Mateo 6:19 - Tachi Ak'õre Pedea

¹⁹ »Nãɨ ĩjũane nepia jɨrɨrãt'ɨ minachia uru p'ananai k'orea. Nãɨ ĩjũanepema mok'osiaparima, simiapa ãriparima ichiaba nechɨapataɨrã eda wãnak'ari nechɨapatama.

Mateo 6:19 Referans Kwoze

Hebreo 13:5

Erreara k'ɨ̃ria p'anarãt'ɨ. Mãɨpari ara machia uru p'anɨnepa sõpia p'anat'ɨ Tachi Ak'õrepa nãɨya jarada pẽra: «Mɨa pɨ ameeiwẽma mãɨnepa pɨ tuaba bɨiwẽma».

Luca 12:21

»Abaɨpa nãɨ ĩjũanepema atepe atai k'ɨ̃risia bɨpɨra, maamina Tachi Ak'õre k'orea k'ɨ̃risiawẽa bɨpɨra, mãɨ jĩra mãɨyaipɨ».

Luca 18:22

Mãɨ ũrik'ari Jesupa ichiá jarasima: —Wapida ne aba ooiwẽa bɨma: pɨa ne uru bɨ ãarea netok'ari erreara chi nenea k'edea jedase. Mãɨya nepia pajãne uru baipɨ. Maapae mɨ ome p'ɨrrɨade chese.

1 Timoteo 6:17

Nãɨ ĩjũane erreara pará berã́ jarase waapẽarã k'aepẽra chi atepe berã k'ɨ̃risiapidaemaapa. Ãchia ne uru p'anɨ tãaraa choak'a pẽra jarase mãɨ k'orea pia p'ananai k'ɨ̃risiapidaemaapa. Tachi Ak'õret'u k'ɨ̃risiadai pia bɨma. Ichiapuru tachiá nejõma minachia teaparima ne k'ɨ̃risiadawẽa p'ananamẽrá.

Luca 12:33

Mãɨ k'orea mãrapa ne uru p'anɨnepema netodak'ari chi nenea k'edea teat'ɨ. Nepia pajãne uru p'anai k'orea jɨrɨt'ɨ. Chi ne pajãnepema jõk'ama. Jãma simiapa ãrik'ama mãɨnepa nechɨapataɨrã pida p'ue chɨadak'ama.

Luca 18:24

Jesupa ichi mãɨya bɨ unuside nãɨya jarasima: —Piarã chi t'aju bɨma ẽpẽra ɨbɨa bɨ Tachi Ak'õre juade bai k'orea, ichidirã paara.

Mateo 19:21

Mãɨne Jesupa ichiá jarasima: —Pɨ piarã jĩp'a ba k'ɨ̃ria bɨpɨra, pɨa uru bɨ ãarea netode wãk'ari erreara chi nenea k'edea tease. Mãɨya nepia pajãne uru baipɨ. Maapae mɨ ome p'ɨrrɨade chese.

Mateo 6:20

Mãɨ k'aepẽra chi piipará bɨ machi sõnepa k'ɨ̃riapatama. Mãɨpuru Tachi Ak'õrepa k'ɨ̃ria bɨt'a mãra pida k'ɨ̃ria p'anat'ɨ ne aba pia bɨ pajãnepema uru p'ananai k'orea. Jãma simiapa ãrik'ama, nepia mok'osiak'ama ichiaba nechɨapataɨrã p'ue eda wãnak'ama.

Luca 12:39

»Nãɨ k'awat'ɨ: te chiparipa nechɨaparí sãapae chei k'awa bɨpara, k'ãiwẽa bai pasima tede eda wãpiemaapa.