Mateo 6:16 - Tachi Ak'õre Pedea

¹⁶ »Mãrapa Tachi Ak'õrene k'ɨ̃risiadayá nek'odak'apɨ́ ewaride ooutade k'ĩra piawẽa p'aneerãt'ɨ Tachi Ak'õrene ĩjãapataade apataɨrãpa oopataɨ jĩra. Ãchi mãɨya p'anapatama jõmãɨrãpa k'awadamẽrá Tachi Ak'õrene k'ɨ̃risiadayá nek'odak'apɨ́ ewaride oo p'anɨ. Mɨa piarã jararuma: ẽpẽrarãpa ãchi pia jaradai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 6:16 Referans Kwoze

Luca 18:12

Tomiocha bari k'ak'o ume Tachi Ak'õrene k'ɨ̃risiadayá nek'odak'apɨ́ ewari ooparima mãɨnepa ne diez jitarudepema mɨa pɨá aba teaparima”.

Marco 2:18

Mãɨ ewaride chi Juan chi Porochoaparí ome p'ɨrrɨapataɨrãpa mãɨnepa p'ariseorãpa Tachi Ak'õrene k'ɨ̃risiadayá nek'odak'apɨ́ ewari oo p'anasidama. Mãɨya p'anɨne waapẽarãpa Jesumá orrobaridak'ari idisidama: —Chi Juan ome p'ɨrrɨapataɨrãpa mãɨnepa p'ariseorãpa Tachi Ak'õrene k'ɨ̃risiadayá nek'odak'apɨ́ ewaride oopatama. Maamina chi pɨ ome p'ɨrrɨapataɨrãpa ¿k'ãre k'orea mãɨya oodak'ama?

Hecho 14:23

P'uurucha chi ĩjãapataɨrã t'ãena ũpẽarã ak'ɨpataɨrã bɨsidama. Maapae Tachi Ak'õrea ɨt'aa chiididak'ari, Tachi Ak'õrene k'ɨ̃risiadayá nek'odak'apɨ́ ewaride oodak'ari, chi Tachi Chipari ĩjãa p'anɨt'a ichi juade bɨsidama.

Mateo 6:5

»Pɨa Tachi Ak'õrea ɨt'aa chiidirude Tachi Ak'õrene ĩjãapataade apataɨrãpa oopataɨ jĩra oorãse. Ãchia judiorã ará pedeapataɨ tede mãɨnepa p'uurude bai nɨp'aneenak'ari Tachi Ak'õrea ɨt'aa chiidipatama ẽpẽrarãpa pia ununamẽrá. Mɨa piarã jararuma: ẽpẽrarãpa ãchi pia ununai k'ɨ̃ria p'anɨ pẽra mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

Mateo 6:2

Pɨa nenea k'edea ne tearude seat'a Tachi Ak'õrene ĩjãapataade apataɨrãpa oopata jĩra oorãse. Ãchia ne teautade, mãɨ k'orea jarapatama judiorã ará pedeapataɨ tede mãɨnepa p'uurude pida jõmãɨrãpa ãchi k'orea pia pedeadamẽrá. Mɨa piarã jararuma: ẽpẽrarãpa ãchi k'orea pia pedeadait'a k'ɨ̃ria p'anɨ pẽra, mãɨ ãchi k'orea pedea pia pedeadada puru nepia uru p'anɨma. Mãɨt'u Tachi Ak'õrenepa mi ãpia pida nepia uru p'anɨwẽma.

2 Corintio 11:27

Mimia bɨde mɨ minachia mĩapachima. Bari k'ak'o minachia k'ãiwẽa bapachima, jarra bapachima, opisia bapachima, nek'owẽa bapachima. K'õresãapa mɨ wɨwɨrrɨa bapachima, mãɨnepa neet'á nea bapachima.

1 Corintio 7:5

Mãra k'ak'ua mãra k'imá wãak'arãt'ɨ. Tachi Ak'õrea ɨt'aa chiidi k'ɨ̃ria p'anɨpɨra pedea aba bɨde bɨt'ɨ, mãɨ ewaride ará k'ãinawẽa p'aneenai k'orea. Maamina tãaraa mãɨya p'aneenaiwẽa p'anɨma. Mãɨya bak'ari mãicha ará k'ãinai p'anɨma, mãra p'ue choadawẽa p'aneeutade, tiorea tachi nemietá oopidaemaapa.

Luca 2:37

Ichi p'ẽtã́ beeda ãyo 84 basima. Ewaricha ãst'á, teamasi pida Tachi Ak'õre te minachia bɨdea wãpachima Tachi Ak'õrea pia pedeai k'orea, Tachi Ak'õrene k'ɨ̃risiadayá nek'odak'apɨ́ ewaride ooi k'orea mãɨnepa Tachi Ak'õrea ɨt'aa chiidii k'orea.

2 Corintio 6:5

Soapa p'e p'anɨne, eda jɨ̃a nɨbɨ p'anɨne mãɨnepa tai k'orea k'ĩruupik'a p'anɨne mãɨya unupi p'anɨma. Minachia mimia p'anɨne, k'ãinawẽa p'anɨne mãɨnepa nek'odawẽa p'anɨne mãɨya unupi p'anɨma.

Hecho 10:30

Mãɨne Corneliopa jarasima: —Ewari k'ak'o k'ĩmari pa bɨde ara nãɨ orak'a, k'ewara hora ũpeaɨde, mɨa Tachi Ak'õrene k'ɨ̃risiayá nek'ok'apɨ́ ewari oo basima. Tachi Ak'õrea ɨt'aa chiidimaa bɨde mɨ k'ĩrari ẽpẽra aba bɨt'a unusima. Ichi neet'á achiterrea basima.

Mateo 6:1

»Jĩrak'aua p'anat'ɨ awaraɨrã taade nepia oodai Tachi Ak'õre pae, ãchia ak'ɨdamẽrá. Mãɨya oosidara, mãra Ak'õre pajãne bɨpa mãrá nepia teaiwẽma.