Mateo 5:9 - Tachi Ak'õre Pedea

⁹ Pia p'anɨma chi mãɨ ẽpẽrapa nepɨra tachi ũpẽa ome uru p'anɨ mãɨ k'aripa p'anɨrã, Tachi Ak'õre warrarãane adai pẽra.

Mateo 5:9 Referans Kwoze

Hebreo 12:14

Ãareaɨrã ome ne k'ɨ̃risiawẽa p'anat'ɨ. Mãɨnepa Tachi Chipari pae pia p'anat'ɨ. Chi Tachi Chipari pae pia p'anɨwẽpa ichi p'ue ununaiwẽma.

Romano 12:18

Mãrapa jɨrɨt'ɨ jõmãɨrã ome ne k'ɨ̃risiawẽa p'ananai k'orea.

Gálata 5:22

Maamina Tachi Ak'õre Jaorepa nakɨɨ teaparima: waapẽarã k'ɨ̃ria p'anapataɨ, arapá p'anapataɨ, ne k'ɨ̃risiawẽa p'anapataɨ, jõma choa p'anapataɨ, ẽpẽrarã ome sõpia p'anapataɨ, ẽpẽra pia p'anapataɨ, ãchia jara p'anɨ jĩra oopataɨ,

Romano 8:14

Jõma Tachi Ak'õre Jaoredepa nipapataɨrã Tachi Ak'õre warrarãpɨ.

Luca 6:35

»Mãɨpari mãra chi nek'ĩramá k'ɨ̃riat'ɨ. Ãchi pia oot'ɨ. Ãchiá ne teat'ɨ. Maamina mãrapa ne teautade ãchia mãrá ne teadai k'ɨ̃risiarãt'ɨ. Mãɨyapuru mãrapa Tachi Ak'õrenepa jitadait'a atepe waibɨa baipɨ mãɨnepa unupidaipɨ piarã mãra Tachi Ak'õre chi atepe bɨ warrarãpɨ. Ichia nemietá oopataɨrã mãɨnepa ichiá pia bɨade adak'aɨrã ichi sõpiadepa k'aripaparima.

2 Corintio 13:11

Ũpẽarã, k'aadea mɨa nãɨya bɨruma: arapá p'anat'ɨ, mãicha jĩp'a oo p'anayá jɨrɨt'ɨ, mɨa jara bɨt'a oo p'anat'ɨ, abarik'a k'ɨ̃risia uru p'anat'ɨ mãɨnepa ne k'ɨ̃risiawẽa p'anat'ɨ. Mãɨya chi Tachi Ak'õre tachiá k'ɨ̃riapiparí mãɨnepa ne k'ɨ̃risiawẽa bapiparí mãra ome baipɨ.

Colosense 3:13

Jõmãɨrã ome choa k'awa p'anat'ɨ. Abaɨpa piawẽa oosira mãɨ piawẽa ooda k'ɨ̃risia atuat'ɨ. Mãrapa piawẽa oodada Tachi Chiparipa k'ɨ̃risia atuada jĩra mãra pida k'ɨ̃risia atuat'ɨ.

Mateo 5:48

Mãɨpuru jõmãɨrã k'ɨ̃ria beat'ɨ mãra Ak'õre pajãne bɨpa jõmãɨrã k'ɨ̃ria bɨ jĩra.

2 Corintio 5:20

Mãɨpuru Cristopa tai peesima ichi pari pedeadamẽrá. Taidepa Tachi Ak'õrepa mãrá t'ɨ̃ bɨma ichi ome pia p'ananamẽrá. Taipa Cristo t'ɨ̃nepa chichupuria idiutama: Tachi Ak'õre ome pia p'anat'ɨ.

Hecho 7:26

Norema Moisepa unusima israel ĩjũanepemarã ume k'ĩruu p'anɨt'a. Ãchi nepɨra newẽa pia p'ananamẽrá nãɨya jarasima: “¡Mãra abarik'a tachi p'uurudepemarãpɨ! ¿K'ãre k'orea jãɨya k'ĩruu p'anɨma?”

Mateo 5:45

Mãɨya baipɨ mãra Ak'õre pajãne bɨ warrarãpɨ. Tachi Ak'õrepa ɨmata ochiapiparima ẽpẽra sõpia berã ɨ̃rɨ, k'achia berã ɨ̃rɨ pida. Ẽpẽra jĩp'a be k'orea chi jĩp'a bewẽa k'orea pida k'oe chepiparima.

1 Corintio 6:6

Maawẽapuru ũpẽa abaɨ chi ũpẽa ome k'ĩruu pedeadak'ari chi nãɨ ĩjũanepema nepɨra ak'ɨpataɨrãmá wãpatama. Piarã mãɨya oodaiwẽa p'anɨma, chi Tachi Ak'õrene ĩjãanak'apɨɨrã k'ĩrari k'ĩruu pedeapata pẽra.

P'ilipense 4:2

Mɨa ũpẽawẽra Evodia mãɨnepa ũpẽawẽra Sintik'ea chichupuria idiruma chi pia pedeadamẽrá Tachi Chipari Jesucristo ome p'anɨ pẽra.

Luca 20:36

Mãɨya waa piudaiwẽma. Chok'ae p'irabaridai pẽra Tachi Ak'õre warrarãpɨ.

Ep'esio 4:1

Mɨ Tachi Chipari k'orea eda serra bɨma. Mɨa mãrá chichupuria idiruma jĩp'a nipadamẽrá. Tachi Ak'õrepa mãra t'ɨ̃sima mãɨya nipadamẽrá.

Romano 8:16

Tachi sõne Tachi Ak'õre Jaorepa k'awapi bɨma piarã Tachi Ak'õre warrarãt'a.

Romano 8:19

Nejõma Tachi Ak'õrepa ook'oada ãarea nɨ p'anɨma ichi warrarã pia p'aneeuta k'orea isapea unupimẽrá,