinana itu bɨpiparima ne uu warida chauk'á bapari jĩra.

Luca 12:11

»Mãra mɨne ĩjãa p'anɨ k'orea judiorã ará pedeapataɨ tedea ateedak'ari, wa chi ak'ɨpataɨrãmá k'ĩrari, wa chi minachia k'awa p'anɨrãmá nepɨra pará bɨade adai k'orea, k'ɨ̃risia pará p'aneerãt'ɨ sãmaasã́ p'anooi wa k'ãret'a jaradai.

Marco 13:11

Mãra jita enemeeutade k'ɨ̃risia paraarãt'ɨ k'ãret'a jaradai k'orea. Chi chaarearã k'ĩrari p'anɨne Tachi Ak'õrepa k'awapiipɨ k'ãre jaradai p'anɨ. Mãɨ pedeautade mãra k'ɨ̃risiadepa pedeadaiwẽma, mãɨpari Tachi Ak'õre Jaorepa mãra k'ak'uadepa pedeaipɨ.