Mateo 6:13 - Tachi Ak'õre Pedea

¹³ Tai nemietaade baepirãse mãɨnepa nemietaadepema k'aripase”. [Pɨa jõmãɨrã p'ue bɨpɨ, pɨ chi chaarea bɨpɨ ichiaba ewaricha chi minachia k'awa bɨpɨ.]

Mateo 6:13 Referans Kwoze

1 Corintio 10:13

Edaɨde tachi sõnepuru k'ɨ̃risiapatama nemietá oodai k'orea, jõmãɨrãpa ãarea mãɨya k'ɨ̃risiapataɨ jĩra. Mãɨ p'ue choadaepɨra, Tachi Ak'õrepa tachiá mãɨya k'ɨ̃risiapiwẽma. Mãɨnepa tachia mãɨya k'ɨ̃risia p'aneeutade ichia k'aripaipɨ choadamẽrá, ichia jara bɨ jĩra ewaricha oopari pẽra.

Juan 17:15

Mɨa pɨá idi bɨwẽma ãchi nãɨ ĩjũanepema ãyá ateewãmẽrá, mãɨpari ɨt'aa chiidi bɨma nemietaadepema ak'ɨ bamẽrá.

Mateo 26:41

Mãra tau pará p'anat'ɨ. Tachi Ak'õrea ɨt'aa chiidit'ɨ mãra nemietaade baedaemaapa. Mɨa k'awa bɨma mãrapa nepia oo k'ɨ̃ria p'anɨt'a. Maamina machi k'ak'uapa choadawẽa p'anɨma.

Apocalipsi 19:1

Mãɨya nak'ari mɨa pajãne chok'ará nãɨya pedea p'anɨt'a ũrisima. «¡Tachi Ak'õrea pia pedeadai p'anɨma! Ichiapuru ẽpẽerã k'aripa bɨma. Ichit'a chi atepe bɨma mãɨnepa chi jua chaarea bɨma.

2 Tesalonicense 3:3

Maamina Tachi Chiparipa ooipɨ ichia jara bɨ jĩra. Ichia mãra k'aripa baipɨ choa p'ananamẽrá mãɨnepa k'achiadepema ak'ɨ baipɨ.

Mateo 6:10

Taipa k'ɨ̃ria p'anɨma tãaraawẽa bɨde pɨa pɨchidirã pɨ juade ua bait'a. K'ɨ̃ria p'anɨma pɨa k'ɨ̃ria bɨ nãɨ ĩjũanepemarãpa oodait'a, pajãnepemarãpa oopata jĩra.

2 Pedro 2:9

Mãɨpa unupi bɨma Tachi Chiparipa chi jĩp'a oo berã minachia mĩa p'anɨnepema k'aripayá bɨt'a. Mãɨnepa k'awa bɨma chi jĩp'a oowẽa berã sãmaasã́ uru bait'a aba ichia ɨtɨai ewaridea.

1 Tesalonicense 1:10

Ãchia jara p'anɨma sãmaasã́ mãrapa Tachi Ak'õre Warra Jesú pajãnepa chei nɨ p'anɨt'a. Ara mãɨ Jesú piuda pada Tachi Ak'õrepa chok'ae p'irabaripisima. Ichia Tachi Ak'õrepa tachi ɨtɨai pada k'aripasima.

Apocalipsi 21:4

Ãchi tauba ichia ãarea p'oapiipɨ. Jõma naena bada jõna pẽra waa piudaiwẽma, waa jẽanaiwẽma, waa sõk'achiadaiwẽma mãɨnepa waa sõp'uadaiwẽma».

Apocalipsi 3:10

Mãra mɨ k'orea minachia mĩa p'anɨt'a ãarea choa p'anɨma mɨa jarada jĩra. Mãɨpuru nãɨ ĩjũanepemarã minachia mĩanai ewari cherude mɨa mãra ak'ɨipɨ. Mãɨ ewaride mɨa jõma nãɨ ĩjũane tuanurã minachia mĩapiipɨ, sãmaasã́ oodai k'awayá.

1 Juan 3:8

Chi nemietá oo bɨt'u tioredepɨ, tiore jua chiwidieda nemietá oopari pẽra. Tachi Ak'õre Warra nãɨ ĩjũanea chesima tiorepa oo bɨt'a p'uei k'orea.

1 Pedro 5:8

Jĩrak'aua p'anat'ɨ mãɨnepa ẽrea p'anat'ɨ. Tiore mãra ome chi nek'ĩramá imama jĩra ɨrrɨa p'ɨrrɨa bɨma, k'aiyá Tachi Ak'õre p'ue itu bɨpii k'awayá.

Gálata 1:4

Chi mãɨ Jesucristopa ara ichi tachi nemietá k'orea itu peapisima nãɨ ewari mietaadepema k'aripai k'orea. Mãɨya oosima Tachi Pajãnepema Ak'õrepa k'ɨ̃riana pẽra.

2 Corintio 1:20

Piarã Tachi Ak'õrepa ooi jarada jõma Cristodepa ooparima. Mãɨ k'orea tachia Tachi Ak'õrea ɨt'aa chiidiutade Cristodepa piarãane apatama. Mãɨya ichi k'orea pia jara p'anɨma.

Apocalipsi 2:10

Mãra ewari tãaraawẽa bɨde minachia mĩanait'a wap'earãt'ɨ. ¡Ũrit'ɨ! Tiorepa eda mãranepema jɨ̃a nɨbɨipɨ mãɨ wapida ĩjãa p'anɨ k'awayá. Minachia mĩanaipɨ ewari k'ak'o diez ãarea. Mãra peautamisa ĩjãa p'anat'ɨ. Maapae mɨa mãrá poro jũra jɨ̃parí tearude, ewaricha chok'ae bapiipɨ.

Apocalipsi 1:18

Mɨ chi Chok'ae Bɨma. Mɨ piudamina ak'ɨse chok'ae bɨ, mãɨnepa ewaricha chok'ae baipɨ. Mɨa piudarã chok'ae p'irabaripi bɨma.

Mateo 5:37

Mãrapa ne oodayade adaipɨra, oot'ɨ. Ichiaba oodawẽane adaipɨra, oorãt'ɨ. Mãɨ paritua t'ɨ̃ne piarã ne ooyade a jarasira mãɨ pedea nemietaadepa che bɨma.

1 Corintio 14:16

Pɨ jaorepa Tachi Ak'õrea pia pedeaipɨra chi pɨa jarada k'awa ũrik'apɨɨpa ¿sãmaasã́ mãɨ piarãane aima, pɨa sõpia bɨade ada k'orea?

Mateo 28:20

Ãchiá jarateat'ɨ mɨa mãrá jarada jõma ĩjãanak'ari oodamẽrá. Mãɨne mɨ mãra ome ewaricha baipɨ aba nãɨ ewari jõrunea.

Apocalipsi 19:4

Mãɨne chi veinticuatro chõarã mãɨnepa ẽpẽra jĩra k'ĩmari chok'ae p'anɨ sĩraporode bari k'op'aneesidama Tachi Ak'õre k'ɨ̃rianai k'orea. Tachi Ak'õre ichi suak'a beeparí auk'ará bɨde suak'abari bɨde ãchia nãɨya pia pedeasidama: «¡Mãɨya beese! ¡Tachi Chiparia pia pedeadai p'anɨma!»

Apocalipsi 5:13

Mãɨne mɨa ũrisima jõma Tachi Ak'õrepa ooda pajãne bepa, nãɨ ĩjũane bepa, piudaadarã jaorepa, p'usade be pida nãɨya k'ari p'anɨ: «Ãareaɨrãpa pia pedeadai p'anɨma ewaricha chi Tachi Ak'õre suak'a beeparide auk'ará bɨde suak'a bɨa mãɨnepa chi Oveja Chak'e k'edea. Chi atepe pia bɨade adai p'anɨma, minachia auk'ará bɨade adai p'anɨma, mãɨnepa ichi juade nejõma p'ue uru bait'a pia bɨade adai p'anɨma».

Apocalipsi 3:14

»Chi Laodicea p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Chi Piarãpẽa Pedea apataɨpa Tachi Ak'õre k'orea piarã jõma arí jaraparima. Ichidepa Tachi Ak'õrepa nejõma oosima. Ichia nãɨya jara bɨma:

Hebreo 11:36

Chi eda waapẽarã Tachi Ak'õrene ĩjãa p'anɨ k'orea ẽpẽerãpa oo uru p'anɨpa k'achia pedeasidama, soapa p'esidama mãɨnepa k'ãnenapa jɨ̃nak'ari eda jɨ̃a nɨbɨpataɨ tede jɨ̃a nɨbɨpisidama.

1 Timoteo 1:17

Tachi Ak'õre chi ewaricha jõmãɨrã Chiparipɨ. Ichi chi tachia ununak'aɨ piuk'ama. Ichit'u Tachi Ak'õrepɨ. Ichiá tachia ewaricha pia pedeadai p'anɨma mãɨnepa wap'eadai p'anɨma. Mãɨya beese.